A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

spresonaméntu , nm Definizione su ndhe bogare de presone a ccn. Etimo srd. Traduzioni Francese mise en liberté Inglese release Spagnolo excarcelación Italiano scarcerazióne Tedesco Enthaftung.

spressóriu spensóriu

sprestocadúra , nf Definizione su si sprestocai, nau fintzes in su sensu de abbatimentu mannu, a ammachiadura Sinonimi e contrari abbatimentu, scoramentu Etimo srd.

sprestocài , vrb Definizione prnl, su si ammachiare, pretocai*, iscassedhare de conca.

spretài spertài

spretèsa spertèsa

sprétu spéltu

spretúmini , nm Definizione su èssere spretus a tropu: genia de barrosia e bàntidu po calecuna cosa de bonu o de bellu chi si tenet Sinonimi e contrari barrosia, barrosímini, fanfarronia, magnosidade Frasi est bastara una folla de làtia e una nui de incuinamentu po ti fai passai totu su spretúmini! (A.Melis) Etimo srd.

spretziài , vrb: isprexare* Sinonimi e contrari disprejare, ilbantare, ilzenzare, innorare, menispresiare Frasi cussu no est ómini de spretziai, no perdit su tempus me in su tzilleri o in s'arrólliu (J.Murgia) Traduzioni Francese dédaigner Inglese to disdain Spagnolo desdeñar Italiano sdegnare Tedesco verschmähen.

spretzisidàdi , nf Definizione su èssere precisu, apretosu, nau de una cosa o chistione Sinonimi e contrari abbisognu, aprentu, pretzisidade Etimo srd.

spretzugài , vrb Definizione pigare a su tzugu e istrínghere a forte, pònnere s'atzavoga Sinonimi e contrari aggangae, aggrangugliare, aggangulitare, apistijare, apuligare.

spréu , nm: ispreu*, spriu Definizione calecuna cosa chi no si bolet, chi est contragéniu meda, chi giaet dirgustu, iscramentu malu; fintzes pelea, múngia Sinonimi e contrari assunciudhu, astudhu, iscadha, iscalmentu, ispràgiu, spamentu Modi di dire csn: bodhiri s. = collire assuconu; tènniri ccn. cosa a spreu = timiresila, istare timindhe a la fàghere; unu spreu de tempus = tempus meda Frasi ndi at a tenni spreu a dhoi torrai a domu de s'amigu, po s'istrobbu chi dhi at donau ◊ de candu apu pigau spreu po is dotoris no dhus pòciu biri! ◊ su pensamentu de sa morti dhu turmentat fintzas a dh'acorrai in cristas de spreu ◊ spriu mannu ndi apu tentu de cussa chistioni! 2. apustis de unu spreu de tempus dh'at torrada a cerriai Traduzioni Francese répugnance, horreur, terreur Inglese repugnance, dread Spagnolo repugnancia, horror, terror Italiano ripugnanza, orróre, terróre Tedesco Widerwille, Horror, Schrecken.

spreuài , vrb Sinonimi e contrari iscarmentare, isprajare, spreai*.

spreugài , vrb: ispiogare*, spriogai Definizione iscabbúllere de su preugu, limpiare de su preugu Sinonimi e contrari | ctr. impriogai.

spreuxíu spreluxíu

spreviài , vrb Definizione passare ora chentza fàere faina, ispassiandhosi, chentza pentzare a su trebballu Sinonimi e contrari addiviai, desogai, disaviare, istrabiare 1 Frasi tochit ca esseus a màchina, aici si spréviat unu pagu! ◊ seu bessendinci a spreviai Traduzioni Francese s'amuser Inglese to take one's mind off Spagnolo divertirse, entretenerse Italiano svagarsi, distrarsi Tedesco sich zerstreuen.

spreviaméntu , nm Sinonimi e contrari gosa, spàssiu, spréviu | ctr. matana, tormentu, trabballu Frasi su poeta fini e delicau donat a chini ligit oras de spreviamentu bonu e pasiosu (F.Onnis) Etimo srd.

spreviàu , pps, agt Definizione de spreviai Sinonimi e contrari contentu, pregiau, pregiosu 2. Deus iat agatau su coru de is piciocas sentzeru e límpiu, e prexau e spreviau nci fiat torrau a su celu.

spréviu , nm Definizione su si spreviai, pruschetotu su divagu de is bècios chi essint a passigiare, a pigare sole Sinonimi e contrari arrecreu, desogu, desviu, dirvagu, gosa, spàssiu, spreviamentu | ctr. matana, tormentu, trabballu Etimo srd.

sprèxa , nf Definizione arrusciada o ispergiada de trigu e sale chi si faet a is isposos candho essint de crésia, o fintzes candho funt passandho, po norabbona o bonas uras Sinonimi e contrari gràtzia, títia Terminologia scientifica sntz.