A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

cantzòne canciòne

cantzonéri , nm Definitzione cantadore a poesia, chie ponet o iscriet cantzones Sinònimos e contràrios cantonarzu.

cantzòni canciòne

cantzòrfa caltzofa

càntzu cànciu

càntzu 1 cànciu 1

cantzúrru , nm Definitzione pane essiu male, niedhudu; coígiu, farinu de cosa chi ant segau Ètimu srd.

càntzuru càntzeru

cànu , agt Definitzione in colore de chinisu, prus a cara a su biancu e fintzes biancu deunudotu Sinònimos e contràrios immurrau, murru, pilialvu, pilicanu Maneras de nàrrere csn: faisí canu = incanire; mesu canu = itl. brinato; canu fioridu = canu deunudotu; figu cana = una zenia de figu prus tundha chi no longa, unu pagu ladita, de colore unu pagu murinata; mérula cana = meurra de arriu, isturru de àcua o de riu; èssere chin s'ocru canu de sa gana = morendisí de su fàmini Frases cussu zòvanu tenet apenas baranta annos e si che est fatu canu deretu ◊ sos betzos sunt a pilu canu, candho ndhe lis abbarrat ◊ sos pensamentos ponent pilos canos 2. dachi sa die non aia mannicatu belle che nudha, fipo chin s’ocru canu de sa gana Sambenados e Provèrbios smb: Cano, Canu Ètimu ltn. canus Tradutziones Frantzesu chenu Ingresu hoary Ispagnolu cano Italianu canuto Tedescu weiß.

canudía , nf Definitzione su èssere canudos, a pilos canos, incanios Sinònimos e contràrios ansianidade Frases sa canudia est sinzale de frimmesa de tòrronos! (G.Brocca)

canúdu, canúru , agt: canutu Definitzione chi portat is pilos a colore de chinisu, canos (po becesa o fintzes de su istare male): si narat fintzes a disprétziu Sinònimos e contràrios canu, immurrau Frases de candu seu cojara cun tui seu torrara che una cionca canura! ◊ est canudu totu, cuss'ómini, ma est giòvunu Sambenados e Provèrbios smb: Canudu Ètimu ltn. canutus.

canúngra , avb Definitzione abbaitare a c. = a cul'e ogu, a ogos tortos, a ocru frassu, (coment'e atrotigandho sa vista a bisura de cana).

canúsu , nm Definitzione genia de piscigani no tanti mannu (si podet papare) Sinònimos e contràrios canisca, musciola Terminologia iscientìfica psc, mustelus mustelus, m. asterias Tradutziones Frantzesu émissole Ingresu smooth hound Ispagnolu mustela Italianu palómbo Tedescu Glatthai.

canútu canúdu

canútza , nf Definitzione cana, aina segante fata cun sa punta acancarronada e a màniga longa Sinònimos e contràrios càvana, faltzone, fústina, rultàglia, urvajola Ètimu srd.

canútzu , nm Definitzione genia de bobboi de colore mélinu chi faet asuta de terra: inue est trebballau istuvonat totu asuta e si papat s'arraighina modhe de sa cosa prantada Sinònimos e contràrios canigriada, chibudhalzu, cugumbiraxu, culumbruaxu, margianedha, pumataju, sarrone / cdh. boumacioni Terminologia iscientìfica crp, gryllotalpa gryllotalpa Ètimu srd. Tradutziones Frantzesu taupe-grillon Ingresu mole-cricket Ispagnolu cortón Italianu grillotalpa Tedescu Maulwurfsgrille.

canzolàda , nf Definitzione su si canzolare, traténnia longa Sinònimos e contràrios biltentu, intratesa.

canzolàre , vrb rfl Definitzione abbarrare mighirimíghiri, istentare, istare a irmasionu, pigaresidha tropu abbellu Frases si ti canzolas, sa cosa che l'agatas totu leada, in butega ◊ si ti canzolas però calchi bículu ti do chi m'insàmbinat su bicu (P.Mossa)◊ canzòladi gai a irmasionu, tue, ca za ndhe atúlias de cosa!… Tradutziones Frantzesu lambiner Ingresu to act or do things slowly Ispagnolu demorar, entretenerse, tardar Italianu prèndersela con tròppa calma, a rilènto Tedescu in aller Ruhe handeln.

caómbu , nm: colombu, columbu, culumbu Definitzione genia de pigione mannu; númene chi si giaet a s'ómine o a su piciochedhu istimau forte; in cobertantza, abbogau inganniosu, trancamallosu Sinònimos e contràrios atopi, tidori, tidu 2. culumbedhu meu, no mi batas cussu achidu: pone mente a mamma! ◊ su columbu meu istimadu! Sambenados e Provèrbios smb: Colombu, Columbu / prb: maridu anzenu columbu paret Terminologia iscientìfica pzn, columba palumbus, c. livia, c. oenas Ètimu ltn. columbus Tradutziones Frantzesu pigeon Ingresu pigeon Ispagnolu paloma Italianu colómbo, piccióne Tedescu Taube.

caòne , nm Definitzione genia de pigione, po su prus mannu, de mare e de oros de mare Sinònimos e contràrios cau, laru 2 Sambenados e Provèrbios smb: Caone Terminologia iscientìfica pzn, larus ridibundus, l. audouinii, l. argentatus Ètimu srd. Tradutziones Frantzesu mouette Ingresu seagull Ispagnolu gaviota Italianu gabbiano Tedescu Möwe.