A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

alasciài , vrb Definitzione pònnere s'alàscia, frunire de mobbília una domo, un’aposentu Sinònimos e contràrios ammobbigliare 2. totu sa posada est alasciada cun s’arti Ètimu srd. Tradutziones Frantzesu meubler et décorer Ingresu to furnish Ispagnolu amueblar Italianu arredare Tedescu enrichten.

alasciaméntu , nm Definitzione su pònnere o frunire is alàscios, sa mobbília Ètimu srd.

alàscios alàscia

alàse , nm: alasi, alàsia, alàsiu, olasi Definitzione aràngiu burdu o aresti, genia de linna dereta (ma atrotigada) chi faet a mata fintzes manna, corgiolu birde, fògia ispinosa in is oros (in is cambos prus bàscios o candho est a prantone piticu) e frutighedhu (sa calidade fémina) a pibionedhu tundhu, orrúbiu, a gurdonedhu: faet in montes unu pagu artos / orruos de alasi = sas naes prus bassas de cust'àrbure segadas a ischimadura dae su truncu, manizadas pro fàghere frama meda Sinònimos e contràrios arangiubburdu, banatuli, colóstiu, elatori, golosti, lauspinosu Terminologia iscientìfica mtr, Ilex aquifolium Ètimu srdn. Tradutziones Frantzesu houx commun, laurier piquant Ingresu holly Ispagnolu acebo Italianu agrifòglio Tedescu Stechpalme.

alasèna , nf Definitzione armàdiu in muros grussos fatu lassandho unu pígiu de muru buidu tramesau a tàulas (in paris) e fintzes serrau po dhue chistire istrégiu Frases sa mama de custu bagadiu teniat una alasena serrada a crai Ètimu spn. alacena.

alàsi, alàsia alàse

alàsias , nf Definitzione genia de frisos po bellesa Tradutziones Frantzesu frise, décoration Ingresu friezes Ispagnolu frisos, decoración Italianu frégi Tedescu Verzierungen.

alàsiu alàse

alasòni , nm Definitzione genia de lóriga de corria chi si ponet a su giuale, in mesu in mesu, po dhue intrare e arrèschere sa punta de sa timona de su carru o de s'arau Sinònimos e contràrios agione, bagione 1, cajone 1, giussòrgia, lesoni, sesúgia Terminologia iscientìfica msg.

alassúcru , nm: alatucru Sinònimos e contràrios mamarruju, marrófiu, marrapiu Terminologia iscientìfica rba, Marrubium vulgare Ètimu srd. Tradutziones Frantzesu marrube, herbe vierge Ingresu alyssum vulgare Ispagnolu marrubio Italianu marrùbio Tedescu Andorn.

alàstiche , nm: allàsticu, olàsticu* Definitzione materiale chi tirau istirat e lassau torrat: serbit po aguantare cosa chentza istrínghere meda e si addatat a misuras diferentes Frases s'ànimu li reghiat che alàstiche de mudannas istiriolatu…◊ sas caltzitas zughent s'allàsticu.

alàsu , nm: allasu, ollasu Definitzione genia de erba chi faet a bisura de arraighinas a meda (asuta de terra), totu nodos, fortes, a pedhe Sinònimos e contràrios araminzu, arramanarxu, birdarràmene, cannajoni 1, eràmine, ereminzu, gràmene, ilaila, norodhàsile, orgodhàsile, pastudrèmini, trèmini Terminologia iscientìfica rba, Cynodon dactylon Ètimu srd.

alatúcru alassúcru

alatúli , nm Sinònimos e contràrios labru, laru Ètimu srdn.

alàuda , nf Definitzione puzone de beranu, genia de pigione chi faet su niu in terra: abbitat e nidat in Sardigna, est una de is atrapaditas Sinònimos e contràrios acucadita, alimannu, arenarza, atacaterra, atrapadita, chinisera, cucullia, iscrianissa, piatarita, pratabrata, ungallonga Frases beneitos siant sos cantos de s'alàuda solitària ca sunt fatos in chelu e de cuss'ària! (S.Baldino) Terminologia iscientìfica pzn, alauda arvensis cantarella.

alàuna , nf: làuna Definitzione genia de metallu a pígiu fine po fàere istrègios Frases su caidhedhu nostu de alàuna pigàt tres líturus.

alaússa , nf: araussa Definitzione senabre bianca Sinònimos e contràrios agaussa, armulata, giúspinu Terminologia iscientìfica rba, Sinapis alba, Brassica adpressa Tradutziones Frantzesu moutarde blanche Ingresu white mustard Ispagnolu mostaza blanca Italianu sènape bianca o ruchettóne Tedescu weißer Senf.

alavàntzu , nm: allevantzu Definitzione su chi si narat bantandho a o ponendho bene de unu Sinònimos e contràrios alabansa, alabu, bàntidu, làude Frases cumentzat a mi contare sa vida sua, chene alavantzu Ètimu srd. Tradutziones Frantzesu louange, éloge Ingresu praise Ispagnolu alabanza Italianu encòmio Tedescu Lob.

alavàre alabài

alavérru aivérru