A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

sbiolàu , agt: sviolau Sinonimi e contrari rujulone, rundhajolu.

sbiollàu , agt Definizione nau de unu trastu, chi est bogau de pare, tzanchi tzanchi, male firmu, lascu Sinonimi e contrari ijoguladu, iscossiminzadu, istracassau, scarrabeciau, scarrugau.

sbiorài , vrb Definizione su si pigare fioleras, passare su tempus in diverteras pagu onestas 2. su malloru acostumat a si sbiorai, si nd'istallat e si nc'istésiat de is bacas.

sbirrendài , vrb Sinonimi e contrari arrebbotare, pichetai.

sbírru , nm: ibbirru* Definizione genia de animale areste: gatagreste o cane de serra Sinonimi e contrari ansile, assíbile, bassili, birru, cassí, grassíbile, ischirru, màrcia 3.

sbírru 1 , nm: ibbirru 1 Definizione pillon'e santa Crara, una genia de orrúndhine chentza peis bonos po camminare Sinonimi e contrari babbarotu, farzia.

sbisogài , vrb Definizione coment'e intzurpare, ma prus che àteru po isfortzu de sa vista Sinonimi e contrari bisogai, incegai, isogritedhare Frasi ita lègia custa luxi de candela: seu sbisoghendumí! ◊ est annus sempri iscriendi sbisoghendisí Etimo srd.

sbisogàu , pps, agt Definizione de sbisogai, bisogu Sinonimi e contrari bajocu, cadrogu.

sbisuriài , vrb Definizione guastare sa cara, sa bisura; nau de unu trastu, pèrdere su colore Sinonimi e contrari infeire, isbisuriri, iscaranare 1, iscrentiare, sfigurai, slegiai / ilbiadire, iscolorire 2. custu pannu est sbisuriau, at pérdiu colori ◊ sbisuriau de fadiori no arrennesciat a movi prus nemancu is peis ◊ pòberus cristianus, sbisuriaus de is bombas chímicas! Etimo srd. Traduzioni Francese défigurer, déformer Inglese to disfigure Spagnolo desfigurar Italiano sfigurare, deturpare Tedesco verunstalten, entstellen.

sbisuríu , agt: irbisuriu Definizione nau de unu, chi portat bisura, cara lègia, guasta, chi est in cara mala; si narat de cosa puru, candho est totu andhada male, iscoloria Sinonimi e contrari infeidu, iscaranadu, iselmoradu, spiunchiu Frasi dhu biu tristu, fadiau e sbisuriu: s'at a intendi mali? ◊ is tronis de s'àxina ocannu funt sbisurius e isbuidus ◊ intrendi a Castedhu si bint is primus istaris sbisurius ◊ at passau una cambarada de zíngaras, a faci sbisuria Etimo srd. Traduzioni Francese défiguré, enlaidi Inglese disfigured, made ugly Spagnolo deturpado, afeado Italiano deturpato, imbruttito Tedesco verunstaltet, verunziert, entstellt.

sbitzài , vrb: irbitzare* Definizione lassare, bogare o fàere pèrdere s'imbitzu, un'avesu Sinonimi e contrari disabesare, disacostumai, ismeliare, ispònnere, isvisciare.

sbitzogài , vrb Definizione giogandho a birillas, tirare sa birilla po fèrrere (bochire) cussa de su cumpàngiu Terminologia scientifica ggs.

sbòbba , nf Definizione cosa de papare Sinonimi e contrari màndhicu, mànicu.

sbociadòri , nm Definizione in su giogu, chie sbòciat s'àteru giogadore Etimo srd.

sbociadúra , nf Definizione su sbociai Sinonimi e contrari sbociamentu Etimo srd.

sbociài , vrb: isbociare* Definizione su che bogare sa bòcia de s'àteru, giogandho / s. a unu de sa sedha, de unu postu = betare dae cadhu, bogarechelu de su postu Sinonimi e contrari bociare.

sbociaméntu , nm Sinonimi e contrari sbociadura Etimo srd.

sbodhiài, sbodhicài , vrb: ilboligare* Definizione apèrrere, istèrrere una cosa imbodhigada o fata a lómboru; foedhare de una chistione coment'e ispiegandhodha; nau de sa manera de fàere sa cosa, coitare, fàere cun lestresa, cun coidau Sinonimi e contrari disgagiai, ibbrodhiai, istèrrere, istrobillai, spodhai / acoidai | ctr. allomborae, imbolicare / istentare 2. totus dh'ant istudiau, ma nisciunus sbodhicat bèni s'argumentu Traduzioni Francese dérouler Inglese to unroll Spagnolo desenrollar, desdoblar Italiano svòlgere, spiegare Tedesco aufwickeln, erklären.

sbodhicaméntu , nm Definizione su sbodhicai Sinonimi e contrari | ctr. imboligamentu, trogadura Etimo srd.

sbollinài , vrb Definizione tènnere o èssere a furriamentos de conca Sinonimi e contrari ammolighinare, ibbadhinare, scimingiai 2. no mi sbollinis sa conca!