A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

imbróllu imbrógliu

imbromadúra , nf Definitzione su s'imbromare Ètimu srd.

imbromàre , vrb Definitzione learesidha, essire tristos, coment'e oféndhios; fintzes giare ifadu, fàere a gana lègia, furriare s’istògomo (fintzes in su sensu de fàere arrennegu) Sinònimos e contràrios abbrodhiare, annicare, annozare, pirmare / fastidiai 2. cussas paràulas m'imbromant 3. s'ómine imbromatu aspetat s'ora de iscupire! Ètimu spn. embromar.

imbromídu , agt Definitzione chi est immarriu, orróschiu, imbromatu Frases como ndhe so imbromidu de t'intèndhere! (G.Ruju)

imbromósu , agt Definitzione chi giaet ifadu Sinònimos e contràrios ifadosu, incarzosu Ètimu spn. embromoso.

imbrómu , nm Sinònimos e contràrios ammúsciu, annógiu, bústica, corcone, prima Ètimu srd.

imbronchiàda , nf Sinònimos e contràrios imbruconada imbrúnchinu, trambucada.

imbronchiàre , vrb Sinònimos e contràrios imbronconai, trabbucai 1 Frases tenzo s’intortzedha e connosco su logu pro no imbronchiare Ètimu srd.

imbronconài, imbronconàre , vrb: imbruchinai, imbruconai, imbruconare, imbrucunai, imbrucunare, imbrunchinai, imbrunconai, imbrunconare, imbruncuai, imbruncunai, imburchinai, imburconai Definitzione fàere passu iscontriau, camminandho, betare su pei in buidu, pruschetotu atumbare sa punta de su pei a calecuna cosa firma, grae, chi faet orrúere o istrobbat s’andhare coment’e faendho orrúere mescamente si unu si movet lestru; nau in cobertantza, tratènnere, arrèschere, ibballiare Sinònimos e contràrios abbruncai, atuviae, atzupare, imbrucare, imbruncai 1, imbruschinare, trabbucai 1, trambellare, truncudhare Maneras de nàrrere csn: andai imbúrchina imbúrchina = trambuchendhe, coment'e ruindhe; imbrunchinai a fuedhu = fadhíresi faedhendhe Frases is pitzinnedhos current, imbronconant e orruent puru! ◊ imbruncunau in is perdas, caminendi ◊ est arruta a longu a longu ca at imbruncunau ◊ cichendi s'interrutori a su buju imbruncunat me is cadiras ◊ su catzedhu apenas nàsciu andat imbúrchina imbúrchina ◊ fei atentzioni ca podeis imbrunchinai! 2. in domu mia tui no dhui imbrúncunas! ◊ si no est lómpiu, cussu at imburchinau cun is amigus in cancuna tassa de binu! ◊ ànima fingia, cun is carignus suus mi at fatu imburchinai! ◊ mellus ci alleghes in italianu, po no imbrunconaris! Ètimu srd. Tradutziones Frantzesu trébucher Ingresu to stumble Ispagnolu tropezar Italianu incespicare Tedescu stolpern

imbrortzinàre, imbroscinàre , vrb: imbrossinare, imbrossinzare, imbrossulare, imbruscinai, imbrutzinare, imbusciai 1 (im-bu-sci-a-i) imbussinare, immussinare Definitzione pònnere e orrumbulare in terra a longu a longu, trisinare in terra o, segundhu ite, in istrégiu cun calecuna cosa (es. farra) totu furriandho a dónnia bandha po fàere apicigare sa farra o àteru; fintzes su si fichire in calecuna chistione; nau a briga a fémina, crocare cun ómine / imbusciai su pipiu = pònnere sa criadura subra de s’artare de sa capella ue est coladu su Corpus de Cristos Sinònimos e contràrios imbrotulare, isterrigare / imbusciae Frases su cumassu modhiatu pro no si apitzigare s'imbrórtzinat in sa farina ◊ s'àinu s'imbússinat in terra ◊ dèu arruiu imbrusciendi is peis in su pruini ◊ su cuadhu iscapu s'imbrúscinat in s'anea ◊ s'imbolat in s'istoja e s'imbrossinzat ◊ fint imbroscinados in su ludrau ◊ apo passadu sa die imbrutzinadu in terra ◊ s'est imbussinau in mesu de su nie 2. totu custu cambiamentu, a parri miu tui ti ses imbruscinau in calincuna porcheria (Lai) 3. prinza ses? cherzo ischire cun chie ti ses imbussinada! Ètimu srd. Tradutziones Frantzesu rouler Ingresu to roll (over and over) Ispagnolu revolcarse Italianu avvoltolare, voltolare Tedescu zusammenrollen, wälzen.

imbrossài , vrb Definitzione bogare brossa, linna noa, fògia, nau de su crèschere de erbas e linnas Sinònimos e contràrios assocai | ctr. irbrossare Ètimu srd.

imbrossinàda , nf Definitzione su imbrossinare Sinònimos e contràrios imbrossinzu, imbuscinu Ètimu srd.

imbrossinadórju, imbrossinadórzu , nm: immussinadórgiu Definitzione tretu, logu a ue is animales andhant a s’imbuscinare Sinònimos e contràrios istraigolzu, istrighinadolzu, cdh. imbulcinatógiu Ètimu srd.

imbrossinàdu , pps, agt Definitzione de imbrossinare; chi est in terra isterrinau, crocau a longu a longu Sinònimos e contràrios cdh. imbulcinatu.

imbrossinadúra , nf: imbruscinadura Definitzione su s’imbuscinare Sinònimos e contràrios imbruscinamentu, isfriorzu Frases segundhu su pische, pro lu fríere cheret fatu innantis a imbrossinadura in sa farina Ètimu srd. Tradutziones Frantzesu action de rouler Ingresu rolling Ispagnolu revuelco Italianu voltolaménto Tedescu Wälzen.

imbrossinàre imbrortzinàre

imbrossinónzu , nm Sinònimos e contràrios imbrossinzu Ètimu srd.

imbróssinu , nm Definitzione su imbrossinare, imbuscinamentu Sinònimos e contràrios imbrossinzu Ètimu srd.

imbrossinzàre imbrortzinàre

imbrossínzu , nm Definitzione su s'imbrossinare, imbuscinadura Sinònimos e contràrios imbrossinada, imbróssinu, imbuscinu Frases timiabamus candho bos amus bidu a imbrossinzos Ètimu srd.