A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

frazéllu flagéllu

frazía farzía

frazicadúra , nf Definizione su si frazigare, su si guastare o pudrigare; cosa fràziga, purdigada Sinonimi e contrari frazigamentu, prudicadura / frazigúmene Etimo srd. Traduzioni Francese pourrissement, détérioration Inglese rotting Spagnolo pudrimiento, podredumbre Italiano infracidiménto Tedesco Faulen.

frazicàmene , nm Definizione cosa totu fràziga, guasta Sinonimi e contrari frazigúmene Etimo srd.

frazicàre , vrb: frazigare Definizione su essire pudrigau, fràzigu, nau de unas cantu cosas lassadas a tropu tempus; foedhandho cun arrennegu, abbarrare, istare a tropu e sentza de motivu sentza de fàere nudha candho unu serbit puru, o fintzes iscúdere de mala manera, apodhare iscudendho Sinonimi e contrari abburdèschere, apudrigare, guastai Frasi sa mela l'at chérfida arribbare ma si est frazigada ◊ si pioet candho su fenu est prontu, lu fràzigat totu ◊ cussa est un'ispina mala a frazigare 2. ti che ses frazigadu tota die in su tzilleri, ca tantu no ndhe tenias cosas de fàghere!…◊ pro cussu e pro cussu, menzus fràzigadi in domo! 3. sas gheleas fràzicant su mundhu de malidade 4. si lu torras a tocare ti fràzico a su muru: ti l'imparo eo a ti pònnere chin sos piús minores! Cognomi e Proverbi prb: abba currente no fràzigat bentre Etimo srd. Traduzioni Francese pourrir Inglese to rot Spagnolo podrir Italiano infracidire Tedesco faulen.

frazicàu , pps, agt: frazigadu Definizione de frazicare; chi est totu fràzigu, pudrigau; chi istat firmu Sinonimi e contrari fràzicu, pordiau / asseliadu, assentuladu 2. s'elva fit tota frazigada 3. colaiant sa zorronata in créjia invetzes de istare frazicatas in domo.

frazichía , nf Definizione cosa fràziga, pudrigada Sinonimi e contrari frazicore, frazigúmene.

frazicòre , nm Definizione frazigúmene, nau fintzes solu in su sensu de dannu, disastru Sinonimi e contrari frazigúmene Frasi cussu beranu, a dispetu de sos frazicores de sa gherra, pariat prus craru e amorosu de sos àteros Etimo srd.

fràzicu , agt, nm: fràzigu Definizione nau mescamente de cosas de papare, erbas o linnas, chi est guastu, pudrigau de no aguantare; foedhandho cun tzacu, fatu, chistione Sinonimi e contrari frazigadu, marcitau, pordiau / cdh. fràcicu Modi di dire csn: casu fràzigu = casu martzu, fatu; ista fràzigu! = abarra firmu!; iscúdere che fràzicu = iscúdere a mal'istropiadura Frasi chi siat perfetu in sestu forsi no bi at cristianu: si un'aizu at de sanu, est fràzigu su restu ◊ s'aradu de ferru est totu fràzigu de ruinzu ◊ so che a su frutu fràzicu, chi tenet su colore bellu a fora ◊ muru chi sustenet trae no est fràzigu ne sortu ◊ bi at frommija chi faghet su nidu in sa linna fràziga 2. ma a ti cheres fàghere sos fràzigos tuos?!…◊ lu depet àere iscutu male: su carrale iscudet che fràzicu! Etimo itl. fràcico Traduzioni Francese pourri, putrescent Inglese rotten, rotting Spagnolo podrido Italiano putrefatto, màrcio, putrescènte Tedesco faul.

frazigàdu frazicàu

frazigadúra frazicadúra

frazigaméntu , nm Definizione su si pudrigare, su essire mantzau foedhandho de ossu, pruschetotu de dentes) Sinonimi e contrari frazicadura / nenciadura Terminologia scientifica mld Etimo srd. Traduzioni Francese carie Inglese bony decay Spagnolo caries (f) Italiano càrie òssea Tedesco Knochenfraß, Karies.

