A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

nichèdha , nf Definitzione moneda de binti centésimos, unu tempus, nau fintzes in su sensu de sodhu, dinare in minudos bastat chi siat Sinònimos e contràrios níchili, nichera Frases no che as a essire de galera finas chi no pacas s'úrtima nichedha.

níchel , nm Definitzione minerale e metallu, elementu chímicu de símbulu Ni, númeru atómicu 28 e pesu atómicu 58,69: s'impreat meda ammesturau cun àteros metallos e mescamente po pònnere unu pigighedhu in pitzu de metallos chi sinono si óssidant.

níchela , nf: níchera Sinònimos e contràrios moneda, nicheledhu, níchili Frases a bortas li dabant una níchera de mesu petza Ètimu itl. nìchele.

nicheladúra , nf Definitzione su nichelare 1; pigighedhu de nichel chi si ponet in pitzu de àteros metallos cun s'eletrólisi.

nichelàre , vrb: nighelare Definitzione podet bòllere nàrrere css. cosa chi in su mamentu (e in sa lestresa de su foedhare) no benit a mente o no s'ischit bene, o fintzes cumprendhendho e ischendho bene su chi si bolet nàrrere, mancant però is foedhos (o no si bolent nàrrere): si narat fintzes de sa manera de fàere (ma sèmpere in parte de calesiògiat àteru vrb.) Sinònimos e contràrios bodalare, bodalire, innichelare, intenantai, iterinare Frases nichela de goi, nichela de gai, nche fit colata sa note ◊ no mi poto nichelare Ètimu srd. Tradutziones Frantzesu faire (fam.), combiner Ingresu to do Ispagnolu hacer, decir Italianu cosare Tedescu es wird dem Inhalt gemäß übersetzt.

nichelàre 1 , nf Definitzione pònnere unu pigighedhu de nichel a is àteros metallos cun s'eletrólisi.

nichèle , nm: nighele Definitzione unu calesiògiat númene, pruschetotu de gente ma fintzes de logu o de cosa, nau candho in sa presse de su chistionu no benit a mente su númene giustu Sinònimos e contràrios bodale, fulanu, taligeni, taniele Frases cudha note punterandhe che so rutu in d-unu tele e supridu est tiu Nichele cun su boe purpurinu (D.Mele)◊ nichelàtenche custa nichele! ◊ nos aviant mandhau a pedire a tziu Nichele su nichele pro nichelare Tradutziones Frantzesu truc, machin Ingresu whatsit Ispagnolu eso (cosa), fulano, zutano, mengano (pers) Italianu còso Tedescu Dings.

nichelédhu , nm Definitzione moneda de nichel de binti centésimos, unu tempus Sinònimos e contràrios nichera, níchili.

nichenòn , nm: nicheròn Definitzione genia de frore Terminologia iscientìfica frs, Pelargonium triste Ètimu itl.n nicchinon(no).

níchera níchela

nicheròn nichenòn

nichidàdu nechidàu

nichidàre nechidàre

nichidàu nechidàu

níchili, níchiri , nm Definitzione moneda de nichel de binti centésimos, unu tempus, e como calesiògiat dinare in moneda de metallu, dinare de metallu in minudos; cosighedha de pagu contu o (in cobertantza) dinare meda; nau de ccn., chi est unu nemos, nudha, de pagu contu o carena làngia Sinònimos e contràrios búzera, gnagneria, nichedha, nicheledhu, nighelinu Frases gei dhu at a ai pagau unu níchili, cuss'anedhu de òru!…◊ su corpetu portàt duas filas de muneras acoment'e butonis de òru, ma su chi fut pòbiru portàt is níchilis ◊ dinari in níchiris no mi ndhe dias ca zuto sa busaca istampada! Sambenados e Provèrbios smb: Nicchiri, Nichiri Ètimu itl. nìchele Tradutziones Frantzesu vétille Ingresu trifle Ispagnolu nimiedad Italianu piccolézza, nonnulla Tedescu Nickelmünze (früher), Kleinigkeit.

níchis , nm Sinònimos e contràrios nudha Frases cussa cosa no serbit a nichis Ètimu deut. nix Tradutziones Frantzesu rien Ingresu nothing Ispagnolu nada Italianu niente Tedescu nichts.

níciu , nm: inníciu, nitza, nitzu Definitzione tretu buidu lassau apostadamente in muros grussos, mannu e artu, ischeau a tundhu, cun base a mesa luna, prus che àteru in is muros de is crésias po dhue pònnere unu santu (ma a logos narant nitzu a su naschimentu puru, comente dhu faent po ammostu)/ min. nicixedhu Sinònimos e contràrios mitzu / ttrs. inníciu Frases in is nícius de is tumbas de s'antigóriu dhoi poniant làntias e brochitus ◊ me is nícius ponint is santus in crésia ◊ sa perchighedha pariat un'ispétzia de nitzu ◊ sos santos totus parent a momentu de si ndhe bolare dae sa nitza Ètimu spn. Tradutziones Frantzesu niche Ingresu niche Ispagnolu nicho Italianu nìcchia Tedescu Nische.

Nicolàu , nm Definitzione númene de ómine (f. Nicolava).

Nicolínu , nm Definitzione númene de ómine (f. -a).

Nicolòsa , nf Definitzione númene de fémina.