A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

sfloradòri , nm Definitzione chie a poderiu o a imbovadura guastat sa verginidade de una fémina contr'a sa volontade sua Sinònimos e contràrios sbuzarreri Tradutziones Frantzesu violeur Ingresu rapist Ispagnolu violador Italianu stupratóre Tedescu Vergewaltiger.

sfloradúra , nf Definitzione su sflorai Sinònimos e contràrios sfloramentu Ètimu srd.

sflorài , vrb Definitzione segare o iscutulare su frore a tropu chi portat una mata; nau de fémina, guastare sa verginidade sua Sinònimos e contràrios sciortari, spisedhai Tradutziones Frantzesu déflorer Ingresu to deflower Ispagnolu desflorar Italianu deflorare Tedescu deflorieren.

sfloraméntu , nm Definitzione su sflorai Ètimu srd. Tradutziones Frantzesu défloration Ingresu defloration Ispagnolu desfloración, estupro Italianu deflorazióne, stupro Tedescu Defloration, Vergewaltigung.

sfloríri , vrb: irfiorire*, sfroriri Definitzione nau de is matas, pèrdere su frore, lassare andhare frore, iscutulare frore seberandho su frutu, fintzes (nau de erba) fàere sa candhelita po frorire Tradutziones Frantzesu défleurir Ingresu to deflower Ispagnolu deshojarse Italianu sfiorire Tedescu verblühen.

sfodhài , vrb Definitzione nau de frutuàriu chi portat corgiolu forte e matza modhe, ispigiolare, istacare su fodhone; crepare, istrecare Sinònimos e contràrios sfodhonai / isciasciai, sciodhai 2. Mundicu circat su cuili de su lèpuri e dhu sfodhat a iscofadas de pei ◊ at totu sfodhau sa màchina ca nc'est essiu foras de istrada Ètimu srd.

sfodhinàe , vrb Definitzione bogare su tzintziedhu, illimpiare de su tzintziedhu (fodhine) sa giminera.

sfodhinài , vrb Definitzione bogare su pódhine, sedatzandho sa farra Sinònimos e contràrios grangiai, ingrangiai, irghilinzonare, sgrangiai Frases sa símbua si sfódhinat e si passat in su cilíriu Ètimu srd.

sfodhonài , vrb Sinònimos e contràrios sfodhai Ètimu srd.

sfogadróxu , nm Definitzione apertura chi si faet po giare isfogu Ètimu srd. Tradutziones Frantzesu évent Ingresu vent Ispagnolu respiradero Italianu sfogatóio Tedescu Abzug.

sfogài , vrb: irfocare* Definitzione iscapare o lassare andhare, essire de calecuna cosa coment'e impedia, traténnia a fortza (dolore, maladia, arrennegu o àteru), nau fintzes in su sensu de àere illébiu Sinònimos e contràrios sciogai.

sfogaméntu , nm Sinònimos e contràrios ifogu, irfocadura, sciogu Ètimu srd.

sfoghigiài , vrb Definitzione coment'e pigare fogu, èssere abbruxandho Sinònimos e contràrios afocazare, brugiare, scallentai 2. sa Sardigna est dogna istadi sa própiu cosa, sfoghigiada Ètimu srd. Tradutziones Frantzesu brûler, prendre feu Ingresu to revive Ispagnolu quemar Italianu rinfocolarsi Tedescu sich wieder erhitzen.

sfogonàda , nf: irfogonada* Definitzione prus che àteru, manera de fàere a mal'istropiadura, a esageratzione, a tropu / allegai a s. = istare faedhendhe chentza contu e chentza cabu, a dortu e a rugadis.

sfogonàu , agt Definitzione nau de ccn., chi est malammodidu in su fàere, chi faendho no tenet régula, crabbu Sinònimos e contràrios illacadu, ilmodidu, malammodidu, scumpudiu Ètimu srd.

sfógu , nm: ifogu* Sinònimos e contràrios irfocadura, sciogu, sfogamentu.

sfolladúra , nf: irfozadura* Definitzione su sfollai, su istacare o pèrdere sa fògia (foedhandho de matas) Sinònimos e contràrios sfollamentu.

sfollài sciollài

sfollaméntu , nm: isciollamentu Definitzione su sfollai de su matedu, sa pérdia de sa fògia Sinònimos e contràrios sfolladura Ètimu srd. Tradutziones Frantzesu effeuillage Ingresu defoliation Ispagnolu deshojadura Italianu defoliazióne Tedescu Blätterfall.

sfollaméntu 1 , nm: irfollamentu* Frases in tempus de guerra nc'est istétiu su sfollamentu de is citadis.