A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

inzelzàre ilzenzàre

inzému , nm Definitzione cosa chi si narat a briga, a disprétziu Sinònimos e contràrios abbruncu, aciociada Frases sos inzemos los vogades a fiotos e su dinari a sinza: a èssere cumpridos siat! ◊ lassade sos inzemos: aite mi nades "imbainajola"?

inzendràre ingendrài

inzeneràre ingenerài

inzenerassiòne , nf Sinònimos e contràrios inzénneru.

inzeniàche , agt: inzeniaghe Definitzione nau de ccn., chi s'ingéniat, chi est de ingéniu Sinònimos e contràrios arxentziosu, indelletosu, inzegnistu Frases dogni fizu tou inzeniaghe tribàgliat cun amore su terrinu cun rica passione e fantasia (Budroni)◊ inoghe su piús inzeniaghe ponzat a sos discúidos reparu! (G.Raga) Ètimu srd. Tradutziones Frantzesu ingénieux Ingresu resourceful, creative Ispagnolu ingenioso Italianu ingegnóso, dotato di génio inventivo Tedescu erfinderisch.

inzeniadúra , nf Definitzione fàere a ingéniu, arrangiandhosi.

inzeniàghe inzeniàche

inzeniàre ingeniài

inzeniéri ingegnéri

inzeniósu ingeniósu

inzéniu ingéniu

inzenneràre ingenerài

inzennería ingignería

inzénneru , nm Definitzione su ingenerare, su cumenciare sa vida de unu fedu nou Sinònimos e contràrios inzenerassione Ètimu srd. Tradutziones Frantzesu génération Ingresu generation Ispagnolu generación Italianu generazióne Tedescu Zeugung.

inzenugiàre, inzenujàre ingenugài

inzènza , nf, nm: inzunza, inzunzu Definitzione cosa chi si narat a disprétziu, ofendhendho o menguandho su valore de s'àteru; fintzes númene chi si ponet a ingiúliu Sinònimos e contràrios afrenta, afrontu, aggràbiu, aggrau, innóriu / agghégiu, incídiu, inzerru, tzítziu / annomíngiu 2. connoschiat sos truvadores a númene, a bortas a inzunzu Ètimu srd. Tradutziones Frantzesu injurie, raillerie, injurieux Ingresu insult, abusive, banter Ispagnolu injuria, broma injuriosa Italianu ingiùria, mottéggio ingiurióso Tedescu Schimpfwort.

inzenzàre ilzenzàre

inzénzu , nm: inzerzu, irgenzu, irghentzu, irghenzu, irgrenzu, irzenzu Definitzione genia de neghe, pecu de sa carena, o fintzes de sa manera de fàere de sa persona; cosa chi si narat o chi si faet a befa, po fàere a bregúngia a unu Sinònimos e contràrios abbenzu, defeta, dellezu, ilzunzu, isvenzu, mendhea, peca 1 / menisprésiu | ctr. bàntidu Frases cussu pisedhu tenet irghenzu ◊ cussu zòvanu est s'irghenzu de s'ereu! ◊ teniat s'irghentzu de èssere fitianu cun sos cumpantzos e no poniat aficu a s'istúdiu 2. su canóligu Mele at cumpostu gosos a irzenzu de sos Lodeinos ◊ tribbulei note e die ingullendhe piantu e inzenzos (C.Meridda)◊ as retzidu un'afrenta fata a prou: custu inzenzu no ti l'as a olvidare mai! ◊ cussu at a èssere su risu e s’irgrenzu de totus ◊ isse no si misciaiat a sos befajolos ca pro su piús fit leadu a inzerzu Ètimu ltn. ingenium Tradutziones Frantzesu mépris Ingresu scorn Ispagnolu defecto, desprecio Italianu disprègio Tedescu Mißachtung.

inzèrra , nf, nm: inzerru Definitzione cosa chi si faet o chi si narat faendho crepu a s’àteru, portandhodhu a puntu de fàere calecuna cosa po tzacu / fàghere s'inzerra inzerra = arrennega arrennega Sinònimos e contràrios gena, ifadamentu, ifadu, impéltinu, incresciu / agghégiu, incídiu, inzenza, tzítziu Ètimu srd. Tradutziones Frantzesu incitation, encouragement Ingresu incitement Ispagnolu instigación Italianu aizzaménto Tedescu Hetze.