A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

niedhàssu, niedhàtzu , agt Definitzione chi est de colore unu pagu niedhu Sinònimos e contràrios acotilau, niedhudu, niedhutzu, regotu Terminologia iscientìfica clr Ètimu srd. Tradutziones Frantzesu noirâtre Ingresu blackish Ispagnolu negruzco Italianu nerìccio Tedescu schwärzlich.

niedhédhu , nm Definitzione parte de sa farra, su crivàgiu, su prus fine, chi ponent a fàere is ciapuedhus, genia de macarrones, ma fintzes pane.

niedhèra , nf Definitzione genia de binu niedhu Frases is binus dhi praxiant totus, de su cannonau a su nascu, de s’arratellau a sa malavasia, sa crannàcia, sa niedhera Terminologia iscientìfica bfg Ètimu srd.

niedhéru , agt Definitzione chi est de colore niedhu.

niedhigàu , agt Sinònimos e contràrios inniedhigau*.

niedhigòre, niedhigòri , nm Definitzione negru de fumu, mascara bogada de linna ogiosa abbruxada po usu de imbarchinamentu, po giare o fàere colore niedhu po muros; fintzes marcu druchesau de pistadura Ètimu srd. Tradutziones Frantzesu noir de fumée Ingresu lampblack Ispagnolu negro de humo Italianu nerofumo Tedescu Ruß.

niedhòne , nm Definitzione genia de erba chi narant puru granu de pèbaru o gravellinu Sinònimos e contràrios gravellinu Terminologia iscientìfica rba, Silene gallica Ètimu ltn. nigella.

niedhòne 1 , nm Definitzione granu de pèbaru, genia de erba toscosa ca portat sabonina e po cussu bona a illimpiare orrobba ca che sàmunat su grassu Sinònimos e contràrios mortuniedhu Terminologia iscientìfica rba, Agrostemma githago.

niedhòne 2 , nm Definitzione genia de erba: frori de passioni Sinònimos e contràrios passionedha Terminologia iscientìfica rba, Nigella damascena.

niedhòre, niedhòri , nm: nighedhore Definitzione su èssere niedhu, su èssere iscurosu; cosa niedha Sinònimos e contràrios iscuricore, niedhura, nighedhúmene, tura / annuadura, fumu, titiedhu | ctr. biancura Frases custu niedhore de sas aeras at a èssere chi faghet a dellúbbiu ◊ in su nighedhore de cussu disisperu che luchiant petzi sos ocros chi si moghiant intro de su concale istuvau ◊ si coberzant sos chelos de niedhore e comintzent sos butios! 2. de sos fumajolos de tzertas fàbbricas essit niedhore ◊ custu suelzu afoghizadu est pienu de niedhore ◊ su "Chi nono" de sa fémina li fit giómpidu che un'istuturrada e su coro si li pieneit de niedhore ◊ su niedhore est grae cantu su dolore meu! ◊ su niedhore de su fumu est malu a ndi andari de un'aposentu niedhu pixi! Ètimu srd. Tradutziones Frantzesu noirceur, obscurité Ingresu blackness, obscurity Ispagnolu negrura, oscuridad Italianu nerézza, oscurità Tedescu Schwärze, Dunkelheit.

niédhu , nm, agt: nighedhu Definitzione su colore prus iscurosu, antzis est sa farta de totu is colores, candho mancat calesiògiat colore (ma dhu narant fintzes in su sensu de meda, forte, mannu); bestimentu niedhu po dolu; chi o chie portat sa pedhe de colore niedhu o iscurosa meda, de arratza niedha; nau de cosa po su chi paret a sa lughe, chi no torrat perunu colore; nau de ccn. po comente foedhat o faet, chi est arrennegau meda, chi est crepandho de su tzacu, dispràxiu meda, tristu / min. niedhatzu, niedhutzu, nighedhutu Sinònimos e contràrios negru / tardu | ctr. biancu Maneras de nàrrere csn: n. che unu scrau, che pighe, che su trummentu, che ala de corbu, che funnu de labia, che sa pixi, che sa mura = niedhu deretu, meda, deunudotu, niedhu pídicu, píghidu; a niedhos de note = intro de note, a note manna; su niedhu de s'ogru = sa pupia; su n. de s'unga = sa corona de s'úngia; su niedhu de fumu = fumàdicu, mascara o niedhigori; ànimi niedhu = malu che dimóniu Frases su biancu si vortet a nighedhu! 2. cudhos botedhos fachiant unu degógliu niedhu ◊ cussa note unu coro malu mi faghiat bídere totu niedhu ◊ at fatu un'iscàndhalu niedhu ◊ tia Gràtzia in butega teniat isceti binu niedhu 3. tia Pietrina che intreit niedha che su titone a brigare su fizu ◊ ndi est essiu de miniera niedhu che unu scrau ◊ su preigadore fit nighedhu chi pariat unu bundhu ◊ fiat tristu mannu niedhu ◊ fut una noti niedha che sa pixi ◊ ndi est benniu ammeleciosu e niedhu! 4. s'idea fit de isetare mancari dendhecheli a niedhos de note Sambenados e Provèrbios smb: Nieddu, Niedda / prb: mellus a faci arrúbia chi no a coru niedhu Terminologia iscientìfica clr Ètimu ltn. nigellus Tradutziones Frantzesu noir Ingresu black Ispagnolu negro Italianu néro Tedescu schwarz.

niedhúdu , agt Definitzione chi est unu pagu niedhu Sinònimos e contràrios fodhinosu, niedhutzu Terminologia iscientìfica clr Ètimu srd. Tradutziones Frantzesu noirâtre Ingresu blackish Ispagnolu negruzco Italianu nerìccio Tedescu schwärzlich.

niedhumànnu , nm Definitzione calidade de àghina niedha a pibiones mannos Ètimu srd.

niedhunuràghe , nm Definitzione una genia de erba: origa de para Sinònimos e contràrios fruschiajolos Terminologia iscientìfica rba, Silene latifolia ssp. alba Ètimu srd.

niedhúra , nf: nighedhura Definitzione su èssere niedhu de totu is cosas Sinònimos e contràrios niedhore | ctr. biancura Frases su carvonarzu est garriau de terra e niedhura: paret unu corritolu Ètimu srd. Tradutziones Frantzesu noirceur Ingresu blackness Ispagnolu negrura Italianu nerézza Tedescu Schwärze.

niedhutzédhu , nm Definitzione genia de pische mannu de mare chi assimbígiat a su piscigani Terminologia iscientìfica psc.

niedhútzu , agt, nm: nighedhutu, nighedhutzu Definitzione chi est de colore chi tirat a su niedhu; genia de pígione: anade conca niedha Sinònimos e contràrios acotilau, fodhinosu, niedhassu, niedhudu Frases est unu pitzinnu nighedhutu ◊ est unu pitzinnu nighedhutzu e romasu ◊ est arta e bèni fata, niedhutza, pilus e ogus píxidus Terminologia iscientìfica clr Ètimu srd. Tradutziones Frantzesu noirâtre Ingresu blackish Ispagnolu negruzco Italianu nerastro Tedescu schwärzlich.

niènte, niènti , prn, nm Sinònimos e contràrios nudha.

nièra nibèra

nietziòni nentziòni