A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

isceberài, isceberàre , vrb: ischeperare, isciberae, isseberare, isseperare Definitzione pigare castiandho cale, ccn. cosa precisa, sa chi paret méngius o chi torrat paris cun calecunu critériu, sa chi andhat bene a un'iscopu, o fintzes pigandho e bogandho de mesu de àtera cosa totu diferente, distínghere Sinònimos e contràrios asseperare, sceberai, iscedhai, iscerai, istagiai Frases custos zòvanos facant comente cherent, ca tocat a issos a isseperare ◊ at cumbintu su maridu chi su fizu fit isseperendhe su zustu ◊ at cricau e isseberau sa menzus nave ◊ tue depes isceberare, no a che orrúere in sa peus arratza! ◊ a isciberae si andhat a sa preda de s'erriu! 2. chi abbaidaus bene, in mesu issoro no che isseberaus unu pastore Ètimu srd. Tradutziones Frantzesu choisir Ingresu to choose Ispagnolu elegir, escoger Italianu scégliere Tedescu wählen.

iscéberu , nm: isséberu, isseberu, isséperu Definitzione su seberare, su pigare cosas (o personas) distintas, diferentes, méngius, o comente serbint Sinònimos e contràrios iscera 1, ischirriada, ischírriu, sceberu / ttrs. isciòbaru, cdh. sciòaru Frases como su chi papant est totu a iscéberu ◊ tue as fatu un'isséperu zustu ◊ at importàntzia manna s'isséberu de sa limba sarda e de sos temas de cust'òpera Ètimu srd. Tradutziones Frantzesu choix Ingresu choice Ispagnolu elección Italianu scélta, selezióne Tedescu Wahl, Auswahl.

iscèda , nf: sceda Definitzione cosa chi si mandhat a nàrrere o chi si benit a ischire de calecuna chistione (fintzes in su sensu de cosa iscrita), de unu cumandhu, arresposta a una dimandha Sinònimos e contràrios apolta, assunta, noa, segurtade, segurtànsia Frases at mandau iscedas a tantis ma no ndi at pigau manc'unu a cojai! ◊ dieta Ollària fiat amanti meda de is iscedas ◊ seu istétiu su primu chi at circau is iscedas antigas de sa bidha ◊ ita iscedas ant torrau?◊ sas iscedas de Proca e Numitore derivadas dae sas eras oscuras sunt legendas fantàsticas e puras (Tucone) Ètimu itl. scheda.

iscedàu , iscl, agt: isciarau, scedau* Definitzione foedhu chi si narat mescamente lastimandho a unu po dannu o àteru motivu Sinònimos e contràrios deldiciadu, dirgrassiadu, mabassortau, malafadau, malafortunau, míseru / scurixedhu!, siscuru! Frases a cussu, iscedau, no dh'ant betau sabi a conca! Tradutziones Frantzesu le pauvre! Ingresu needy, poor thing Ispagnolu pobre, pobrecillo Italianu poverino Tedescu arm, unglücklich.

iscedhài , vrb: ischedhai, scedhai* Definitzione essire o bogare de sa chedha in su sensu de seberare, istesiare, istagiare; istorrare, fàere cambiare idea Sinònimos e contràrios chirrare, irgrustiare, iscamedhare, isceberai / ibbortare, istorrai | ctr. aggrustare / cumbínchere Frases si unu bolliat pigai mulleri, mandàt una pressona fidada a su babbu e sa mama de sa fémina chi iat iscedhau ◊ su babbu circàt de ndi fai ischedhai su fillu de cuss'idea maca Tradutziones Frantzesu désagréger Ingresu disaggregate Ispagnolu cribar Italianu disaggregare, distògliere Tedescu trennen.

iscédhu , nm Definitzione un'apenas, pagu pagu Sinònimos e contràrios atzicu Frases mi serbit un'iscedhu de farina, de sale, de pane.

iscegiài ifegàre

iscelembràre , vrb Definitzione fàere o èssere a dolore de conca, a su celembru Ètimu srd.

