A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

fummàda , nf Definitzione its, frúsia de sànguini? Frases l'ant postu in su giornale che unu delincuente: intendho chi m'est pighendhe una fummada de sàmbene.

fummàdiche, fummàdicu fumàdigu

fummagiólu, fummajólu fomajóu

fummiàre fumiài

fummiósu , agt: fummosu, fumosu Definitzione chi bogat o faet fumu: in is forros po còere civraxu est un'àteru istampu prus in bàsciu de cussu de su cúcuru; si narat fintzes de logu in su sensu chi dhue at népide Sinònimos e contràrios fumiadori, fumicosu / fumanti Frases su lughinzu de sa lampa est reduidu a una niedha tritza fummiosa (P.Cabras)◊ custa est linna de umbrinu: pro cussu est fumosa 2. trigu fumosu, trigu guastu de sa néula, afumadu 3. Arcuentu est fumosu: oi teneus àcua! Tradutziones Frantzesu fumeux Ingresu smoky Ispagnolu humoso, fumógeno Italianu fumóso, fumògeno Tedescu rauchend.

fúmmiu fúmiu

fummósu fummiósu

fúmmu , nm: fumu Definitzione ammesturu de cosa chentza abbruxada bene, no deunudotu, lebiedha, chi si ndhe andhat impare cun su gasu de s’abbruxamentu, de colore iscurosu e fintzes niedhu; in cobertantza, cosa o manera de fàere chi no lassat bíere bene is chistiones comente funt, cosa chi faet male a ogos (che a su fumu etotu) Maneras de nàrrere csn: tocai de f. = pònnere unu pagu in su fumu, a leare fumu, dare unu pagu su sabore de su f.; picare sa ’ia de su f., fàghere sa tucada de su f. = andai e no torrai prus; èssere a unu f., faladu a f. = nadu de cosa prantada e de zente puru, no bàlere a nudha, àere fatu frundha mala; èssere in fumos = nadu de ccn. ,pazosu meda, pampallucheri; falàresi a f. (nau de cosa prantada) = anneulàresi, andhare male; andai in f. = iscumpàrrere, pèrderesi; pesare sa cosa in f. = perdimentai sa cosa, distrúere sa cosa; no si nd'iscít ni f. e ni fraca = no si ndh'ischit nudha; fumu de terra = patata, pomuderra; li andhat che fumu in ojos (nadu de carchi cosa)= li faghet male, li noghet, no li piaghet; èssiri callagalla de f. (nadu de logu serradu)= prenu de fumu a segare a fitas Frases li andhaiat su trabàgliu coment'e su fumu in ojos ◊ su fumu pítziat a is ogus ◊ non essit fumu sena de fai fogu ◊ sa sartitza si ponet in su fumu a l'assutare 2. at fatu sa tucada de su fumu: no si est bidu prus 3. sos basolos ocannu si sunt totu falados a unu fumu, totu guastos Sambenados e Provèrbios smb: Fumu Ètimu ltn. fumus Tradutziones Frantzesu fumée Ingresu smoke Ispagnolu humo Italianu fumo Tedescu Rauch, Trübung.

fumóngiu , nm Definitzione su fumare, su vítziu de fumare, cosa de fumare Sinònimos e contràrios fúmiu, pipontzu Frases iscabulincedhu in su totu su fumóngiu, ca dh'arrespàrmias in dinai e in saludi! Ètimu srd.

fumòre , nm Definitzione su fàere fumu; su si crèdere a tropu Sinònimos e contràrios fumentu / alteriu, altivesa, banesa, bantaxi, barrosia, blaga, magnosidade, prejumu 2. issa, piús che addoliada, fit ferta in su fumore pensendhe chi Barore no l'aiat dignada de una peràula Ètimu srd.

fumósu fummiósu

fúmu fúmmu

fumuàtzu fumàtzu

fumudèrra , nm Sinònimos e contràrios patata, pomuderra Frases sa mama li at postu unu sachedhu de modhitzolos de fumuderra ◊ su fumuderra coment'e donzi sero carrartzadu de chixina ruxa fit coghendhe a calore lenu (S.Saba) Terminologia iscientìfica rbzc.

fumustèrre fumestèrre

funàda , nf Definitzione lobu de fune; unu tanti de cosa acapiada a fune; cosa (mescamente abba proendho) chi assimbígiat a is funes po comente est longa Frases si potera cun d-una funada tratènnere sos ammentos!… (G.Porcheddu)◊ apu biu una funada de presoneris 2. fit die mala de fritu, de funadas de ranzola e de nie Ètimu srd.

funàju , nm: funàrgiu Definitzione chie faet o bendhet funes Terminologia iscientìfica prf.

funàmine, funàmini , nm Definitzione funes, muntone de funes Sinònimos e contràrios cordàgiu, funimenta Ètimu srd. Tradutziones Frantzesu cordages Ingresu cordage Ispagnolu cordería Italianu cordame Tedescu Seilwerk.

funàrgiu funàju

fúnda , nf Definitzione bussa de pistola Sinònimos e contràrios tapafunda Tradutziones Frantzesu gaine du pistolet Ingresu holster Ispagnolu pistolera, tapafunda Italianu fondina Tedescu Pistolentasche.