A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

iscaviadòre , agt Definitzione nau de animale mannu, chi costumat a iscaviare Ètimu srd.

iscaviadúra , nf Definitzione su iscaviare Ètimu srd.

iscaviài, iscaviàre, iscaviàri iscabiàre

iscavitzàda , nf Sinònimos e contràrios bussinada, iscantargiara, iscantulada, iscavanada, istuturada, sporsugada.

iscàviu , nm: scàviu Definitzione su iscaviare; genia de movimentu chi si faet cun sa conca (de animale po ifadu, de gente coment’e singiale de murrúngiu, disacórdiu), o cun su bratzu o àteru, fintzes cropu de sanna / sonai a i. = sonare pro fàghere ischidu, chentza critériu, bastat de fàghere intèndhere sa zente pro carchi avisu apretosu Sinònimos e contràrios iscàrtinu, pàliu / incorrada, sciamiada, sconchiada 2. non ti fúrries contras a mimi: assentadi, asseliadi, non ti pighet a iscàvios! (R.Sardella)◊ su cuadhu no si boliat pònnere a costau de pare cun is àteros, fut a iscàvios e a butígios pariat chi no teniat gana de cúrrere 3. ant sonau is campanas a iscàviu ca dhoi fut su fogu Ètimu srd. Tradutziones Frantzesu saccade Ingresu click Ispagnolu salto Italianu scatto Tedescu Ruck.

iscàvu , nm: scavu Sinònimos e contràrios fósciu Frases s'iscavu po is fundhales de sa domo dh'iant fatu a pala e a picu ◊ sos manibales chin su mastru ant sichiu su traballu de iscavu de sas fundhamentas Ètimu itl. Tradutziones Frantzesu creusement Ingresu excavation Ispagnolu excavación Italianu scavo Tedescu Graben.

iscavuàda , nf Definitzione su iscavulai, fuliare Sinònimos e contràrios frundhida, fuliada Frases no est fadendumí profetu: pitica s'iscavuada chi dhi fatzu a cussa mexina!…

iscavuladòre , nm Definitzione chie andhat a si arregòllere castàngia a iscàvulu, de sa chi ant coigiau (iscavulau) candho che dh'ant arregorta is meres Sinònimos e contràrios ispicadore.

iscavulài, iscavulàre , vrb: scabulai Definitzione fuliare a una parte, lassare istare, fintzes betare (e foedhandho de istrégiu tropu prenu, bessare, orrúere a terra su chi no cabet); bogare de cabu, lassare de fàere una cosa; foedhandho de laore nou, rèndhere, giare resa Sinònimos e contràrios betare, foliai, frundhire, imbolare / besciare | ctr. arragolli Frases si ndh'est pesau de su ludu inue su mere nche dh'iat iscavulau ◊ is armas e is trastos militares dhos aus iscavulaos 3. s'argiola m'est iscavulada a binti, ocannu ◊ trabballa: totu su ch'iscàvulat custa terra est cosa tua! Ètimu itl. scapolare.

iscàvulu iscàbulu

iscaxàre iscagiàe

iscàza , nf Definitzione scherda, liesca, arrogalla de pedra, pedrighedha prus matuca de sa giarra, ma prus pitica de sa pedra bona a fàere muru, sa chi abbarrat in sa cava, a meda, bona solu a prènnere buidos Sinònimos e contràrios ischerda / arrogu, bículu, matzagani Frases a manu a manu chi artziamus sa traessa, collide iscaza e betade a reprenare! 2. ómines cantos sunt, un'iscaza de machine l'at ognunu ◊ iscazas de ammentu pigant a fiore in s'ispuma de su tempus ◊ mi est tocada in sorte un'iscaza de tempus Ètimu itl. scaglia Tradutziones Frantzesu fragment de pierre Ingresu fragment Ispagnolu china, lasca Italianu framménto, pezzame di piètre Tedescu Bruchstück, Steinhaufen.

iscazadúra , nf Definitzione su iscazare; su pònnere iscaza (pedrighedhas) a tupare is calancas o buidos in is muros, faendhodhos Sinònimos e contràrios ischerdadura Ètimu srd.

iscazàre iscagiàe

iscazàre 1 , vrb Definitzione prènnere de iscaza is calancas e imbagas chi abbarrant in mesu de is pedras mannas, faendho muros, mescamente is muros chentza impastu Sinònimos e contràrios scherdai.

iscazatóju, iscazatóriu iscalladórju

iscazentàre iscajentàre

iscazolàre , vrb Sinònimos e contràrios iscraviare Frases cun s'úngia mi apo iscazoladu s'oju.

iscàzu iscàgiu

ísce , prn: isse Definitzione prn. chi s'impreat po una tertza persona ómine / a, cun, de, in, pro, tra isse; iss'etotu = itl. égli stésso Sinònimos e contràrios ísciu Frases est intradu a créjia isce chin sa muzere ◊ isse benit cun megus ◊ so andhadu cun isse ◊ cudha cosa l'apo dada a isse andhe chi no l'as chérfida tue ◊ aficu b'at, in isse!…◊ iseta a isse ca a solu no ti abbales! ◊ pejus pro isse! ◊ male pro isse est, si faghet gai! ◊ custu triballu si l'at fatu isse etotu Sambenados e Provèrbios prb: chie no est bonu pro isse no est bonu pro sos àteros Ètimu ltn. ipse Tradutziones Frantzesu il, lui Ingresu he, him, himself Ispagnolu él, sí Italianu égli, lui, sé Tedescu er, sich.