Abbreviations Legenda | Symbols Legend

annirghiài, annirghidàre , vrb Synonyms e antonyms anniciare, anninnijare, garrizare, giarraspidare, innicrare, innigridare, zarridare Etymon srd. Translations French hennir English to whinny Spanish relinchar Italian nitrire German wiehern.

anniscài , vrb Definition pònnere s'esca in is nassas, a su pische (a. su pisci, is nassas); cúrrere a s'esca, nau de ccn., su si lassare collonare Synonyms e antonyms bromigiai, frighigiai, ingraenzare 2. iscipiaridha pigai… cun s'arti, giai chi anniscat! Etymon srd. Translations French apâter English to lure, to bite Spanish cebar, morder el anzuelo Italian adescare, abboccare all'amo German anlocken, anbeißen.

annischissài, annischitzài , vrb: nischitzai Definition sentire o giare ifadu, orroschimentu Synonyms e antonyms achigulare, apibiare, apurrire, arrosci, cascaviare, ifadare, impeltinare, innaentare, memulare, pibincai Sentences bastat, torreus a passu, ca no mi bollu annischitzai! ◊ a bias cussu si annischissat 2. no iat agatau su ci fut circandu e si ndi fut andau annischissau Etymon srd. Translations French ennuyer English to annoy Spanish aburrir Italian annoiare German langweilen.

annistiàre , vrb Definition giare, cuncèdere s'annistia Synonyms e antonyms aggrassiare, pedronai Translations French amnistier English to amnesty Spanish amnistiar Italian amnistiare German begnadigen.

annoài , vrb: annodare, annodiare, annuae, annuai Definition acapiare o fàere nodu, fàere a nodu, su nodu (fintzes aciunghendho duos càbudos); essire totu nodos, totu betau apare Synonyms e antonyms annodighedhare, annodricare, ingiobare / imbetzare | ctr. isòlbere, snuai Sentences su tzugu annuat a is palas ◊ su càbudu iscapu prus no annuas ◊ pitzinnas e pitzinnos a rodeu annodaimis su mucadoredhu nelzendhe "Tue ses compare meu"◊ is duas fillas fibànt, tessiant e annuànt is fius 2. sos pilos si li sunt totu annodados, istendhe chentza s'ispizare Etymon srd. Translations French nouer English to tie in a knot Spanish anudar, atar con nudos Italian annodare German verknoten.

annoài 1, annoàre , vrb: annovare Definition fàere a nou, fàere una cosa torra; nau de su matedu, bogare sida, cambos noos, linna noa Synonyms e antonyms arrennoare | ctr. imbecrare Sentences sos fiados annoant su pilu, sas àrbures annoant sa foza ◊ in montes si annoant sos élighes de sida ◊ si annoant sas isperas che tràmula in s'olia (G.M.Cherchi)◊ no so prus in zoventura, no si m'est annovandhe sa sanna! ◊ sos ammentos mi annoant sentimentos delicados ◊ annoade s'abbonamentu! 2. candho de s'isventura sa trobea isorves e annoas chizu e usos? Etymon srd. Translations French renouveler, mettre à jour English to renew, to update Spanish renovar, brotar Italian rinnovare, aggiornare German erneuern, aufs laufende bringen.

annobbilài , vrb Definition pigare o giare nobbilesa Translations French anoblir, ennoblir (fig.) English to ennoble Spanish ennoblecer Italian nobilitare German adeln.

annoditàre, annoditzài , vrb: annoriciai, annotitzai Definition distínghere, fàere diferente, su si giare a bíere, pònnere a notu calecuna cosa po dh'arregodare o bíere Synonyms e antonyms innodidare / annodiae, annotare, bídere, signalai Sentences ses tantu annoditada in sa bellesa ◊ fiore tantu annoditadu ◊ gei s'annoríciat ca est aici ◊ cuss'angionedha est annoditzada: dèu dh'apu tenta! 2. intrat a campusantu, duritendhe, e annoditat sa puba de un'isconnotu ◊ una chi dh'at annoditzau dh'at domandau ◊ ammèntadi de sa die, sa chida ti annodita! ◊ lompit a sa bidha e annotitzat una domu arta arta (R.Spissu) Etymon ltn. *annotitare Translations French remarquer English to note Spanish notar, señalar Italian notarsi German auffallen.

