Ditzionàriu in línia
de sa limba e de sa cultura sarda

spriuxíri , vrb Sinonimi e contrari acicai, spreai Etimo srd.

spriuxíu spreluxíu

sprixuràu, sprixuriàu , agt Definizione nau de ccn., essiu de bisura, cun sa cara coment'e chi apat tentu dannu; nau de colore, chi est biu biu, mancari tropu Sinonimi e contrari spreluxiu, stramesiu, stramoriau / spramau Frasi Giudas andàt e giràt sentza de tenni assentu e pariat própiu unu macu, a pius isciotus, sprixuriau e iscuntentu ◊ apu inténdiu una boxi sprixurada 2. cussa depit èssiri isciollochendisí e a bortas si achichiritat cun bistiris sprixuraus! Etimo srd. Traduzioni Francese bouleversé Inglese shocked Spagnolo descompuesto Italiano sconvòlto, stravòlto Tedesco erschüttert, verwirrt.

sprobigài , vrb: isprobigai*, sprobugai Definizione arrennèscere a cumprèndhere, a bíere, a fàere calecuna cosa de dificurtosu; fàere impresse Sinonimi e contrari cumprèndhere, sebeltare, spirigai, spodhai / acoidai, ispontziai Frasi dhui est sa giustítzia, chi sprobigat totu ◊ dèu de italianu ndi spróbigu pagu ◊ citudidha, ca immoi seu isprichendidhu sa cosa po chi su pratori dha potzat sprobugai! ◊ cumbenit chi si sprobighit prima de iscurigai! Traduzioni Francese se débrouiller Inglese to extricate Spagnolo desenredar Italiano sbrogliare Tedesco entwirren.

sproboxài , vrb Sinonimi e contrari abantai, bragai, lantarinare, spallerai Frasi portàt sa fémina in giru a manu pigada po si sproboxai cun is paisanus.

sprobóxu , nm Definizione su sproboxai Frasi po afródhiu e po sproboxu fiast abetendi sa festa! Etimo srd.

sprobugài sprobigài

sprodhènti , agt: isprodhenti Definizione nau de ccn., chi si dha podet (fintzes po giare cosa), chi si paret forte, o chi deasi giaet a bíere, animosu meda Sinonimi e contrari brafanteri, ispaparoteri, lantariarzu | ctr. suxetzionosu Frasi issu no est mera sprodhenti: cosa ge ndi tenit ma a ndi donai, balla!… Traduzioni Francese fanfaron Inglese boaster Spagnolo fanfarrón Italiano spaccóne Tedesco Aufschneider.

sproidórgiu , nm Definizione donniuna de is partes de comente est ispartzia una cabertura a manera de betare abba a una o prus de una bandha Sinonimi e contrari abbaeta, impanniada, pagnada, spéndinu Frasi est una crobeta a unu sproidórgiu Terminologia scientifica dmo Traduzioni Francese rampant Inglese slope Spagnolo faldón, tendido Italiano spiovènte Tedesco Abdachung.

spronàda , nf: ispronada* Definizione cropu, frigada o puntura de isprones Sinonimi e contrari ispronizada.

spronài , vrb: ispronai* Definizione púnghere a isprones, donai sproni Sinonimi e contrari aspronare, ispronizare Frasi spronendi a totu spronai fiat lómpiu su primu, istallendinci is àterus cuadhus.

spròndi, spròndiri spòndiri

spròni , nm: asprone, isprone* Definizione genia de orrodighedha totu a puntas (a bisura de isedhu), posta in d-unu ferru arcau chi s'intrat in su carcàngiu de chie cicit a cuadhu po púnghere s'animale a fiancos po dhu fàere camminare; fintzes una genia de punta chi essit prus in fora, contonadas de orruga, tretu de muru / s. de su cani, de su caboni = genia de unga in su pei Sinonimi e contrari cdh. spronu Frasi Turcus e Morus, che frumi calau, a cuadhu si ghetant, a sproni cracau!

sproniòru , nm Definizione cardu istratu, ispina de caràtua o molentina, genia de erba chi faet una cranciofedha cun ses o sete ispinas apertas a istedhu Sinonimi e contrari cadalava, cadàtola, colustídhiu, istratinavias Terminologia scientifica rba, Centaurea calcitrapa Etimo srd.

spronítu , nm Sinonimi e contrari basabeis, ispinaturpa, ispronedhu / cdh. sprunitu Terminologia scientifica rba.

sprontziài , vrb Definizione àere su prontu, s'atrivimentu de fàere Sinonimi e contrari arriscai, atrevire, isprontiri*

spropódhu , nm Sinonimi e contrari irfortzu, strotodhu.

sprorài , vrb: isprorare* Definizione compidare, andhare a bíere logos o provare cosas chi no si connoschent Sinonimi e contrari combutare.

sprufúndhu sparavúndu

sprugadúra , nf: ispurgadura* Definizione su sprugai; sa cosa isprugada, bogada a fora Sinonimi e contrari sprugamentu.