A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

matàre , vrb Definitzione bochíere, nau pruschetotu de sa tunnina candho si piscat.

matarésu maciarésu

matàrzu , nm Definitzione logu totu prenu de tupas, de matighedhas Sinònimos e contràrios crachi, lita, matadu, mateda, separzu, tuparzu, tupedu Frases su boe ch'est presu in d-unu matarzu, apartau Ètimu srd. Tradutziones Frantzesu maquis Ingresu shrub Ispagnolu matorral Italianu frasconàia Tedescu Gehölz.

matàssa madàssa

matatóju , nm Definitzione logu chi faent sa petza, bochint su bestiàmene po sa petza a bèndhere Sinònimos e contràrios ammatzadógiu, bochidorju.

matatzinàre , vrb Definitzione fàere matatzinu, burdellu, gherrigiare, istare a boghes Ètimu srd.

matatzínu , nm Definitzione boghes, burdellu de gente foedhandho o faendho Sinònimos e contràrios baraundha, carralzu, chimentu, mamudinu.

matàtzu , nm Definitzione aina de su ferreri cun d-una lama retangulare cun sa màniga, segante a un'ala e grussa in su tolu po dh'iscúdere a martedhu aderetzandho in costaos s'unga de ferrare Terminologia iscientìfica ans.

mataudhòne , agt Definitzione brent'e pódhini, unu chi portat sa bentre manna manna, nau pruschetotu a disprétziu Sinònimos e contràrios bentrimannu, bentrudu, matimannu, matzatzoi, pantzimannu 2. donzi mataudhone, como, est poeta!… Terminologia iscientìfica zcrn Ètimu srd.

matàzu matàgliu

matèda, matédu , nf, nm Definitzione arburedu, logu totu matas, su boschile etotu, totu is linnas chi dhue creschent Sinònimos e contràrios bedutzu, crachi, lita, frascarzu, matadu, matarzu, tupedu / materi Frases in matedos e buscos est malu a intrare s'aradu ◊ cue bi at matedos de rú e de prunitza ◊ leaiant a ammanitzare su semenériu, o siet a dolare sas terras de agrile dai su restuju e dai su matedu Tradutziones Frantzesu maquis, végétation Ingresu shrub, vegeteation Ispagnolu matorral Italianu frasconàia, vegetazióne Tedescu Gehölz, Vegetation.

matefítziu , nm Definitzione foedhu po nàrrere css. cosa chi orabrora no benit a mente Sinònimos e contràrios bodale, nichele.

mategúsa marsicrúsa

matelàfu mantabàfu

matemàtica , nf Definitzione s'isciéntzia chi pertocat is números, sa cantidade.

matemàticu , agt, nm Definitzione chi pertocat sa matemàtica; chi tenet una precisione che a sa matemàtica; chie istúdiat sa matemàtica coment'e isciéntzia.

matemúrru maciamúrru

matènna , nf Definitzione genia de frastimu / betare m. a ccn. Sinònimos e contràrios iscomínica, maladissione Frases ti est falada sa matenna de cogas ispilustriadas (T.Rubattu)◊ no resessimos a nos catzare sa matenna! Tradutziones Frantzesu anathème Ingresu excommunication Ispagnolu anatema Italianu anàtema Tedescu Anathema.

materàrju , nm: meterarzu Definitzione logu inue creschet mètere meda, cràchiri, tupas, prenu de matedu ispinosu, de orruo, de matas Frases su logu si fit prenadu de rú e fit totu unu meterarzu (A.Deplano) Ètimu srd.

materàtzu , nm Definitzione petzu de su cuadhu armau; sa crae de is travas chi si ponent a is animales Ètimu ctl. matràs.