Ditzionàriu in línia
de sa limba e de sa cultura sarda

annirghiài, annirghidàre , vrb Sinonimi e contrari anniciare, anninnijare, garrizare, giarraspidare, innicrare, innigridare, zarridare Etimo srd. Traduzioni Francese hennir Inglese to whinny Spagnolo relinchar Italiano nitrire Tedesco wiehern.

anniscài , vrb Definizione pònnere s'esca in is nassas, a su pische (a. su pisci, is nassas); cúrrere a s'esca, nau de ccn., su si lassare collonare Sinonimi e contrari bromigiai, frighigiai, ingraenzare 2. iscipiaridha pigai… cun s'arti, giai chi anniscat! Etimo srd. Traduzioni Francese apâter Inglese to lure, to bite Spagnolo cebar, morder el anzuelo Italiano adescare, abboccare all'amo Tedesco anlocken, anbeißen.

annischissài, annischitzài , vrb: nischitzai Definizione sentire o giare ifadu, orroschimentu Sinonimi e contrari achigulare, apibiare, apurrire, arrosci, cascaviare, ifadare, impeltinare, innaentare, memulare, pibincai Frasi bastat, torreus a passu, ca no mi bollu annischitzai! ◊ a bias cussu si annischissat 2. no iat agatau su ci fut circandu e si ndi fut andau annischissau Etimo srd. Traduzioni Francese ennuyer Inglese to annoy Spagnolo aburrir Italiano annoiare Tedesco langweilen.

annistiàre , vrb Definizione giare, cuncèdere s'annistia Sinonimi e contrari aggrassiare, pedronai Traduzioni Francese amnistier Inglese to amnesty Spagnolo amnistiar Italiano amnistiare Tedesco begnadigen.

annoài , vrb: annodare, annodiare, annuae, annuai Definizione acapiare o fàere nodu, fàere a nodu, su nodu (fintzes aciunghendho duos càbudos); essire totu nodos, totu betau apare Sinonimi e contrari annodighedhare, annodricare, ingiobare / imbetzare | ctr. isòlbere, snuai Frasi su tzugu annuat a is palas ◊ su càbudu iscapu prus no annuas ◊ pitzinnas e pitzinnos a rodeu annodaimis su mucadoredhu nelzendhe "Tue ses compare meu"◊ is duas fillas fibànt, tessiant e annuànt is fius 2. sos pilos si li sunt totu annodados, istendhe chentza s'ispizare Etimo srd. Traduzioni Francese nouer Inglese to tie in a knot Spagnolo anudar, atar con nudos Italiano annodare Tedesco verknoten.

annoài 1, annoàre , vrb: annovare Definizione fàere a nou, fàere una cosa torra; nau de su matedu, bogare sida, cambos noos, linna noa Sinonimi e contrari arrennoare | ctr. imbecrare Frasi sos fiados annoant su pilu, sas àrbures annoant sa foza ◊ in montes si annoant sos élighes de sida ◊ si annoant sas isperas che tràmula in s'olia (G.M.Cherchi)◊ no so prus in zoventura, no si m'est annovandhe sa sanna! ◊ sos ammentos mi annoant sentimentos delicados ◊ annoade s'abbonamentu! 2. candho de s'isventura sa trobea isorves e annoas chizu e usos? Etimo srd. Traduzioni Francese renouveler, mettre à jour Inglese to renew, to update Spagnolo renovar, brotar Italiano rinnovare, aggiornare Tedesco erneuern, aufs laufende bringen.

annobbilài , vrb Definizione pigare o giare nobbilesa Traduzioni Francese anoblir, ennoblir (fig.) Inglese to ennoble Spagnolo ennoblecer Italiano nobilitare Tedesco adeln.

