A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

privilégiu , nm: privilezu, privilléziu Definitzione cosa, capacidade, diritu o podere chi unu gosat a distintu, chentza chi dhu tèngiant totus o àteros Sinònimos e contràrios mandhu.

privilezàre privilegiài

privilézu privilégiu

privilleziàre privilegiài

privilléziu privilégiu

prívu , pps, agt: brivu* Definitzione de privare; chi no si podet, chi unu no podet ca si dh'ant proibbiu; chi dhi mancat o dhi ant fatu mancare calecuna cosa Sinònimos e contràrios controidu, faltu, preubbidu Frases una mitragliada l'at priva de sa bellesa sua, a sa muràglia.

prixonía prejonía

prizinía perzenía

pro po

prò , bvrb Definitzione proo, provo: ind. pres., 1ˆ p. sing. de su verbu proare Frases mi la leo in do, primedotu eo prò e comintzo sas rimas a cantare ◊ daghi ti bido in su retratu prò dolores mai in sa vida proados.

pròa , nf, nm: proba 1, probu, prou, prova, provu Definitzione cosa chi si faet po pòdere bíere si andhat bene, ite arresurtau giaet, comente essit, o fintzes fata o fata fàere apostadamente po giare a bíere calecuna cosa; fata unu pagu ispantosa, chi arrechedit coràgiu meda, capacidades mannas Sinònimos e contràrios iscumbata, isperimentu / balentia, proesa Maneras de nàrrere csn: a proas, a brintzis proas = a probia, a bínchidas, a trivas de pari; èssere a proa a… = èssiri acanta a…, apunta a…, aproba, bi cheret pagu a…; a prou, a probu = cun proa, apustis proadu; bogai a faci de proa = pònnere duos apare pro iscumbatare sa beridade; fàghere proa = balentia, cosa ispantosa Frases oe so forte che a primoria, mancari betzu: ndhe apo dadu prou ◊ ti ponzo a su prou, andhe chi mi as postu sa marrania! ◊ custu mi atzertat comente (e mi das giustu prou) chi ancora su coro tou de su passadu est dolente (G.Masala)◊ custu libbru deviat èssere coment'e unu provu ◊ cheret fatu sa proa a bídere comente essit custu triballu 2. arratza de proa chi at fatu!…◊ za l'as fata sa proa a ti che ispèrdere su chi tenias!…◊ méritu e prou pro àere fatu cussa crésia in parte est de su preíderu ◊ bido chi ses fatendhe pagu proa e tantu no bi arrivis a s'intentu! 3. cussa pedra fit a prova a si che la leare un'àteru ◊ sa missa est a proa a intrare ◊ candho cudha fit a proa de palturire ant cramadu zente ◊ s'istajone de sas abbas fit a prova (G.Maieli)◊ babbu mi at fatu de mastru a totu prou ◊ totu faghiant a brintzis proas pro carrare rena e pedra (G.Ruju)◊ est a proa a mesudie ◊ is amigas faiant a proa de pari po si ndi furai s'isposa Ètimu srd. Tradutziones Frantzesu preuve Ingresu proof, test, try Ispagnolu pruba, demostración Italianu pròva, dimostrazióne Tedescu Probe, Beweis.

pròa 1 piòa

proadítzu , agt Definitzione chi est de prova, in prova, provandho Frases candho fit essida sa televisione, sas primas trasmissiones fint proaditzas.

proadórzu , nm Definitzione su provare, cosa de provare Sinònimos e contràrios cumproa, iscumbata, proadura Ètimu srd.

proadúra , nf Definitzione su provare, nau fintzes de sa manera de fàere e de sa cosa chi si provat puru Sinònimos e contràrios cumproa, iscumbata, proadorzu, proamentu 2. coghindhe su pane mi daiant sa proadura a mandhigare Ètimu srd.

