Ditzionàriu in línia
de sa limba e de sa cultura sarda

istratallài, istratallàre , vrb: stratagliai Definitzione pigare a foedhos malos, foedhare male a unu; bogare a fora, fàere fuire Sinònimos e contràrios agegherai, bocare, caciare, inchirriai, isciuliai, isfraitzare, istrulliare, salargiare Frases istratallat óminis e féminas a itzérrius e a frastimus po torrai a su trabballu 2. mi at arrifudau sa filla… e istratallau! ◊ custas féminas las istratallamus, no las lassamus in cue bivendhe a poderiu! ◊ chi dhus intendit ajaju nci dhus istratallat!◊ is pavonis ant pigau sa carroga a abbíchidus e nci dh'ant istratallada de mesu intzoru 3. a dónnia contonada cudhu isparàt unu guetu e is pillonis torrànt a fuiri istratallaus Ètimu itl. stratagliare Tradutziones Frantzesu chasser Ingresu to drive away Ispagnolu echar Italianu scacciare Tedescu vertreiben.

istratamazàre , vrb Definitzione crastare su pegus mascu a pistadura; tratare male, pistare, pigare a ispintas Sinònimos e contràrios crastai, immaxai, istrastare, magliai 2. a tie ti istratamazant e si podet dare chi ti fetant sa pedhe puru ◊ che li est rutu su bonete in sa trébbia e bi l'at totu istratamazadu.

istratazàre , vrb Sinònimos e contràrios istrastare, istratamazare.

istratinavías , nf Definitzione genia de erba (cardu) totu ispina Sinònimos e contràrios cadalava, cadàtola, colustídhiu, istrainabias Terminologia iscientìfica rba Ètimu srd.

istratòdhere , vrb: istrotòdhere Definitzione agiummai coment'e istratallare, fàere istesiare, istacare, pigare cun fortza; a logos fintzes orrúere de logu artu Sinònimos e contràrios istacare, istòdhere, spodhai Frases como chi ant ingustadu, cussos sunt malos a istrotòdhere ◊ sos puzones no che los poto istrotòdhere de binza! 2. abbàida chi no n'istrotodhas de cue! Ètimu srd.

istratòla , nf Definitzione camminu malu, totu a fossos, a iscamedhos

istratolzàda , nf Sinònimos e contràrios imbudada, imperta, ispinta Frases mi deit un'istratolzada e mi fateit subra e suta che bia de carru!

istratonàre , vrb Definitzione its, camminare a iscutuladas? imbruconare? Frases fit caminanne a passu chene istratonare.

istràtu , nm: estratu* Definitzione sa sustàntzia chi si ndhe bogat seberada de calecuna cosa; paperi o documentu cun is datos prus importantes de unu contu, de una chistione, de una situatzione; riassuntu de un'òpera.

istratúgliu , nm Definitzione burdellu, sciarrocu Frases si arritzat Caravúgliu daghi intendhet chi cópia ndh'at dadu!… trazamentu, istratúgliu, pariat ch'isfundhàt su tauladu!

istràtula , nf Definitzione parisedhu, tretighedhu in paris in logu de orrocas, ue faet a si firmare.

istratzabbértulas , nm Definitzione genia de animaledhu areste, ammesturu de lèpere e de conillu, cun sa conca chi si betat prus a su lèpere ma cun su dossu de conillu, cun cambas curtzas Terminologia iscientìfica anar Ètimu srd.

istratzàda , nf Definitzione su istratzare, tiradura a cropu Sinònimos e contràrios frapu, frata 1, iscratzada, istratzadura, tiradura Frases ant intesu un'istratzada forte: fit su massaju chi ndhe aiat bodhidu sa tega de su pisellu Ètimu srd. Tradutziones Frantzesu déchirure Ingresu rear Ispagnolu tirón Italianu strappo Tedescu Entreißen.

istratzadórju , nm Definitzione sentidu forte, chi paret de ndhe iscravare s'ànima; afinamentu de ànima, apititu forte Ètimu srd.

istratzadúra , nf: istratzatura Definitzione su istratzare Sinònimos e contràrios istrancanadura Frases su pinnetu fit intumbitu de unu nuscu de vintza, de sarmentos e fotzas pistatas o secatas a istratzatura Ètimu srd.

istratzàju , nm: istratzarzu Definitzione comporadore de orrobba bècia, de tzapulina; fintzes unu bestiu de tzapulina, cun bestimentu béciu Sinònimos e contràrios istratzeri 2. a sa mama li pariat disonore a mandhare a iscola su pitzinnu che un'istratzarzu Ètimu srd.

istratzàre , vrb: istrutzare, straciai Definitzione tirare forte a cropu (fintzes po ndhe pigare cosa a chie dha portat o no dha bolet lassare o giare), pigare a fortza segandho sa cosa puru Sinònimos e contràrios afrapare, arrancai, arrebatare, illatzare, iscrúfere, iscúrpere, isfrapare, stiritzai Frases istratzare dae manos una cosa a unu ◊ no che istratzes sos fòglios dae su líbberu! ◊ ndhe li ant istratzadu sas carres, li ant pisuladu sa carena ◊ a sos màrtires cristianos lis istratzaiant sas carres cun pètenes de ferru ◊ sos corbos, chene pietu, sont istrutzanne s'úrtimu petolu Ètimu itl. stracciare Tradutziones Frantzesu arracher, déchirer Ingresu to tear (up) Ispagnolu arrancar Italianu strappare Tedescu entreißen.

istratzàrzu istratzàju

istratzatúra istratzadúra

istratzédhu , nm Definitzione istràciu piticu, istracighedhu.