iscelfàre , vrb: iscerfai, scerfai Sinònimos e contràrios ischerfare*, ischitzare Frases sa conca dhi depiat iscerfai!

iscelliàre , vrb Definitzione fuliare atesu cun fortza, a cropu Sinònimos e contràrios bulliare, salliai Frases a s'ingrundha una puburedha forte ndhe dh'iat pesau e che dh'iat iscelliau a illagru mannu.

iscèlpa , nf: isciarpa, issarpa, isserpa, scerpa Definitzione genia de pinzos prus che àteru de lana o de orrobba grussa, chi si ponet betau o postu a imbodhigadura in tzugu Sinònimos e contràrios cerpa Frases semus cancaratos dae su fritu, chin su pilu erpilatu, imbussulatos in magliones e issarpas Terminologia iscientìfica bst Ètimu itl. Tradutziones Frantzesu écharpe Ingresu scarf Ispagnolu bufanda Italianu sciarpa Tedescu Halstuch.

iscemingiàu , agt Definitzione its, scossiminzadu? Frases ti funt abarradas isceti is crapitas mias iscemingiadas.

iscempiài , vrb: isempiare, isemprare, issempiare, scempiai Definitzione pònnere istúpiu o fàere dannu mannu a persona, animale, mata Sinònimos e contràrios bisastrare, irfrezare, iselmorare, iseniare, istropiare, scerbai / ifasciare, iscalabrare, istrossare Frases chin sas brullas víschidas suas cussu macu inoche vi ndhe isémpiat! ◊ su dutore mi at cumandhadu custa cosa ca mi apo isempiadu su benuju ◊ dhi faeus unu martu ca est totu issempiau ◊ ti ses iscempiada de manu tua etotu! Ètimu itl. scempiare Tradutziones Frantzesu estropier Ingresu to maim Ispagnolu lisiar, tullir, baldar Italianu storpiare, menomare Tedescu verunstalten, körperlich behindern.

iscèna , nf: issena Definitzione parte de unu treatu ue is atores faent una cumédia, un'ispetàculu; genia de funtzione, de atzione, mescamente de cummédias, parte de una cummédia.

iscendiài , vrb: isciundiai, scendiai Definitzione nau de sa fémina príngia, naschire su pipiu Sinònimos e contràrios iglierare, infendiai*, insinnigare, palturire, springiai | ctr. imprignare, improssimare Frases cussus daboris depint èssi peus de is daboris de iscendiai ◊ mamma m'iat iscendiau abberu in luna bona! 2. nanca depiat fai no isciu ita… custu est su monti chi nd'at iscendiau unu topixedhu! Terminologia iscientìfica ssl Tradutziones Frantzesu accoucher Ingresu to give birth Ispagnolu parir Italianu partorire, sgravarsi Tedescu gebären.

iscénicu , agt: issénicu Definitzione chi pertocat s'iscena, de s'iscena.

iscenògrafu , nm Definitzione chie pentzat, progetat o faet su chi serbit po arrapresentare un'ispetàculu in teatru o in cínema Terminologia iscientìfica prf.

iscénu , agt Definitzione nau de filu, de filóngiu, chi est bambu, pagu atrotigau.

iscèpa , nf Definitzione genia de isciallu de cotone biancu ricamau, segundhu su costúmene.

iscèra , nf: ischera 1, ischiera, issera, scera Definitzione unu tanti mannu mescamente de gente, ma nau agiummai solu in su sensu de arratza, genia Sinònimos e contràrios arràcia, genia, iscrípia, paru, vúglia Frases sas ischeras poniant in fua ◊ li benzeit un'iscera de tremuledha a iscossas 2. est un'iscera de ladros ◊ tiu Pericu faghiat contos de onzi issera ◊ sas chilandras sunt fatendhe dogni iscera de cantu (B.Truddaju)◊ fint frunidos de onzi iscera de machinàrios ◊ est unu líbberu chi bi at cumponimentos de onzi iscera Ètimu itl. schiera Tradutziones Frantzesu espèce Ingresu kind, species Ispagnolu especie Italianu spècie Tedescu Art.