A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

abbrentàre abbentràre

abbrentatòre , nm Definition chie andhat a pàschere bestiàmene Sentences issu fachiat s'abbrentatore: picait su bestiàmene e lu zuchiat a pàschere Etymon srd.

abbrentedhàre , vrb Definition fàere a brentedha, totu bentre, a bentre manna Sentences is agnones, in annadas chi is brebès no bugiant late, papaiant cosa dae chentza su tempus, no dh'immartiant, si abbrentedhaiant e ne pigaiant su male de su fenu Etymon srd.

abbrentedhàu , pps, agt Definition de abbrentedhare; chi est bentre manna Synonyms e antonyms bentrudu matimannu Etymon srd.

abbrenticoràu , agt Definition its, atuturighedhadu? Sentences cada impudhile fint bénnios e ca s'àstragu fit a una piza curriant a marrare abbrenticoraos pro su fritu.

abbrenticosàu , agt Definition tzatzau, chi at papau meda, tropu; chi est ufrau a bentre po maladia Synonyms e antonyms abbrentosicau Sentences fit a tzaculitos e acriores, abbrenticosau 2. Zesús at picau cudhu abbrenticosau, l'at sanau e l'at dispatzau Etymon srd.

abbrentischedhàdu , agt Definition ufrau in bentre Synonyms e antonyms abbrentosichedhadu, abbusciotau Etymon srd.

abbrentosicàda , nf Definition una papada manna, de cosa meda Synonyms e antonyms abbentrada, afraschedhada, atatamacada, sassada Etymon srd. Translations French gueuleton English bellyful Spanish comilona Italian abbuffata German Völlerei.

abbrentosicàre , vrb Definition papare a meda, fàere una papada manna, fàere sa bente che a unu brentósicu; arribbiri, prènnere sa bentre Synonyms e antonyms abbentrare, abberchedhare, abbidhiai, abbrentusinare, abbudagare, abbuselcare, abbuzare, afraschedhare, atatamacare, imbrentai, sgagliubbai 2. so colau a butecaria a pedire purgativos pro su cabadhu, ca s'est abbrentosicau Etymon srd. Translations French faire un plat English to gut Spanish atiborrarse, tragar Italian spanciare German sich vollessen.

abbrentosicàu , pps Definition de abbrentosicare Synonyms e antonyms abbrenticosau.

abbrentosichedhàda , nf Synonyms e antonyms abbentrada, abbrentosicada, abburbudhu, afraschedhada, atatamacada, atatina Etymon srd.

abbrentosichedhàre , vrb Synonyms e antonyms abbrentosicare.

abbréntu , nm Definition papada de cosa meda de prènnere bene e tropu puru sa bentre / dàresi un'a. de chistione = fàghere una bella chistionada Synonyms e antonyms abbentrada, abbuzada, atatada, atatina, imporrada, irbentrada, sassada Sentences si at fatu un'abbrentu de patata ◊ cussu teniat sa gana de chimbe e s’abbrentu de duas pessones ◊ tocat de agguantare sa gana e s’abbrentru!◊ che at furadu sa robba anzena pro un'abbrentu! 2. cudhos s’ant dau un'abbrentu de chistione Etymon srd. Translations French se gaver English blow-out Spanish atracón, panzada Italian scorpacciata German übermäßige Esserei.

abbrentuscedhàre , vrb Definition pònnere bentre, fàere bentre manna.

abbrentusinàre , vrb Synonyms e antonyms abbrentosicare.

abbrentuxài , vrb Definition prnl., cicire cun is cambas istiradas e su dossu unu pagu betau a desegus o a una bandha, in manera pagu séria Synonyms e antonyms istrasiare.

abbrèschere , vrb: arbesce, arbèscere, arbèschede, abrèschere, arbesci, albèschere, arbèschere, arbèssere, alvèschere, arvèschere, arvèssere, avèschere 1, avrèschere, avrèssere Definition cumenciare a fàere lughe, a fàere die; naschire de ccn. cosa / arveschendhe a… = intro de note ma a parte de pudhiles de sa die noa Synonyms e antonyms albeschire, alburiai, grinare, illuchèschere, illughintinare, intrabatzinare, ispalèschere, ispanescare, ispanigai, obbrèsciri / nàschere | ctr. iscorigai, murinai Sentences dai s'alvèschere a serentina istaiat filendhe ◊ est avreschendhe die ◊ chi cras ti avescat cudha die santa! ◊ a su cringone li arvesset die mala! ◊ semus arribbaos a campu sena arbèschere ◊ sa pubidha trabballat che un'ómini dae candho arbescet a candho iscurigat 2. prego pro chi avescat ateruna vida a fizos mios Etymon ltn. albescere Translations French faire jour English to dawn Spanish amanecer Italian albeggiare German tagen, grauen.

abbréschida , nf: albéschida, alvéschita, arbéschia, arbéschida, arbéscia, arvéschida, avéschida, avréschida Definition sa fata de sa die, candho cumènciat a fàere lughe su mengianu, abbreschendho / ctr. a s'iscurigada Synonyms e antonyms abbreschidorza, abburiadroxu, albore, arborinu, chentales, ispanigada, nea, obbréscida, postarva, scampiadórgiu, spanigadroxu | ctr. ingalu, interinada, intríchinu, iscurigantina, murriadrosu Sentences tandho sa vida fit un'avréschida: ma como sa die est finida! ◊ a s'avréschida sa lughe nos dat una die noa Scientific Terminology sdi Etymon srd. Translations French aube English dawn Spanish alba, amanecer Italian alba German Tagesanbruch, Morgengrauen.

abbreschidórgiu, abbreschidòrza, abbreschidórzu , nm, nf: abbressidorzu, albeschidolza, albeschidolzu, albeschidorza, albeschidorzu, albescidólgiu, albescidórgiu, arbeschidorju, arbeschidorza, arbeschidorzu, arbissidórgiu, arveschidorza, arvescidórgiu, avreschidorju Definition s'ora chi cumènciat a fàere die, su mengianu chitzo / a s'arvescidórgiu = ante paxi e luxi, abbreschindhe, faghindhe die Synonyms e antonyms abbréschida, albore, alboriadórgiu, chentales, nea, obrescidórgiu, scampiadórgiu, spanigadroxu | ctr. ingalu, interinada, intríchinu, murriadrosu Sentences sa cosa de papae dha preparant a s'abbreschidorza prima de tzucae a campu ◊ fit a s'ora de albeschidorza ◊ ibbabbu s'est isérghiu in su caminu longu de s'avreschidorju ◊ sa gara cun Tucone e Piras agabbaiat a s'arveschidorza (P.Pillonca)◊ seo andhau s'incràs a mengianu a s'abbreschidórgiu Scientific Terminology sdi Etymon srd. Translations French aube English dawn Spanish alba, amanecer Italian alba German Tagesanbruch, Morgengrauen.

abbréschidu , pps: arvéssiu Definition de abbrèschere Synonyms e antonyms illuchéschiu, orbésciu | ctr. iscuricau Sentences est abbréschidu, at abbréschidu.