A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

adderetúdine , nf Definitzione manera de fàere totu cun adderetu, mescamente in su sensu de s'onestesa e giustesa Sinònimos e contràrios onestade, onestesa / cdh. dritzura Frases manna est s’adderetúdine de su coro tuo! Ètimu srd.

adderetúra , avb, nf: addiritura, deretura Definitzione foedhu chi si narat candho si bolet inditare una cosa unu pagu a ispantu, agiummai cosa de no crèdere; sa leada o filada, a ue est andhandho una cosa; coment'e nm. s'impreat in su sensu de calecuna cosa de bonu Sinònimos e contràrios finces / inderetura / amparu, defesa, deretu 1, foltuna Frases no bi aiat zente e a bochire fogu ch'est essidu adderetura su síndhigu 3. est s'adderetura de sa domo mia Ètimu itl. Tradutziones Frantzesu à ce point! Ingresu absolutely Ispagnolu nada menos Italianu addirittura Tedescu sogar.

adderetzài, adderetzàre, adderetzàri adaretzài

addescàda , nf Definitzione su addescare, su giare a papare in su sensu de dhu pònnere in buca (a is pipios, a unu malàidu): si est a is animales, pònnere sa brovendha in logu chi potzant papare Sinònimos e contràrios ammascadura Ètimu srd.

addescadòre , agt, nm Definitzione chi o chie addescat Ètimu srd.

addescadúra , nf Definitzione su addescare Sinònimos e contràrios aiscadura Ètimu srd.

addescaméntu , nm Definitzione su addescare Ètimu srd.

addescàre addascàre

addésciu , nm Sinònimos e contràrios pignos Frases su teracu che at vocadu addèscios de prata, addèscios de oro e vestes e lios at dados (N.Rubanu).

addéscu , nm: azescu Definitzione mànigu, su papare, mescamente cosa de laore (fae, órgiu, o àteru) chistiu po, o giau a, is animales; fintzes su addescare Sinònimos e contràrios achidarju, ammascu, brevenda, mànicu, musúngiu, pravenda Frases sa cardella sighit a batire addescu finas chi sos puzonedhos sunt mannos de bolare ◊ a sos animales lis cheret postu addescu, ca sunt famidos ◊ sa rúndhine cuidadosa batit s'addescu a sos fizos 2. su dinare est su pane de sa delincuéntzia, s'addescu de s'ingiustítzia Ètimu srd. Tradutziones Frantzesu provende Ingresu feedstuff Ispagnolu pienso Italianu mangime Tedescu Futter.

addeségus addaeségus

addestradúra , nf Definitzione su addestrare Ètimu srd.

addestraméntu , nm Definitzione imparamentu pràtigu fatu arrepitindho unu cumportamentu, a bisura de abbitúdine pigada Sinònimos e contràrios addestradura Frases dh'iant fatu fai totu s'addestramentu in preparatzioni a sa gherra Tradutziones Frantzesu entraînement Ingresu training Ispagnolu formación Italianu addestraménto Tedescu Schulung, Abrichtung.

addestràre , vrb Definitzione abbituare a fàere una cosa fintzes a tènnere pratighesa, a dh’ischire fàere bene, in calecunu mestieri o css. faina o impreu Sinònimos e contràrios annestrare, indestrare Ètimu itl. Tradutziones Frantzesu entraîner Ingresu to train Ispagnolu entrenar Italianu addestrare Tedescu ausbilden.

addestràu , pps, agt Definitzione de addestrare.

addestríu , agt Definitzione its, addatu? Frases si est dau a chircare predas addestrias pro acontzare sos cóssios.

addesumàre , vrb: desumare Definitzione ispartzire in partes oguales una cosa, pruschetotu s'interessu Sinònimos e contràrios cumpaltire, driverare, ispartzire, paltire Frases su babbu etotu lis at addesumadu s'interessu e gai donzunu de sos fizos si tenet contu sa parte sua Tradutziones Frantzesu répartir, partager Ingresu to split (up) Ispagnolu repartir Italianu ripartire, frazionare Tedescu aufteilen.

addétu , agt, nm Definitzione chi o chie tenet un'incàrrigu in ccn. trebballu, in d-unu postu Sinònimos e contràrios incarrigau Tradutziones Frantzesu préposé Ingresu employed (in sthg) Ispagnolu encargado Italianu addétto Tedescu Angestellte.

addevinadòri addeinadòre

addevinàe, addevinàre addeinàre