frazigàre frazicàre

frazigòne , agt, nm Definizione chi o chie est sugetu meda a si immalaidare Sinonimi e contrari maladióngiu | ctr. sanu Etimo srd.

fràzigu fràzicu

frazigúmene, frazigúmini, frazigúmu , nm Definizione cosa fràziga, pudrigada Sinonimi e contrari frazichia, frazicore, prudicatone / cdh. fracicúmini, fracicumu Frasi su carru si est falendhe totu a frazigúmene, irbandhonadu, fora ◊ sa foza si prúdigat e finit totu a frazigúmine Etimo srd. Traduzioni Francese pourriture Inglese putrefaction Spagnolo podredumbre Italiano marciume, putridume Tedesco Fäule.

fràzu , nm, agt Definizione su bènnere mancu de sa cosa posta a fàere una faina, trebballu, isfortzu, e fintzes su pentzare cun dispraxere a calecuna cosa chi no andhat bene; chi est frazadu Sinonimi e contrari consumu / dispiachere, impudu Frasi restant de afidare luego, cun pagu frazu, ca, tantu, sa picioca puru est chena parentes ◊ bi ant fatu abbusos, frazos, dannos ◊ làssala inoghe a manigare, a fiza tua, no tet èssere su frazu de!… 2. bestit frazu e lutuosu mantu Cognomi e Proverbi prb: male cuadu, frazu de pubidha Etimo srd. Traduzioni Francese usure, souci Inglese wearing out, grief Spagnolo desgaste, disgusto Italiano logorìo, crùccio Tedesco Abnutzung, Kummer.

frè, frèa , nf: frebba, frebbe, frei Definizione calidesa de corpus prus arta, budhiore chi ponet a unu malàidu po calecunu infetu; alluscadura de s'ómine po sa fémina o de custa po s'ómine; maladia, cosa mala meda, de tímere / frebbas martesas, frebbes maltas = callentura po infetu de brucellosi Sinonimi e contrari caentura, caglientura Modi di dire csn: intrada de frebba = arrebatu, afracada de callentura; callentura de frebba = frebbita, sinnale chi bi at carchi maladia; frebba sighida = callentura chi no bollit passai; frebba de intrare su late = callenturedha chi ponit a sa partera candu cumentzat a portai lati meda; frebba de tres dies = de malària; laras de frebba = laras sicas, trapadas de sa frebba; cúrrere sos cadhos de sa frebba = èssere a irbariones de sa frebba arta; èssere che bràsias de fogu de sa frebba = portai callentura forti; tímere che frea, a freas = meda Frasi sa frebba ponet, intrat, abbàssiat, essit ◊ prite, nara, dae die in die consumindhe ti ses a frebba lena? (A.Paba)◊ tenes calura ca sa frebba ti est essindhe ◊ li fit fachendhe zocos su binu o li fit ponendhe frebbe? ◊ sa frebba mi est allumendhe!◊ cussu ti curat dogna frei 2. est Lucífera o Callina sa chi ti ponit sa frei? ◊ custas sunt frebbes de amore! 3. cussos fint malos, timidos che frea ◊ a cussus dhus timu a frea! ◊ fit intrendhe unu zerru malu meda e lu fint timindhe che frea ◊ bos curat de dogna frei cun prodígius soberanus ◊ ses pianghendhe pro sa frea de su benidore (G.Sconamila) Etimo ltn., itl. febre(m), febbra Traduzioni Francese fièvre Inglese temperature Spagnolo fiebre Italiano fèbbre Tedesco Fieber.

frèa 1 , nf Sinonimi e contrari beca 1, tíngiu Frasi si corco in letu o mi setzo mi sero su manighinzu de custa frea Traduzioni Francese teigne Inglese tinea Spagnolo tiña Italiano tigna Tedesco Grind.

freàdu , nm: freatu Definizione pigighedhu de carre morta chi si ndhe istacat de sa pedhe Sinonimi e contrari atiza, atògia, cadassa, crosta, muga, pagiagoda, solla, tizola / iscatadura.