A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tròne , nm: troni Definizione s'àghina comente dha bogat su fundhu totu a pibiones acanta de pare in su tenaghe; s'ispiga de su moriscu; cosa a bisura de trintzilleri, apicone, a meda totu impare / min. tronighedhu Sinonimi e contrari brutone*, gudroni, iscala 1 Frasi s'isermentu no at prus trones de ua ◊ seu bintrau a bíngia po mi segai dus tronis de muscadedhu 2. muinendi e zummiendi funt acudendi a tronis muschitus e musconis Terminologia scientifica rbr.

tronéu toronéu

tròni tròne

tronía , nf Definizione cosa ispropositada chi si narat o chi si faet in fadhina, ibbàlliu mannu, tontesa, molentada Sinonimi e contrari ibbàmbiu, isambrúliu, lolluine, sciapidóriu Frasi vostei mi fait nai tronias chi no mi sunt mai passadas in conca! (R.Spissu)◊ acidenti dhis pighit a chini narat custas tronias! (G.Tatti)◊ poni sa marra, no fatzas calincuna tronia! ◊ no fatzaus calincuna tronia, chi mancai dhis mandaus is condogliantzas, a is parentis, e issu est ancora in custu mundu! (L.Serpi)

trónida , nf: trónita Definizione genia de sonu o tzàcurru mannu mannu che tronu etotu / t. gurda = tronu chentza próina Sinonimi e contrari tronu Frasi acultzu a una buca iscarmentosa dae ue essiat trónida porosa urulaiant mostres e orcos ◊ l'ant agabbata de briare candho un'ispétzia de trónita los at issurdatos ◊ s'intennet una boche chi paret una trónita Etimo srd.

tronidàrza , nf Definizione s'isciorrocada o tzacurrare de is tronos Sinonimi e contrari isbómbiu, isbomborada Etimo srd. Traduzioni Francese fracas de tonnerre Inglese rumble of thunder Spagnolo fragor de los truenos Italiano fragóre dei tuòni Tedesco Rollen des Donners.

tronígliu , nm Sinonimi e contrari filetadura, turrinadura.

trónita trónida

tronitàre , vrb Definizione betare o fàere tronos; fàere tzàcurros o cropos mannos coment'e tronos Sinonimi e contrari tronaciare, tronai, trumbutai / intumbire Frasi fit una note mala de iverru e tronitaiat e lampitzaiat meta 2. sos órulos de sas voches nche penniant tronitanne fintzas a s'adhe Etimo ltn. tonitrus.

tronixèdha , nf Definizione min. de trona, trona pitica.

tronnédhu, tronniédhu , nm Sinonimi e contrari toroneu*.

tronníre , vrb Sinonimi e contrari atrogai, trochigiare, trogai Etimo ltn. tornus.

trónnu tórinu

tronósu , agt Definizione chi faet a tzàcurros o a sonos coment'e de tronu Sinonimi e contrari insurdósigu, isbombiosu Frasi s'ursu si pesat reu, e paret tentu a lanta, movet sos passos tronosu tronosu (P.Casu)◊ nelzendhe gasi, apretat sas pinnas e istúrridat tronosu ◊ mama, it'est s'istraúgliu ch'ispantat sa note tronosa? ◊ at inténdiu una boxi tronosa Etimo srd. Traduzioni Francese assourdissant, bruyant Inglese deafening Spagnolo atronador Italiano assordante, fragoróso Tedesco laut.

tròntza tròcia

tròntzonu , nm Definizione su istare a su pentza e torra, chentza seguresa / a logos, èssi a tròntzonu = a cólica, a dolore a bentre, dolore de matza Sinonimi e contrari arreselu.

trónu , nm Definizione tzàcurru mannu mannu, isciorrocada, romúriu de s'ària candho lampat; su lampu etotu e fintzes dannu mannu; css. tzàcurru, romúriu mannu, a cropu / min. tronighedhu Sinonimi e contrari trónida, trumbutu / lampu / sciarrocada Modi di dire csn: falare unu t., betare tronos; iscratzada de t. = tzacarrada, iscorriada de tronu; t. tzacarradori = chi faghet tzocu mannu a traghidadura; pesare che t., èssiri grai che t. = èssiri grai meda; tronos burdos = tronos chentza lampada; tronos asciutos = chentza pròere Frasi est prus su sonu chi no su tronu ◊ su tronu faghet chimentu, iscóchidu ◊ chi dhi cabat unu de cussus tronus tzacarrosus dh'agatant morta ◊ arratza de tzacarrada de tronu!…◊ tronos sos chi at betadu!… ma abba nudha 2. tronu mannu ti potzat abbasciai! ◊ una scàndul'e tronu chi dhis calit! ◊ tronu malu chi li falet! ◊ faladu ch'est su tronu… so bénnida a su dolu! ◊ tronu chi dhu iscimingit! 3. grai, pesosu che tronu ◊ che preda de tronu mi est pesendhe! ◊ si est fàula, mi ruant chentu chimbanta tronos! ◊ si dh'iat nau cun boxi chi pariat unu tronu Cognomi e Proverbi smb: Tronu Etimo srd. Traduzioni Francese tonnerre Inglese thunder Spagnolo trueno Italiano tuòno Tedesco Donner.

trónu 1 , nm Definizione genia de arretza po piscare.

troòdha , nf Sinonimi e contrari pandheredha, podhiale, tzacatzaca 1, tzocatzoca, tzotze Terminologia scientifica rba.

tròpa , nf: trupa Definizione unu tanti mannu (de gente, de animales): trupa si narat fintzes de is sordaos ebbia, in cantu distintos de is cumandhantes / una tropa de pipius, de piciocus, de puzones, de pitzinnedhos, trupa de pillonis; trumpone = fiotu mannu, chedha manna; tropedha = fiotu minore, pagos Sinonimi e contrari assorte, cedha, cedhoni, fiotu, grústiu, issorta, majone, pasa, retolu, sinnissoni, sortíglia, tropedhu, truma Frasi azicu fint reséssitos a ojare una tropedha de balentes chi cheriant gheretzare a bidha pro arrecatare a mussegnore 2. Amsícora, ch'in coro aiat fogu infiamadu, cabu a pagas trupas de leones, rujàt majas e tupas in custu logu (P.Casu) 3. dhoi fiat sa genti a tropas! ◊ sa zente benit a tropas a sa festa ◊ a is garas poéticas curriat sa genti a trupas Etimo spn. Traduzioni Francese bande, troupe Inglese troop, company Spagnolo tropa Italiano fròtta, brigata, truppa Tedesco Schar, Truppe.