annoditàre, annoditzài , vrb: annoriciai, annotitzai Definizione distínghere, fàere diferente, su si giare a bíere, pònnere a notu calecuna cosa po dh'arregodare o bíere Sinonimi e contrari innodidare / annodiae, annotare, bídere, signalai Frasi ses tantu annoditada in sa bellesa ◊ fiore tantu annoditadu ◊ gei s'annoríciat ca est aici ◊ cuss'angionedha est annoditzada: dèu dh'apu tenta! 2. intrat a campusantu, duritendhe, e annoditat sa puba de un'isconnotu ◊ una chi dh'at annoditzau dh'at domandau ◊ ammèntadi de sa die, sa chida ti annodita! ◊ lompit a sa bidha e annotitzat una domu arta arta (R.Spissu) Etimo ltn. *annotitare Traduzioni Francese remarquer Inglese to note Spagnolo notar, señalar Italiano notarsi Tedesco auffallen.

annoicàre , vrb: annoigare, annoigrare, annojare Definizione fàere sa nògia, a nodu, nau de un’ossu segau chi si torrat a aciúnghere e fintzes de cosa chi si acàpiat Sinonimi e contrari annodricare* | ctr. innoigare Traduzioni Francese cicatriser Inglese to cicatrize Spagnolo recomponer una fractura Italiano annodare una frattura òssea, cicatrizzare Tedesco einen Knochenbruch verknoten, vernarben.

annolitài , vrb Definizione pigare o giare calecuna cosa a pagamentu po unu tanti de tempus, coment'e in afitu, po si ndhe serbire Sinonimi e contrari nolegiai, nozare Traduzioni Francese louer Inglese to rent Spagnolo arrendar, alquilar Italiano noleggiare Tedesco mieten.

annomingiài , vrb: annumingiai Definizione pònnere s’ingiúliu, s'annomíngiu, a unu; nàrrere s’ingiúliu a unu, tzerriandhodhu cun custu númene de befa Sinonimi e contrari addiciai, allomingiai, aparalumenare, aproegliare, azistrare, imparanigiai, istinzare Frasi ca si poniat su bistiri de ortigu dh'ant annomingiada Ortighita ◊ eus annomingiau sa genti candu eus bófiu istragagliai a chelegunu ◊ a unu in bidha dh'iant annomingiau Conchemallu Etimo srd. Traduzioni Francese surnommer Inglese to nickname Spagnolo apodar Italiano soprannominare Tedesco einen Spitznamen geben.

annotàre , vrb Definizione abbaidare e bíere sa cosa, giare atentzione, pònnere a notu / annotare pagu = no biri tanti bèni; annota!… = ma càstia!…, m'abbàida a bídere!…, it'arrore!: genia de nada de ispantu, de meravíglia Sinonimi e contrari abbadiai, abberguare, allutzare, apompiai, cadebai, castiai, isperare 1, labai, mirai / annoditare Frasi fit annotandhe a Maria ◊ fipo supra de un'ispéntumu artu annotendhe sa cane ◊ ti m'annotas che macu, che chi mai ti tates de mi bíere ◊ annotendhe so, ma cussa cosa inoghe no che l'agato ◊ annota chi tevet bènnere su sartu a mi leare sas misuras! 2. est rutu in su paris netu e s'at truncadu s'anca…, annota! Etimo ltn. *annotitare Traduzioni Francese regarder, remarquer Inglese to look Spagnolo mirar, observar Italiano guardare, osservare Tedesco betrachten.

annozàre , vrb: annugiai, annungiai, annuzare Definizione su si pigare annozu, su si fàere tristu Sinonimi e contrari abbrodhiare, abbudhai, abbujare, abbuscinare, acasidhare, aconchedhare, annicare, atrafudhai, pirmare Frasi si burlo eo si annuzant e mi faghent sas ficas ◊ su pentzai ca una picioca in su mellus de bivi si nd'iat a èssi dépia andai dhi annugiàt su coru 2. che néula de maju si annuzat e iscrarit onzi die Etimo ctl. anujar Traduzioni Francese se vexer, bouder Inglese to resent, to sulk Spagnolo resentirse, picarse Italiano risentirsi, imbronciarsi Tedesco sich beleidigt fühlen, schmollen.