annoicàre , vrb: annoigare, annoigrare, annojare Definition fàere sa nògia, a nodu, nau de un’ossu segau chi si torrat a aciúnghere e fintzes de cosa chi si acàpiat Synonyms e antonyms annodricare* | ctr. innoigare Translations French cicatriser English to cicatrize Spanish recomponer una fractura Italian annodare una frattura òssea, cicatrizzare German einen Knochenbruch verknoten, vernarben.

annolitài , vrb Definition pigare o giare calecuna cosa a pagamentu po unu tanti de tempus, coment'e in afitu, po si ndhe serbire Synonyms e antonyms nolegiai, nozare Translations French louer English to rent Spanish arrendar, alquilar Italian noleggiare German mieten.

annomingiài , vrb: annumingiai Definition pònnere s’ingiúliu, s'annomíngiu, a unu; nàrrere s’ingiúliu a unu, tzerriandhodhu cun custu númene de befa Synonyms e antonyms addiciai, allomingiai, aparalumenare, aproegliare, azistrare, imparanigiai, istinzare Sentences ca si poniat su bistiri de ortigu dh'ant annomingiada Ortighita ◊ eus annomingiau sa genti candu eus bófiu istragagliai a chelegunu ◊ a unu in bidha dh'iant annomingiau Conchemallu Etymon srd. Translations French surnommer English to nickname Spanish apodar Italian soprannominare German einen Spitznamen geben.

annotàre , vrb Definition abbaidare e bíere sa cosa, giare atentzione, pònnere a notu / annotare pagu = no biri tanti bèni; annota!… = ma càstia!…, m'abbàida a bídere!…, it'arrore!: genia de nada de ispantu, de meravíglia Synonyms e antonyms abbadiai, abberguare, allutzare, apompiai, cadebai, castiai, isperare 1, labai, mirai / annoditare Sentences fit annotandhe a Maria ◊ fipo supra de un'ispéntumu artu annotendhe sa cane ◊ ti m'annotas che macu, che chi mai ti tates de mi bíere ◊ annotendhe so, ma cussa cosa inoghe no che l'agato ◊ annota chi tevet bènnere su sartu a mi leare sas misuras! 2. est rutu in su paris netu e s'at truncadu s'anca…, annota! Etymon ltn. *annotitare Translations French regarder, remarquer English to look Spanish mirar, observar Italian guardare, osservare German betrachten.

annozàre , vrb: annugiai, annungiai, annuzare Definition su si pigare annozu, su si fàere tristu Synonyms e antonyms abbrodhiare, abbudhai, abbujare, abbuscinare, acasidhare, aconchedhare, annicare, atrafudhai, pirmare Sentences si burlo eo si annuzant e mi faghent sas ficas ◊ su pentzai ca una picioca in su mellus de bivi si nd'iat a èssi dépia andai dhi annugiàt su coru 2. che néula de maju si annuzat e iscrarit onzi die Etymon ctl. anujar Translations French se vexer, bouder English to resent, to sulk Spanish resentirse, picarse Italian risentirsi, imbronciarsi German sich beleidigt fühlen, schmollen.

