A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

istírigu , nm Definitzione su istirigare, movimentu a orrumbuladura; cricu, cosa tundha de pòdere pigare orrumbulandho / a i. = arrumbiendi Sinònimos e contràrios arrúmbiu, arrumbuladura / cadhinu, circu 2. s'istírigu ischimis manitzare, ischíglia, campanedhas, sonajolos (F.Paba)◊ a pisedhu… un'istírigu, una morrócula, bocitas de bidru, una bòcia de istratzu, currinas…(M.Meridda) Ètimu srd.

istiriociàre , vrb: stirociae Sinònimos e contràrios istirai, istiratzare, istiriolare, istirodhai, stirongiai.

istiriodhàre istiriedhàre

istiriolàre , vrb Definitzione istirare unu pagu tropu, fàere prus longu istirandho Sinònimos e contràrios ilfodhonare, illonghiae, istiratzare, istirodhai, stirociae Frases a fortza de l'istiriolare, custu gorfo, como ti ruet male 2. no bi l'istirioles, su cuntrestu: sègalu in curtzu! (G.Ruju) Ètimu srd. Tradutziones Frantzesu étirer Ingresu to stretch Ispagnolu estirar, extender Italianu stiracchiare Tedescu strecken.

istiriónzu , nm Definitzione su istirare, istiradura Sinònimos e contràrios istiramentu Ètimu srd.

istiriozàre , vrb Sinònimos e contràrios istiriolare, istirodhai Ètimu srd.

istiriózu , nm Sinònimos e contràrios istíriu Ètimu srd.

istiríre , vrb Definitzione istirare po istesiare, mòvere, andhare o portare prus atesu Sinònimos e contràrios astesiai, issuzire, istegiare, istesare, istregire, tiridhire, tòlchere, trentzí | ctr. acostai, acostire Frases istiri dae cue, no fetas dannu! ◊ at intesu sa zanna chi si cunzavat e sos passos chi si ndhe istiriant ◊ mi as custrintu a m'istirire pro fàchere locu a tie ◊ cussas féminas che ant a istirire a fizos tuos 2. is cuadheris lompint diaderus e intrant a filada, istiridos s’unu dae s’àteru Ètimu srd.

istíriu , nm: istiru Definitzione su istirare, nau pruschetotu foedhandho de is arremos de sa carena Sinònimos e contràrios dòlgia, istirada, istiralla Maneras de nàrrere csn: èssere a i. = istiraisí fatuvatu, medas bortas; sos istiros de sa morte = sos istiros chi faghet unu morindhe Frases aju, timore, isperu, risitos e suspiros, brinchitos e istiros passant in chizos suos ◊ candho si ndhe pesat abbarrat unu muntone de ora a istiros ◊ est a cascos e a istiros, si ndh'est pesadu comogomo Ètimu srd. Tradutziones Frantzesu élongation Ingresu stretching, extention Ispagnolu estiramiento, elongación Italianu stiro, stiraménto Tedescu Strecken, Zerrung.

istirodhài , vrb Sinònimos e contràrios istirai, istiratzare, istiriedhare, istiriolare Frases s'istirodhat s'ischina caschendi a boghis postas ◊ sa cingomma est cosa ch'istirodhat Ètimu srd.

istirriolàre , vrb Sinònimos e contràrios tirai, tostare, tragai Frases milla s'ora de sa note, ch'istirriolat traza traza, sentza brios, èsseres chena isetu (T.Tedde).

istirriotzàre , vrb Definitzione coment'e istirare, ma nau prus che àteru in su sensu de fortzare de una parte a s'àtera, fintzes a tontonadura Sinònimos e contràrios istiratzare, istiriolare, istirodhai, stirociae Frases sos istrumpadores s'istirriotzant de cada ghetu pro fàghere pèrdere s'echilíbbriu a s'àteru.

istíru istíriu

istisidhàre istesidhàre

istitàda , nf Definitzione su istitare, su tempus de istitare Sinònimos e contràrios istitamentu Frases sas berbeghes istant totu a mélios a s'istitada ca lis mancat s'anzone Ètimu srd.

istitài , vrb: istitare, stitai Definitzione leare sa tita a su fedu, fàere lassare s'avesu de súere Sinònimos e contràrios astitai, illatare 1 Ètimu srd. Tradutziones Frantzesu sevrer Ingresu to wean Ispagnolu destetar Italianu spoppare, svezzare Tedescu entwöhnen.

istitaméntu , nm: stitamentu Definitzione su istitare Sinònimos e contràrios istitonzu, stitàgiu, stitu Ètimu srd. Tradutziones Frantzesu sevrage Ingresu weaning Ispagnolu destete Italianu svezzaménto Tedescu Entwöhnung.

istitàre istitài

istítidu , nm Definitzione su istitare; donu chi si giaet a sa tadaja po s'istitamentu de unu pipiu Sinònimos e contràrios istitadura, stitàgiu, stitu Ètimu srd. Tradutziones Frantzesu sevrage Ingresu weaning Ispagnolu destete Italianu slattatura Tedescu Entwöhnung.

istítigu , agt: stíticu Definitzione chi no podet andhare de su corpus, tupau; si narat mescamente po arrestigu de unu de manu istrinta, malu a giare Sinònimos e contràrios limidu, susuncu Ètimu itl. stitico.