A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

fumagiólu fomajóu

fumài , vrb: fumare Definitzione bogare o fàere fumu, essire fumu; àere su vítziu de fumare Sinònimos e contràrios fumiai, pipai Frases custu fogu petzi est fumendhe: no bi cheret tènnere ◊ sa terra arada a friscu in die de sole fumat 2. fumendhe ti as brujadu sos primmones ◊ chi fumet, chi fumet: sa cannedha de s'anca chi si fumet!◊ si aia sighiu a fumare non fia istadu inoghe! Ètimu ltn. fumare Tradutziones Frantzesu fumer Ingresu to smoke Ispagnolu fumar Italianu fumare Tedescu rauchen.

fumajólu fomajóu

fumancínu , agt Definitzione chi fumat, chi tenet su vítziu de fumare Sinònimos e contràrios fumadore, pipadore.

fumànti , nm Definitzione fumosu, istampa in is furros po su civraxu fata prus in bàsciu de sa chi si faet in su cúcuru po regulare méngius sa cotura de su pane.

fumàntza , nf, nm: fumatzu, fumuatzu Definitzione nepidedha, nuighedhas chi abbarrant apustis chi at própiu, fumighedhu Sinònimos e contràrios boerarzu / fumu Frases si ndi pesat unu bentu e bis is fumuatzus de su monti ocupendi s'orizonti ◊ dae sas cheas de carvone essit sa fumantza Ètimu srd. Tradutziones Frantzesu brume Ingresu haze Ispagnolu neblina Italianu foschìa Tedescu Dunst.

fumaólu fomajóu

fumàre fumài

fumària , nf Sinònimos e contràrios cambirúgia, casugotu, fumariarrúbia, fumesterre, gimisterra.

fumariarrúbia, fumariarúja , nf Definitzione una genia de erba: fumària ruja, podhinedhu arrúbiu o erba de pódhini, tzacarravronti Sinònimos e contràrios cambirúgia, casugotu, fumàdigu 1, fumesterre, gimisterra Terminologia iscientìfica rba, Fumaria officinalis.

fumàrigu fumàdigu

fumàta , nf Sinònimos e contràrios prumata, tamata, tamàtiga.

fumàtza , nf Definitzione népide craca chi no lassat bíere nudha a pagu tretu Sinònimos e contràrios abboeru, boiratzu, bòrona, fumacina, nébida Frases che candho sa fumatza ispissa tirat o candho in terra iscúrigat sa sera Tradutziones Frantzesu brouillard, brume Ingresu fog Ispagnolu niebla Italianu calìgine Tedescu Nebel, Dunst.

fumatzína fumacína

fumatzósu , agt Definitzione nau prus che àteru de su tempus, chi dhue at nepidedha, fumatzu, in s'ària Sinònimos e contràrios iscuricosu, nebidosu, neulosu Frases est unu mengianu fumatzosu Terminologia iscientìfica tpm Ètimu srd. Tradutziones Frantzesu brumeux, gris Ingresu foggy, dim Ispagnolu neblinoso, brumoso Italianu nebbióso, fósco Tedescu neblig.

fumàtzu fumàntza

fumazólu fomajóu

fumènta , nf, nm: afumentu*, fumentu Definitzione su fàere fumu, su dhue àere fumu meda, su fumu etotu; si narat fintzes de su fumu chi faent is majàrgios; fragu, nuscu bellu, fintzes fumu de binu budhindho o de meighina po illebiare s’arremadia o istupare su nasu Sinònimos e contràrios afumentada, ifumentu / profumu Frases est unu fumentu chi innighedhat totu ◊ intro de conca ant solu calchi nue de fumenta toscosa ◊ cussu fumentu est de sas fogazas de sos ílighes 3. si at pesadu fumentu de gafè… e sas féminas coghindhe pasant un'iscutighedha.

fumentài, fumentàre , vrb: afumentai* Definitzione prènnere su logu de fumu, fàere fumu meda, fàere fumentu Sinònimos e contràrios afumai, ifumentare 2. andhadu soe a bi l'abbaidare… agiommai mi ndhe aiant fumentadu! Tradutziones Frantzesu dégager beaucoup de fumée Ingresu to fill with smoke Ispagnolu ahumar Italianu far mólto fumo Tedescu qualmen.

fumentína , nf Definitzione fumentu, fumu meda Sinònimos e contràrios fumenta Ètimu srd.