annuài 1 , vrb: annuare, nuare Definition carragiare de nues (deunudotu o in parte a tretos), su si pesare nues in s'aera (vrb. aus. èssere o fintzes àere); in cobertantza, essire tristu / annuaisí a logus a logus = annuare a nues lascas, itl. ragnare Synonyms e antonyms abbudhonare, annuidai, cuculare, incuculare, incumbuxae | ctr. isclarire, ispalaciae Sentences s'aera si est annuendhe, paret in chirca de pròere ◊ si s'annuat cuguzat su sole e faghet fritu ◊ oe no bi at annuadu Scientific Terminology tpm Etymon srd. Translations French obscurcir, assombrir English to get cloud Spanish nublar Italian annuvolare, rannuvolarsi German sich bewölken.

annudhài, annudhàre , vrb: annullai, annullare Definition cunsiderare o pònnere chi una cosa fata no balet, est in debbadas, no est validora, su dha cunsiderare nudha, segare un’acórdiu Synonyms e antonyms abbolire Sentences annudhamus su cuntratu, amus diversas ideas! (G.A.Cossu) Translations French annuler English to cancel Spanish anular Italian annullare German für ungültig erklären.

annúnghere , vrb Definition aciúnghere, pònnere o betare àteru de sa matessi cosa; acapiare, pònnere impare duas cosas, duos orrugos de sa matessi cosa (no sèmpere)/ annúnghere pane a brou = impeuai una cosa; pps. annuntu Synonyms e antonyms aciúgnere, aciuntai, agiànghere, agnànghere, ammedare, annatare, crèschere | ctr. bocare, leai Sentences a sa padedha bi cheret annuntu abba ◊ bi at chie a su binu bi annunghet abba Etymon srd. Translations French ajouter English to add Spanish añadir Italian aggiùngere German hinzufügen.

annuntziài, annuntziàre , vrb Definition portare o giare isceda, fàere ischire cosa Synonyms e antonyms notiare, prenuntziare Sentences s'iscràmiu de sa grue ti annúntziat su tempus de sas próghias de iberru (A.Mura)◊ unu cane a órulos paret chi annúntziet tristuras ◊ s'Arcàngelu fiat andau po annuntziai a Maria su mistériu de s’Incarnatzioni Translations French annoncer English to announce Spanish anunciar Italian annunziare German verkündigen.

ansàre , vrb: assare Definition asciutare meda a fogu, a puntu de arridare sa cosa: assare su pane, sa linna Synonyms e antonyms aghedhare, aredhare, arridae, aturrai 1, carasare, passare Sentences su pane de fresa innanti si coghet, apustis si torrat a su furru pro l'assare ◊ sa linna assada tenet dereta ◊ l'ant assadu sas caldanas de s'istiu Etymon ltn. assare Translations French sécher au four, griller English to toast Spanish bizcochar, tostar Italian biscottare, tostare German zweimal backen, rösten.

ansiài , vrb: ansiare Definition provare ansa, sufrire s'ansa, istare in ansas Translations French s'affliger, se tourmenter English to afflict oneself, to be tormented Spanish afligirse Italian afflìggersi, tormentarsi German sich quälen.

antebitzàre , vrb: antibitzare, anticipai, antipitzare, antitzipare Definition fàere innanti, pònnere, giare o nàrrere innanti; andhare prus ainnanti de un'àteru, fàere innanti de unu tempus postu: si narat fintzes in su sensu de fàere prus de su chi andhat bene o serbit, a tropu; foedhandho de cosa po sa posidura, ispínghere o trantzire prus ainnanti Synonyms e antonyms atzipae / isazerare | ctr. dilatai Sentences mamma antebitzaiat totu sos disizos nostros ◊ mi che so antibitzadu ca tenia presse ◊ no ti che andhes antibitzadu, dae como, ca no bi at bisonzu ◊ su chi bi est iscritu in su líbberu si antibitzat in su summàriu ◊ ti apo antibitzadu dinari pro su triballu chi mi depes fàghere 3. medas in sa festa s'imbriagant e faghent binu malu si antipitzant (Tucone) Etymon itl. Translations French avancer English to anticipate Spanish anticipar, adelantar Italian anticipare, prelùdere German vorverlegen, ankündigen.

«« Search again