A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

impostài 1 , vrb: impostare 1 Definitzione portare a su servítziu postale cosa de mandhare, imbucare in sa posta Frases fusteti còmporat su francubbullu e ci dha impostat!

impostaméntu , nm Definitzione su impostare, su istare in sa posta iscocandho Sinònimos e contràrios impostadura Frases at fatu un'impostamentu de oras po dhu cassai Ètimu srd.

impostàre impostài

impostàre 1 impostài 1

impostemadúra , nf Definitzione su si furriare in matéria, su fàere de una fruschedha, de una postema o àtera essidura, regollimentu de matéria Sinònimos e contràrios martzidura Ètimu srd. Tradutziones Frantzesu suppuration Ingresu suppuration Ispagnolu supuración Italianu suppurazióne Tedescu Vereiterung.

impostemài, impostemàre , vrb: impustemai Definitzione fàere a postema, essire a fruschedha, e mescamente su fàere in matéria de sa postema Sinònimos e contràrios apostemai, insangiai, maltzire, sanzire Ètimu srd. Tradutziones Frantzesu suppurer Ingresu to suppurate Ispagnolu supurar Italianu suppurare Tedescu vereitern.

impostòre, impostòri , nm Definitzione faulàrgiu malu, de cudhos chi narant fàulas apostadamente po fàere male e no deasi po su pecu de èssere faulàrgios Sinònimos e contràrios fabularzu, fingiu, fogaresu, fogoneri, fogoronarzu, mincidiosu / cdh. impustori | ctr. beridadosu, sentzígliu Frases dh’intendhes? est un’impostore, unu faulàrgiu! ◊ semus picados pro impostores e semus verteros ◊ baxi, fraulàncius chi seis e impostoris, genti abburréscia chi girat su mundu imbrogliendi sa pòbera genti e furendi! ◊ ca ses impostori ti dhu nat sa faci! Ètimu itl. Tradutziones Frantzesu imposteur calomniateur Ingresu impostor, backbiter Ispagnolu impostor Italianu impostóre, calunniatóre Tedescu Betrüger, Verleumder.

impóstu impòsta

impóstu 1 , nm Definitzione tretu inue si faet calecuna posta, ue si faet unu trebballu, logu de atóbiu cuncordau, ue si che aprontat sa cosa de carrigare Sinònimos e contràrios impostadórgiu, posta 1 Frases petzi una borta in sa bida sua de carbonarju at irbandhonau s'impostu de sas piatzas ◊ sos pitzinnos afachiabant sa patrítzia e la carrabant a s'impostu de sas piatzas (G.Piga)◊ dae s'impostu is carros ne acurtziaiant is fasches a su forru Ètimu srd.

impóstu 2 , pps, agt, nm Definitzione de impònnere; chi est a óbbrigu; fintzes cossígiu, cosa chi si cossígiat Sinònimos e contràrios impónnidu Tradutziones Frantzesu imposé Ingresu imposed Ispagnolu impuesto Italianu impósto Tedescu auferlegt.

impostúra , nf Definitzione cosa chi no est, fàula chi si narat a dannu de ccn. Sinònimos e contràrios calúnnia, faba, micídiu, tragàgiu / cdh. impustura Frases cun is frabas e is imposturas bobeis cuai sa beridadi! (B.M.Aresu)◊ ràntzigu fele mi dat s'umana impostura! Ètimu itl. Tradutziones Frantzesu imposture Ingresu imposture Ispagnolu impostura Italianu impostura Tedescu Betrug.

impostúra 1 , nf Definitzione su impònnere, su che fèrrere o iscúdere sa cosa atesu candho s'imbolat o betat Frases custu fusile at pagu impostura Ètimu srd. Tradutziones Frantzesu portée Ingresu throw Ispagnolu alcance Italianu gittata Tedescu Wurfweite.

imposturài, imposturàre , vrb Definitzione ingannare cun fàulas; nàrrere male de unu, ponendho in giru cosas chi no funt Sinònimos e contràrios allimbare, foghigiai, innorare, irfamiare, tragagiai Ètimu itl. imposturare Tradutziones Frantzesu calomnier Ingresu to calumniate Ispagnolu calumniar Italianu calunniare Tedescu verleumden.

imposturía , nf Definitzione cosa chi no est, fàula chi si narat a dannu de ccn. / èssere totu imposturias = faulàrgiu malu Sinònimos e contràrios calúnnia, micídiu, tragàgiu Ètimu itl. Tradutziones Frantzesu imposture Ingresu imposture Ispagnolu impostura Italianu impostura Tedescu Betrug.

impotài imbotàre

impoténtzia , nf Definitzione su no pòdere, su no tènnere fortzas o no tènnere su podere de fàere ccn. cosa Sinònimos e contràrios debbilesa | ctr. podere, possa Ètimu spn. impotencia.

impovài , vrb Sinònimos e contràrios apojai 1, orivetai, orulare 1 Tradutziones Frantzesu ourler, border Ingresu to hem Ispagnolu orillar Italianu faldare, orlare Tedescu säumen.

impoveríre impoberíre

impozàre impogiàre

imprabastài, imprabastàre, imprabastàri , vrb: improbostai Definitzione fàere is cosas a improdhu; nàrrere una cosa po un'àtera, betare apare is cosas foedhandho Sinònimos e contràrios abbaunzare, imprabastulai, infilumestare Frases ma ita est imprabastandu? ◊ e ita tiau de manera e ita totu imprabastais?! ◊ che n'at imprabastadu de fàulas!…