A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

frazéllu flagéllu

frazía farzía

frazicadúra , nf Definition su si frazigare, su si guastare o pudrigare; cosa fràziga, purdigada Synonyms e antonyms frazigamentu, prudicadura / frazigúmene Etymon srd. Translations French pourrissement, détérioration English rotting Spanish pudrimiento, podredumbre Italian infracidiménto German Faulen.

frazicàmene , nm Definition cosa totu fràziga, guasta Synonyms e antonyms frazigúmene Etymon srd.

frazicàre , vrb: frazigare Definition su essire pudrigau, fràzigu, nau de unas cantu cosas lassadas a tropu tempus; foedhandho cun arrennegu, abbarrare, istare a tropu e sentza de motivu sentza de fàere nudha candho unu serbit puru, o fintzes iscúdere de mala manera, apodhare iscudendho Synonyms e antonyms abburdèschere, apudrigare, guastai Sentences sa mela l'at chérfida arribbare ma si est frazigada ◊ si pioet candho su fenu est prontu, lu fràzigat totu ◊ cussa est un'ispina mala a frazigare 2. ti che ses frazigadu tota die in su tzilleri, ca tantu no ndhe tenias cosas de fàghere!…◊ pro cussu e pro cussu, menzus fràzigadi in domo! 3. sas gheleas fràzicant su mundhu de malidade 4. si lu torras a tocare ti fràzico a su muru: ti l'imparo eo a ti pònnere chin sos piús minores! Surnames and Proverbs prb: abba currente no fràzigat bentre Etymon srd. Translations French pourrir English to rot Spanish podrir Italian infracidire German faulen.

frazicàu , pps, agt: frazigadu Definition de frazicare; chi est totu fràzigu, pudrigau; chi istat firmu Synonyms e antonyms fràzicu, pordiau / asseliadu, assentuladu 2. s'elva fit tota frazigada 3. colaiant sa zorronata in créjia invetzes de istare frazicatas in domo.

frazichía , nf Definition cosa fràziga, pudrigada Synonyms e antonyms frazicore, frazigúmene.

frazicòre , nm Definition frazigúmene, nau fintzes solu in su sensu de dannu, disastru Synonyms e antonyms frazigúmene Sentences cussu beranu, a dispetu de sos frazicores de sa gherra, pariat prus craru e amorosu de sos àteros Etymon srd.

fràzicu , agt, nm: fràzigu Definition nau mescamente de cosas de papare, erbas o linnas, chi est guastu, pudrigau de no aguantare; foedhandho cun tzacu, fatu, chistione Synonyms e antonyms frazigadu, marcitau, pordiau / cdh. fràcicu Idioms csn: casu fràzigu = casu martzu, fatu; ista fràzigu! = abarra firmu!; iscúdere che fràzicu = iscúdere a mal'istropiadura Sentences chi siat perfetu in sestu forsi no bi at cristianu: si un'aizu at de sanu, est fràzigu su restu ◊ s'aradu de ferru est totu fràzigu de ruinzu ◊ so che a su frutu fràzicu, chi tenet su colore bellu a fora ◊ muru chi sustenet trae no est fràzigu ne sortu ◊ bi at frommija chi faghet su nidu in sa linna fràziga 2. ma a ti cheres fàghere sos fràzigos tuos?!…◊ lu depet àere iscutu male: su carrale iscudet che fràzicu! Etymon itl. fràcico Translations French pourri, putrescent English rotten, rotting Spanish podrido Italian putrefatto, màrcio, putrescènte German faul.

frazigàdu frazicàu

frazigadúra frazicadúra

frazigaméntu , nm Definition su si pudrigare, su essire mantzau foedhandho de ossu, pruschetotu de dentes) Synonyms e antonyms frazicadura / nenciadura Scientific Terminology mld Etymon srd. Translations French carie English bony decay Spanish caries (f) Italian càrie òssea German Knochenfraß, Karies.