proài , vrb: proare, probare, progare, provai, provare Definitzione fàere calecuna cosa po bíere comente essit, si andhat bene o àteru, po iscumbatare e averguare calecuna cosa, po àere sa cunfirma de una duda; sentire calecuna cosa in sa carena o in s'ànimu; fortzare, pònnere cosa a isfortzu Maneras de nàrrere csn: provai a + vrb. = fàghere una cosa a meda, a mal'istropiadura, a tropu; proare sas fortzas = fàghere irfortzu mannu a cantu si podet, fagher fàghere irfortzu Frases aite no ti proas a fàghere cussu, ca bides sa música?!…◊ totu sa genti provàt a bocí su mostru ma nudha! ◊ ajó, prova tui, immui, a fai sa firma bèni! ◊ ant fintzas provau a tocai is bòis de istrumbu, ma no boliant prus andai ◊ a su proa proa, amus fatu, fatu, fintzas a candho bi semus revéntidos ◊ bonu za paret: proadu ebbia cheret! ◊ chie no lu progat no bi credet 2. bos ant proadu s'imbrollu: ite bregunza in cudhos logos chi l'ant a ischire! ◊ sa die chi mi provas un'ingannu tènemi pro malignu e traitore ◊ pro isperiéntzia tenimus proadu chi si morit de dogni atzidente ◊ chie creet - at nadu Cristos - mi lu proat faghindhe su chi deo li apo nadu ◊ nara si unu símile difetu in custu modu proadu mi as mai! 4. no ti dha provis meda, sa conca, no ti noxat!… 5. ant provau a ndi ghetai, de sali!…◊ ant provau a ndi papai: agiummai no ndi lassant! Ètimu ltn. probare Tradutziones Frantzesu prouver, démontrer Ingresu to prove Ispagnolu probar, comprobar Italianu provare, testare, comprovare Tedescu probieren, ausprobieren, prüfen, fühlen, empfinden, beweisen.

proaméntu , nm Definitzione su provare Sinònimos e contràrios cumproa, iscumbata, proadorzu, proadura Ètimu srd.

proànsulu, proàntzigu, proàntzu, proàntzulu , agt Definitzione nau de ccn., chi totu istat provandho, tocandho, a bíere, fintzes giaendho ifadu, ponendho marrania, atzitzandho s'àteru Sinònimos e contràrios fustigheri, pruaxu / provocheri Frases frade meu fit su proàntzigu ◊ una tropa de pitzinnos proàntzulos aiat dimandhau a tziu Tilipu si Gramsci diat èssere istau cuntentu de cussas cosas (G.Brocca)◊ sas piús proànsulas cheriant abbèrrere s'iscàtula a bídere ite bi aiat Ètimu srd. Tradutziones Frantzesu très curieux Ingresu nosy Ispagnolu curioso, fisgón Italianu curiosóne Tedescu sehr neugierig.

proàre proài

pròba , avb, prep: aproba, probe, probi, próbiu, prope, propes, prove Definitzione a pagu tretu, a pagu tempus, nau fintzes in su sensu de andhare bene a fàere ccn. cosa / a probe de, a p. a… = acanta de, acanta a…; a propes tuo, suo = acurtzu tou, sou, acanta tua, sua; a prope = luego, a presse Sinònimos e contràrios acanta, acultu, afaca | ctr. atesu Frases già est a prope, a umbe ses annanne!…◊ sa lampanedha de cussa creadura est mori mori, che sa luna chin s'istedhu a prope ◊ tres ómines fint ritzos a propes suo ◊ - Candho naschit su pitzinnu? - A prope! 2. sa gara poética fit a proba a incomintzare ◊ est probe a su fossu ◊ passemus gai probe a su cuzone de sa gula pecados intendhendhe giustos a meressida passione (P.Casu)◊ cussa est sa piús probe a nois ◊ fia a prope a ndhe pèrdere su podere ◊ est bolau in artu a probi de su soli ◊ che los at rimunidos a propes suo Ètimu ltn. prope Tradutziones Frantzesu tout près, près de Ingresu near Ispagnolu cerca Italianu vicino Tedescu nahe, dabei, daneben, nah, nebenan, Nachbar.