annuài 1 , vrb: annuare, nuare Definizione carragiare de nues (deunudotu o in parte a tretos), su si pesare nues in s'aera (vrb. aus. èssere o fintzes àere); in cobertantza, essire tristu / annuaisí a logus a logus = annuare a nues lascas, itl. ragnare Sinonimi e contrari abbudhonare, annuidai, cuculare, incuculare, incumbuxae | ctr. isclarire, ispalaciae Frasi s'aera si est annuendhe, paret in chirca de pròere ◊ si s'annuat cuguzat su sole e faghet fritu ◊ oe no bi at annuadu Terminologia scientifica tpm Etimo srd. Traduzioni Francese obscurcir, assombrir Inglese to get cloud Spagnolo nublar Italiano annuvolare, rannuvolarsi Tedesco sich bewölken.

annudhài, annudhàre , vrb: annullai, annullare Definizione cunsiderare o pònnere chi una cosa fata no balet, est in debbadas, no est validora, su dha cunsiderare nudha, segare un’acórdiu Sinonimi e contrari abbolire Frasi annudhamus su cuntratu, amus diversas ideas! (G.A.Cossu) Traduzioni Francese annuler Inglese to cancel Spagnolo anular Italiano annullare Tedesco für ungültig erklären.

annúnghere , vrb Definizione aciúnghere, pònnere o betare àteru de sa matessi cosa; acapiare, pònnere impare duas cosas, duos orrugos de sa matessi cosa (no sèmpere)/ annúnghere pane a brou = impeuai una cosa; pps. annuntu Sinonimi e contrari aciúgnere, aciuntai, agiànghere, agnànghere, ammedare, annatare, crèschere | ctr. bocare, leai Frasi a sa padedha bi cheret annuntu abba ◊ bi at chie a su binu bi annunghet abba Etimo srd. Traduzioni Francese ajouter Inglese to add Spagnolo añadir Italiano aggiùngere Tedesco hinzufügen.

annuntziài, annuntziàre , vrb Definizione portare o giare isceda, fàere ischire cosa Sinonimi e contrari notiare, prenuntziare Frasi s'iscràmiu de sa grue ti annúntziat su tempus de sas próghias de iberru (A.Mura)◊ unu cane a órulos paret chi annúntziet tristuras ◊ s'Arcàngelu fiat andau po annuntziai a Maria su mistériu de s’Incarnatzioni Traduzioni Francese annoncer Inglese to announce Spagnolo anunciar Italiano annunziare Tedesco verkündigen.

ansàre , vrb: assare Definizione asciutare meda a fogu, a puntu de arridare sa cosa: assare su pane, sa linna Sinonimi e contrari aghedhare, aredhare, arridae, aturrai 1, carasare, passare Frasi su pane de fresa innanti si coghet, apustis si torrat a su furru pro l'assare ◊ sa linna assada tenet dereta ◊ l'ant assadu sas caldanas de s'istiu Etimo ltn. assare Traduzioni Francese sécher au four, griller Inglese to toast Spagnolo bizcochar, tostar Italiano biscottare, tostare Tedesco zweimal backen, rösten.

ansiài , vrb: ansiare Definizione provare ansa, sufrire s'ansa, istare in ansas Traduzioni Francese s'affliger, se tourmenter Inglese to afflict oneself, to be tormented Spagnolo afligirse Italiano afflìggersi, tormentarsi Tedesco sich quälen.

antebitzàre , vrb: antibitzare, anticipai, antipitzare, antitzipare Definizione fàere innanti, pònnere, giare o nàrrere innanti; andhare prus ainnanti de un'àteru, fàere innanti de unu tempus postu: si narat fintzes in su sensu de fàere prus de su chi andhat bene o serbit, a tropu; foedhandho de cosa po sa posidura, ispínghere o trantzire prus ainnanti Sinonimi e contrari atzipae / isazerare | ctr. dilatai Frasi mamma antebitzaiat totu sos disizos nostros ◊ mi che so antibitzadu ca tenia presse ◊ no ti che andhes antibitzadu, dae como, ca no bi at bisonzu ◊ su chi bi est iscritu in su líbberu si antibitzat in su summàriu ◊ ti apo antibitzadu dinari pro su triballu chi mi depes fàghere 3. medas in sa festa s'imbriagant e faghent binu malu si antipitzant (Tucone) Etimo itl. Traduzioni Francese avancer Inglese to anticipate Spagnolo anticipar, adelantar Italiano anticipare, prelùdere Tedesco vorverlegen, ankündigen.