frazigàre frazicàre

frazigòne , agt, nm Definition chi o chie est sugetu meda a si immalaidare Synonyms e antonyms maladióngiu | ctr. sanu Etymon srd.

fràzigu fràzicu

frazigúmene, frazigúmini, frazigúmu , nm Definition cosa fràziga, pudrigada Synonyms e antonyms frazichia, frazicore, prudicatone / cdh. fracicúmini, fracicumu Sentences su carru si est falendhe totu a frazigúmene, irbandhonadu, fora ◊ sa foza si prúdigat e finit totu a frazigúmine Etymon srd. Translations French pourriture English putrefaction Spanish podredumbre Italian marciume, putridume German Fäule.

fràzu , nm, agt Definition su bènnere mancu de sa cosa posta a fàere una faina, trebballu, isfortzu, e fintzes su pentzare cun dispraxere a calecuna cosa chi no andhat bene; chi est frazadu Synonyms e antonyms consumu / dispiachere, impudu Sentences restant de afidare luego, cun pagu frazu, ca, tantu, sa picioca puru est chena parentes ◊ bi ant fatu abbusos, frazos, dannos ◊ làssala inoghe a manigare, a fiza tua, no tet èssere su frazu de!… 2. bestit frazu e lutuosu mantu Surnames and Proverbs prb: male cuadu, frazu de pubidha Etymon srd. Translations French usure, souci English wearing out, grief Spanish desgaste, disgusto Italian logorìo, crùccio German Abnutzung, Kummer.

frè, frèa , nf: frebba, frebbe, frei Definition calidesa de corpus prus arta, budhiore chi ponet a unu malàidu po calecunu infetu; alluscadura de s'ómine po sa fémina o de custa po s'ómine; maladia, cosa mala meda, de tímere / frebbas martesas, frebbes maltas = callentura po infetu de brucellosi Synonyms e antonyms caentura, caglientura Idioms csn: intrada de frebba = arrebatu, afracada de callentura; callentura de frebba = frebbita, sinnale chi bi at carchi maladia; frebba sighida = callentura chi no bollit passai; frebba de intrare su late = callenturedha chi ponit a sa partera candu cumentzat a portai lati meda; frebba de tres dies = de malària; laras de frebba = laras sicas, trapadas de sa frebba; cúrrere sos cadhos de sa frebba = èssere a irbariones de sa frebba arta; èssere che bràsias de fogu de sa frebba = portai callentura forti; tímere che frea, a freas = meda Sentences sa frebba ponet, intrat, abbàssiat, essit ◊ prite, nara, dae die in die consumindhe ti ses a frebba lena? (A.Paba)◊ tenes calura ca sa frebba ti est essindhe ◊ li fit fachendhe zocos su binu o li fit ponendhe frebbe? ◊ sa frebba mi est allumendhe!◊ cussu ti curat dogna frei 2. est Lucífera o Callina sa chi ti ponit sa frei? ◊ custas sunt frebbes de amore! 3. cussos fint malos, timidos che frea ◊ a cussus dhus timu a frea! ◊ fit intrendhe unu zerru malu meda e lu fint timindhe che frea ◊ bos curat de dogna frei cun prodígius soberanus ◊ ses pianghendhe pro sa frea de su benidore (G.Sconamila) Etymon ltn., itl. febre(m), febbra Translations French fièvre English temperature Spanish fiebre Italian fèbbre German Fieber.

frèa 1 , nf Synonyms e antonyms beca 1, tíngiu Sentences si corco in letu o mi setzo mi sero su manighinzu de custa frea Translations French teigne English tinea Spanish tiña Italian tigna German Grind.

freàdu , nm: freatu Definition pigighedhu de carre morta chi si ndhe istacat de sa pedhe Synonyms e antonyms atiza, atògia, cadassa, crosta, muga, pagiagoda, solla, tizola / iscatadura.