A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

múila múghilu

muilàche mughilàche

muilàda , nf Sinònimos e contràrios borrada, borrógliu, corrighinu, múghilu Ètimu srd.

muilàghe mughilàche

muilàre mughilàre

muilósu , agt Definitzione chi istat a múlios, a borróinos, chi faet a zúmiu / frundhas muilosas = chi iscudent a pedra muindhe Ètimu srd.

múilu múghilu

muiméntu moghiméntu

muimúi moimói

muína, múina , nf, nm: ammuina, muine, muinu Definitzione genia de sonu sighiu o fintzes mutúgiu, moida de trísinu; genia de moida in conca, pentzamentu, o fintzes furriamentu de conca Sinònimos e contràrios ischimuzu, moida, muinzu, zúmiu / ibbadhinamentu, scimíngiu Frases sunt a muina in conca sos sentimentos ◊ abbellu abbellu, sena fàghere muinu, si est impostadu in d-una tupa ◊ sa muina de totu cussas boxis no lassat ascurtai is fuedhus suus ◊ a mi lassas istare sa muina, chi mi pares muscone in s'aposentu?! (Sassu) Ètimu srd. Tradutziones Frantzesu bourdonnement Ingresu buzzing Ispagnolu zumbido Italianu ronzìo Tedescu Summen.

muinài , vrb: ammuinai 1, muinare Definitzione fàere un genia de moidedha fine fine, prus che àteru sa chi faent s'abe e bobboitedhos deasi Sinònimos e contràrios afruschiare, fruscidare, frusiai, frusitai, moidare, mojire, múere, muizare, suai, sulietai, sulvare, surbiai, zumiai Frases muinendi e zummiendi funt acudendi a tronis muschitus e musconis ◊ no movet ratu ne foza in su frutale e no muinat su riu ◊ unu musconi fiat muinendi in s'oru de sa fentana Ètimu ltn. muginare Tradutziones Frantzesu bourdonner Ingresu to buzz Ispagnolu zumbar Italianu ronzare Tedescu summen.

muinàja , nf: muinalla Definitzione sa moida, su sonu, su zúmiu chi faet sa pedra, segundhu comente est fata (lada e longhita), candho benit iscuta (si brillat) atesu a frundha o fintzes a manu Sinònimos e contràrios bísulu, frúschiu, frúsiu, muinalla, muizu, zúmiu Frases at corpadu sa preda a muinaja Tradutziones Frantzesu sifflement Ingresu hiss Ispagnolu silbido Italianu síbilo Tedescu Zischen.

muinàle , nm Definitzione sa canna de su gúturu de su pegus de bulu Terminologia iscientìfica crn.

muinàlla , nf Sinònimos e contràrios ammuina, frusialla, muinaja, zúmiu / arralla, ciaciarra, ciaramedha Ètimu srd.

muinàre muinài

muinàrgia , nf Sinònimos e contràrios ammuina, moida, mughinzu, muinaja*, tzugnu, zúmiu Frases tegno muinàrgia in origas, oe.

muíndhe moíndhe

muíne muína

muínne moíndhe

muinósu , agt Definitzione chi ammuinat, chi faet ammuinu Sinònimos e contràrios bacanosu, burdellosu, istragatzosu Frases su riu li paret piús muinosu ◊ sos trainos current a su riu chi muinosu curret a su mare Ètimu srd. Tradutziones Frantzesu bruyant Ingresu noisy Ispagnolu ruidoso Italianu rumoróso Tedescu lärmend.