A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

iscaviadòre , agt Definition nau de animale mannu, chi costumat a iscaviare Etymon srd.

iscaviadúra , nf Definition su iscaviare Etymon srd.

iscaviài, iscaviàre, iscaviàri iscabiàre

iscavitzàda , nf Synonyms e antonyms bussinada, iscantargiara, iscantulada, iscavanada, istuturada, sporsugada.

iscàviu , nm: scàviu Definition su iscaviare; genia de movimentu chi si faet cun sa conca (de animale po ifadu, de gente coment’e singiale de murrúngiu, disacórdiu), o cun su bratzu o àteru, fintzes cropu de sanna / sonai a i. = sonare pro fàghere ischidu, chentza critériu, bastat de fàghere intèndhere sa zente pro carchi avisu apretosu Synonyms e antonyms iscàrtinu, pàliu / incorrada, sciamiada, sconchiada 2. non ti fúrries contras a mimi: assentadi, asseliadi, non ti pighet a iscàvios! (R.Sardella)◊ su cuadhu no si boliat pònnere a costau de pare cun is àteros, fut a iscàvios e a butígios pariat chi no teniat gana de cúrrere 3. ant sonau is campanas a iscàviu ca dhoi fut su fogu Etymon srd. Translations French saccade English click Spanish salto Italian scatto German Ruck.

iscàvu , nm: scavu Synonyms e antonyms fósciu Sentences s'iscavu po is fundhales de sa domo dh'iant fatu a pala e a picu ◊ sos manibales chin su mastru ant sichiu su traballu de iscavu de sas fundhamentas Etymon itl. Translations French creusement English excavation Spanish excavación Italian scavo German Graben.

iscavuàda , nf Definition su iscavulai, fuliare Synonyms e antonyms frundhida, fuliada Sentences no est fadendumí profetu: pitica s'iscavuada chi dhi fatzu a cussa mexina!…

iscavuladòre , nm Definition chie andhat a si arregòllere castàngia a iscàvulu, de sa chi ant coigiau (iscavulau) candho che dh'ant arregorta is meres Synonyms e antonyms ispicadore.

iscavulài, iscavulàre , vrb: scabulai Definition fuliare a una parte, lassare istare, fintzes betare (e foedhandho de istrégiu tropu prenu, bessare, orrúere a terra su chi no cabet); bogare de cabu, lassare de fàere una cosa; foedhandho de laore nou, rèndhere, giare resa Synonyms e antonyms betare, foliai, frundhire, imbolare / besciare | ctr. arragolli Sentences si ndh'est pesau de su ludu inue su mere nche dh'iat iscavulau ◊ is armas e is trastos militares dhos aus iscavulaos 3. s'argiola m'est iscavulada a binti, ocannu ◊ trabballa: totu su ch'iscàvulat custa terra est cosa tua! Etymon itl. scapolare.

iscàvulu iscàbulu

iscaxàre iscagiàe

iscàza , nf Definition scherda, liesca, arrogalla de pedra, pedrighedha prus matuca de sa giarra, ma prus pitica de sa pedra bona a fàere muru, sa chi abbarrat in sa cava, a meda, bona solu a prènnere buidos Synonyms e antonyms ischerda / arrogu, bículu, matzagani Sentences a manu a manu chi artziamus sa traessa, collide iscaza e betade a reprenare! 2. ómines cantos sunt, un'iscaza de machine l'at ognunu ◊ iscazas de ammentu pigant a fiore in s'ispuma de su tempus ◊ mi est tocada in sorte un'iscaza de tempus Etymon itl. scaglia Translations French fragment de pierre English fragment Spanish china, lasca Italian framménto, pezzame di piètre German Bruchstück, Steinhaufen.

iscazadúra , nf Definition su iscazare; su pònnere iscaza (pedrighedhas) a tupare is calancas o buidos in is muros, faendhodhos Synonyms e antonyms ischerdadura Etymon srd.

iscazàre iscagiàe

iscazàre 1 , vrb Definition prènnere de iscaza is calancas e imbagas chi abbarrant in mesu de is pedras mannas, faendho muros, mescamente is muros chentza impastu Synonyms e antonyms scherdai.

iscazatóju, iscazatóriu iscalladórju

iscazentàre iscajentàre

iscazolàre , vrb Synonyms e antonyms iscraviare Sentences cun s'úngia mi apo iscazoladu s'oju.

iscàzu iscàgiu

ísce , prn: isse Definition prn. chi s'impreat po una tertza persona ómine / a, cun, de, in, pro, tra isse; iss'etotu = itl. égli stésso Synonyms e antonyms ísciu Sentences est intradu a créjia isce chin sa muzere ◊ isse benit cun megus ◊ so andhadu cun isse ◊ cudha cosa l'apo dada a isse andhe chi no l'as chérfida tue ◊ aficu b'at, in isse!…◊ iseta a isse ca a solu no ti abbales! ◊ pejus pro isse! ◊ male pro isse est, si faghet gai! ◊ custu triballu si l'at fatu isse etotu Surnames and Proverbs prb: chie no est bonu pro isse no est bonu pro sos àteros Etymon ltn. ipse Translations French il, lui English he, him, himself Spanish él, sí Italian égli, lui, sé German er, sich.