A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

mugoràre mucoràre

mugòre, mugòri mucòre

mugósu , agt, nm Definitzione chi o chie istat sèmpere totu brutu, prenu de muga Sinònimos e contràrios butzinosu, cadhàniu, cadhóciu, cadrangiosu, lortzorosu, lurtinosu, massautu, pingosu, sodrigosu Frases mugosu, bogadichela cussa camisa bruta! Ètimu srd. Tradutziones Frantzesu d'une saleté dégoûtante, crasseux, sale (fig.), sordide Ingresu dirty (person) Ispagnolu sucio, mugriento Italianu sózzo Tedescu schmutzig, schmutziger Mensch.

múgra múra 2

múgra 1 múcra

mugràre muciàre

mugratzólu mucratzólu

mugróne , nm: murgone, murone Definitzione unu de is animales arestes chi méngius distinghent sa Sardigna (e sa Córsica), de ue si est ispainau in àteros logos: est una genia de brebè in colore de castàngia craru, orrubiastu, po su prus múdula sa fémina, a corros grussos e atrotigaos su mascu, pilosu meda ma no lanosu coment'e is brebès / sa fémina: mugra, bítara; su fedu: anzone muroninu, bitu; murone de bàrdia = su murone chi andhat addainanti e daet atentu pro totu su fiotu: nadu de unu, chi istat ora meda frimmu ritzu, coment'e oretendhe; murone abbandhitadu = su chi sos àteros che catzant a un'ala Sinònimos e contràrios mufrone Frases babbu mi vatuat a inoche a bídere chervos e mugrones ◊ istat solu solu arestadu che murone ◊ allargu dai caminu inue passat murone, no bos det sa corramenta! Sambenados e Provèrbios smb: Murone, Muroni Terminologia iscientìfica anar, ovis ammon musimon Ètimu srdn. Tradutziones Frantzesu mouflon Ingresu mouflon, wild sheep Ispagnolu musmón, muflón Italianu muflóne Tedescu Mufflon, Muffelwild, Muffel.

mugronínu , agt: muroninu, muvroninu Definitzione de murone, de muvra; nau de ccn. po su naturale, chi est unu pagu arestosu, mudigone, de pagos foedhos, guvardu / anzone m. = bitu Sinònimos e contràrios murvinu Terminologia iscientìfica ntl Ètimu srd. Tradutziones Frantzesu introverti Ingresu introverted Ispagnolu introvertido Italianu introvèrso Tedescu introvertiert.

múgru múciu

mugúgna, mugúnza , nf Definitzione cosa chi si ponet e pàusat in su fundhu de un'istrégiu (coígios de binu, de su casu candho si faet, a logos fundhurúgiu de ógiu, murca), ma fintzes terra o arenatzu comente ndhe tragant is abbas candho proet meda Sinònimos e contràrios colàciu, fundhalíssia, fundhuluza, pasadura / mucra.

mugullòni , nm Definitzione muntone de pedra, mullone.

mugúnzu , nm Sinònimos e contràrios chèscia, murrúngiu Frases mi paret de intèndhere boghes e mugunzos.

muguòes , nm Definitzione cramédiu ’eru, genia de erba fragosa Sinònimos e contràrios amentape, amentatzu Terminologia iscientìfica rba, Teucrium massiliense.

múi múere

múida, muída moída

muidàre moidàre

muidonàre , vrb Definitzione istare coment'e a moidedha, cantandho a boghe bàscia Sinònimos e contràrios cantutzare, mormuzare, mulmutare, mummucare Frases donzi die est in s'alzola de s'asciuza imbuliadu, muidonendhe mutos e cantones Ètimu srd.

muídu, múidu moída

muidúra , nf Definitzione su múere, su muire Sinònimos e contràrios murmutu Frases est cantendi a muidura una cantzoni a curba Ètimu srd.