A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

podhipódhi podhibódhi

pódhiri pódhi

podhixàda podhicàda

podhixédhu , nm: poixedhu Definitzione min. de pódhixi, nadu fintzas in su sensu de pagu, paghitzedhu (cosa e fintzas tempus) Sinònimos e contràrios pimpirida, podhicada 2. apustis de unu podhixedhu chi fiat crocau si ndi est pesau.

pódhixi , nm Definitzione su pódhighe mannu de sa manu; un'apenas de cosa, unu tanti pigau cun sa punta de duos o tres pódhighes: podhixedhu si narat fintzes po iscutighedha, apenas de ora Sinònimos e contràrios didumannu, podhichemannu / gradixedhu, iscuta, pachitzedhu, talighedhu, tanchixedhu, podhicada 2. poboritu, mancu unu pódhixi de sabi in conca portat! ◊ seus che is mobentis in sa moba, girendu po unu podhixedhu de farra! ◊ dhi domandu de tenni unu podhixedhu de passiéntzia 3. mi setzu unu podhixedhu, no m'istentu ◊ aspetit unu podhixedhu! ◊ lassaminci essiri unu podhixedhu a foras! Tradutziones Frantzesu assez peu, petit peu Ingresu not much Ispagnolu poquito Italianu pochino Tedescu Daumen, ein bißchen.

podhòla , nf Definitzione giuncu bonu po fàere iscartedhas Ètimu srd.

podhoràre , vrb Definitzione bogare suore, podhore, nau de sa carena, de sa pedhe Sinònimos e contràrios impodhorare, inciorai, suderare Ètimu srd. Tradutziones Frantzesu transpirer Ingresu to sweat Ispagnolu transpirar Italianu traspirare Tedescu schwitzen, ausbrechen, transpirieren.

podhòre , nm Definitzione genia de umidedhu chi sumit in sa pedhe coment'e suoredhu minudu, finevine, de fàere sa carre unu pagu pigulosa Sinònimos e contràrios sori Ètimu srd. Tradutziones Frantzesu moiteur Ingresu perspiration Ispagnolu mador Italianu madóre Tedescu leichter Schweiß.

podhòre 1 , nm Definitzione farra fine fine, pruinedhu.

podhósu , agt Definitzione chi portat podha; chi apicigat che podha impastada a modhe (ma si narat fintzes de gente ifadosa chi istat a tropu aifatu de àtere, o chi si dha pigat tropu abbellabbellu) Sinònimos e contràrios apodhosu, podhincu, trebilatzu / adasiau, immajonadu 2. s'ora passat podhosa e sena piedadi po chini no aspetat prus nudha ◊ aici podhosu ses, candu fuedhas?! ◊ su mustu est podhosu e fragat de atesu Ètimu srd. Tradutziones Frantzesu gluant, poisseux, collant Ingresu sticky Ispagnolu glutinoso, pegajoso Italianu glutinóso, appiccicóso Tedescu klebrig, aufdringlich, lästig.

pòdi pòdere

pódidu , pps: pódiu, póssiu, pótidu, pótiu, pótzidu, pótziu Definitzione de pòdere (a/c. candho custu vrb. serbit a cambiare su significau de àteros vrb., s'aus. est cussu de custos àteros, in is tempos cumpostos) Sinònimos e contràrios póitu Frases chie b'at pótidu triballare, cun cussa die mala?!…◊ a su chi apu pótziu cumprendi, si est inténdiu mali domíniga ◊ un'ómini aici isceti sorri mia dh'at pótziu aguantai! (A.Garau)◊ no apu pótziu agatai froris ◊ dh'iat a èssi pótziu benni s'antrecoru ◊ no fut pótziu lòmpere a bidha ◊ chi fiat istétia una cosa iscípia, fiaus pótzius andai ◊ no seus pótzius benni Tradutziones Frantzesu pu Ingresu been able Ispagnolu podido Italianu potuto Tedescu gekonnt, gedurft.

pòdiri pòdere

pódiu pódidu

poèma , nm Definitzione òpera manna de poesia chi contat un'istória Frases de poemas in sardu podeus contai Su triunfu d'Eleonora de Franciscu Dore, Amsícora de S. Lay Deidda, Càntigu subra s'istória de Antoni Loy, e àteros.

poesía , nf Definitzione arte, manera bella e praghillosa de foedhare e de iscríere; genia de cumponimentu fatu cun cust'arte (e su prus de is bortas, ma pruschetotu unu tempus, fatu cun critérios de métrica e de rima) Sinònimos e contràrios cantone Maneras de nàrrere csn: cantare a p. = cantare imbentendhe sas pesadas (otadas, batorinas, duinas, curbas); poesia o cantone in malu = posta pro nàrrere male de carchi cosa e de calicunu, a innóriu Frases a is garas poéticas acurriat e acurrit sa genti a trupas donendi aici prova de su grandu amori po sa poesia ◊ cantu t'intendhes de sa poesia gai bufes licore, abba e binu! (Còntene) Tradutziones Frantzesu poésie Ingresu poem Ispagnolu poesía Italianu poesìa Tedescu Poesie, Dichtung, Gedicht.

poesiàre , vrb Definitzione cantare, iscríere a poesia, a cantone.

poéstu , nm: puestu Definitzione postu, unu logu, posidura de logu Sinònimos e contràrios locu 1, paragi Ètimu spn. puesto.

poèta , nm: poete Definitzione chie tenet su donu de sa poesia e si pentzat, iscriet o cantat a poesia / min. poetedhu, poetighedhu (mescamente a disprétziu) Sinònimos e contràrios cantadore Frases isse est poeta e bi at cantadu in isposos, batiares, tundhinzos e in tzilleris ◊ su poeta est sempri una persona de grandu coru ◊ su andhare a cantare no est richesa, ma su chi cantat za cheret poeta! (Piras) Sambenados e Provèrbios smb: Poeta, Poete Tradutziones Frantzesu poète Ingresu poet Ispagnolu poeta Italianu poèta Tedescu Dichter.

poetài, poetàre , vrb Definitzione pentzare e iscríere o cantare a poesia Frases sos poetas puru, como, poetant a malaggana, no cantant comente si tocat.