stressiài , vrb: istressai*,
strissiai Definitzione
furriare, cambiare caminu, pigare àtera filada
Sinònimos e contràrios
cansai 1,
irvertzare,
smasciai
Frases
dhu depiant pigai a s'origa a usu de bòis a dhu fai strissiai a crésia!
Tradutziones
Frantzesu
tourner
Ingresu
to turn
Ispagnolu
doblar,
girar
Italianu
svoltare
Tedescu
einbiegen.
stressiàra stressiàda
stressinài , vrb Definitzione bogare foras de tressas, segare Sinònimos e contràrios sciusciai, steressai Ètimu srd.
stresúa, stresúra strasúra
streulàda , nf: streullada Definitzione su streulai; in cobertantza, briga, carraxu, cosa betada apare chentza órdine Sinònimos e contràrios acanarjada, bria, strulliada / cdh. stribbiata 2. mi seu abarrada morta e frida candu si at fatu cussa streulada! (A.Garau) Ètimu srd.
streulài, streullài , vrb: istriulare* Definitzione betare o pònnere a s'afaiu, chentza régula, coment'e treulandho; mòvere o giagarare, giare un'istriulada, carda, múngia, giare una briga Sinònimos e contràrios trauai / abbatussiare, abbuligiai 1, avalotai, sciambullai, spampasullai, trumbugliai / salargiare / ammunzare, certai 2. dónnia borta chi beniat mairu miu, cussa abarràt totu su mengianu fichia in domu: ma gei mi dh'apu streulada! ◊ toca, no dhu streúllisti ca ge at agiudau!◊ dónnia noti andat unu sirboni a streulai s'àcua in sa mitza.
strevulléri , agt, nm Definitzione chi o chie stravúlliat sa cosa, dha perdimentat Sinònimos e contràrios isperditziau, istrubberi, spalditziadori Frases no bastat ca est una fémina strevullera, ma est fitziosa puru! (L.Serpi) Ètimu srd.
strexàju , nm Definitzione
maistu chi faet e trebballat terràglia, istrègios de terra, ma fintzes chi faet istrégiu de àtera cosa (es. de fenu)
Sinònimos e contràrios
brochinarzu,
congiobraxu,
istelzajolu
Frases
santus a marolla no pretendas fai, no ti movas mai che arroda de strexaju!
Terminologia iscientìfica
prf
Ètimu
srd.
Tradutziones
Frantzesu
céramiste
Ingresu
potter
Ispagnolu
ceramista
Italianu
ceramista,
stovigliàio
Tedescu
Keramiker,
Töpfer.
strèxi strègiri
strexidúra , nf Definitzione
su istrèxiri
Sinònimos e contràrios
frobbida,
frobbidura,
frobbinzu,
streximentu
Ètimu
srd.
Tradutziones
Frantzesu
essuyage
Ingresu
cleansing
Ispagnolu
secado,
limpieza
Italianu
astersióne
Tedescu
Abtrocknen.
streximéntu , nm Sinònimos e contràrios strexidura Ètimu srd.
strèxiri strègiri
stréxiu strégiu 1
stréxu stérgiu
stría , nf: iltria* Definitzione pigione chi essit addenote: candho e ue cantat nanca sucedit dannu; a disprétziu si narat de fémina Frases sa stria tzúnchiat cun arretumbus de campana mala 2. at cumentzau a curri tzerriendu agitóriu e cudha stria avatu! Terminologia iscientìfica pzn, tyto alba ernesti.
striaméntu , nm Definitzione maladia (tirisia) chi benit, comente credent unos cantu, a chie dhi ant fatu istrigadura, o dh'ant pitzigau de ogu Frases bai e circa ita brusceria at a èssiri: is brèminis, dolori de costau, ogu liau o striamentu?! Ètimu srd.
striàu , agt: istriadu* Definitzione
chi est malàidu de tirisia
Sinònimos e contràrios
atasurau,
tirisiau
Tradutziones
Frantzesu
ictérique
Ingresu
jaundiced
Ispagnolu
ictérico
Italianu
ittèrico
Tedescu
gelbsüchtig.
strichédhu strechédhu
strichibidhàtzu, strichibudhàtzu , nm: strichimidhassu, strichimidhatzu, strinchibidhatzu Definitzione genia de aina, prus che àteru coriosa e nau fintzes in cobertantza; númene po una css. cosa candho su númene giustu no benit luego a mente foedhandho Sinònimos e contràrios aímine, aina, algumignu / itadhinanta Frases chi no fait a bonu, su piciochedhu, as a bí ca gei mi dhu tocu de strichibidhatzu, dèu! ◊ ndi portat de strichimidhatzus, cussa piciochedha!…
strichidhàda , nf Sinònimos e contràrios istidhiada, paspiada Frases sa pobidha pigat s'ampudhita de s'acuasanta e ndi fait una strichidhada a su letu Ètimu srd.