A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

isceberài, isceberàre , vrb: ischeperare, isciberae, isseberare, isseperare Definizione pigare castiandho cale, ccn. cosa precisa, sa chi paret méngius o chi torrat paris cun calecunu critériu, sa chi andhat bene a un'iscopu, o fintzes pigandho e bogandho de mesu de àtera cosa totu diferente, distínghere Sinonimi e contrari asseperare, sceberai, iscedhai, iscerai, istagiai Frasi custos zòvanos facant comente cherent, ca tocat a issos a isseperare ◊ at cumbintu su maridu chi su fizu fit isseperendhe su zustu ◊ at cricau e isseberau sa menzus nave ◊ tue depes isceberare, no a che orrúere in sa peus arratza! ◊ a isciberae si andhat a sa preda de s'erriu! 2. chi abbaidaus bene, in mesu issoro no che isseberaus unu pastore Etimo srd. Traduzioni Francese choisir Inglese to choose Spagnolo elegir, escoger Italiano scégliere Tedesco wählen.

iscéberu , nm: isséberu, isseberu, isséperu Definizione su seberare, su pigare cosas (o personas) distintas, diferentes, méngius, o comente serbint Sinonimi e contrari iscera 1, ischirriada, ischírriu, sceberu / ttrs. isciòbaru, cdh. sciòaru Frasi como su chi papant est totu a iscéberu ◊ tue as fatu un'isséperu zustu ◊ at importàntzia manna s'isséberu de sa limba sarda e de sos temas de cust'òpera Etimo srd. Traduzioni Francese choix Inglese choice Spagnolo elección Italiano scélta, selezióne Tedesco Wahl, Auswahl.

iscèda , nf: sceda Definizione cosa chi si mandhat a nàrrere o chi si benit a ischire de calecuna chistione (fintzes in su sensu de cosa iscrita), de unu cumandhu, arresposta a una dimandha Sinonimi e contrari apolta, assunta, noa, segurtade, segurtànsia Frasi at mandau iscedas a tantis ma no ndi at pigau manc'unu a cojai! ◊ dieta Ollària fiat amanti meda de is iscedas ◊ seu istétiu su primu chi at circau is iscedas antigas de sa bidha ◊ ita iscedas ant torrau?◊ sas iscedas de Proca e Numitore derivadas dae sas eras oscuras sunt legendas fantàsticas e puras (Tucone) Etimo itl. scheda.

iscedàu , iscl, agt: isciarau, scedau* Definizione foedhu chi si narat mescamente lastimandho a unu po dannu o àteru motivu Sinonimi e contrari deldiciadu, dirgrassiadu, mabassortau, malafadau, malafortunau, míseru / scurixedhu!, siscuru! Frasi a cussu, iscedau, no dh'ant betau sabi a conca! Traduzioni Francese le pauvre! Inglese needy, poor thing Spagnolo pobre, pobrecillo Italiano poverino Tedesco arm, unglücklich.

iscedhài , vrb: ischedhai, scedhai* Definizione essire o bogare de sa chedha in su sensu de seberare, istesiare, istagiare; istorrare, fàere cambiare idea Sinonimi e contrari chirrare, irgrustiare, iscamedhare, isceberai / ibbortare, istorrai | ctr. aggrustare / cumbínchere Frasi si unu bolliat pigai mulleri, mandàt una pressona fidada a su babbu e sa mama de sa fémina chi iat iscedhau ◊ su babbu circàt de ndi fai ischedhai su fillu de cuss'idea maca Traduzioni Francese désagréger Inglese disaggregate Spagnolo cribar Italiano disaggregare, distògliere Tedesco trennen.

iscédhu , nm Definizione un'apenas, pagu pagu Sinonimi e contrari atzicu Frasi mi serbit un'iscedhu de farina, de sale, de pane.

iscegiài ifegàre

iscelembràre , vrb Definizione fàere o èssere a dolore de conca, a su celembru Etimo srd.

iscelfàre , vrb: iscerfai, scerfai Sinonimi e contrari ischerfare*, ischitzare Frasi sa conca dhi depiat iscerfai!

iscelliàre , vrb Definizione fuliare atesu cun fortza, a cropu Sinonimi e contrari bulliare, salliai Frasi a s'ingrundha una puburedha forte ndhe dh'iat pesau e che dh'iat iscelliau a illagru mannu.

iscèlpa , nf: isciarpa, issarpa, isserpa, scerpa Definizione genia de pinzos prus che àteru de lana o de orrobba grussa, chi si ponet betau o postu a imbodhigadura in tzugu Sinonimi e contrari cerpa Frasi semus cancaratos dae su fritu, chin su pilu erpilatu, imbussulatos in magliones e issarpas Terminologia scientifica bst Etimo itl. Traduzioni Francese écharpe Inglese scarf Spagnolo bufanda Italiano sciarpa Tedesco Halstuch.

iscemingiàu , agt Definizione its, scossiminzadu? Frasi ti funt abarradas isceti is crapitas mias iscemingiadas.

iscempiài , vrb: isempiare, isemprare, issempiare, scempiai Definizione pònnere istúpiu o fàere dannu mannu a persona, animale, mata Sinonimi e contrari bisastrare, irfrezare, iselmorare, iseniare, istropiare, scerbai / ifasciare, iscalabrare, istrossare Frasi chin sas brullas víschidas suas cussu macu inoche vi ndhe isémpiat! ◊ su dutore mi at cumandhadu custa cosa ca mi apo isempiadu su benuju ◊ dhi faeus unu martu ca est totu issempiau ◊ ti ses iscempiada de manu tua etotu! Etimo itl. scempiare Traduzioni Francese estropier Inglese to maim Spagnolo lisiar, tullir, baldar Italiano storpiare, menomare Tedesco verunstalten, körperlich behindern.

iscèna , nf: issena Definizione parte de unu treatu ue is atores faent una cumédia, un'ispetàculu; genia de funtzione, de atzione, mescamente de cummédias, parte de una cummédia.

iscendiài , vrb: isciundiai, scendiai Definizione nau de sa fémina príngia, naschire su pipiu Sinonimi e contrari iglierare, infendiai*, insinnigare, palturire, springiai | ctr. imprignare, improssimare Frasi cussus daboris depint èssi peus de is daboris de iscendiai ◊ mamma m'iat iscendiau abberu in luna bona! 2. nanca depiat fai no isciu ita… custu est su monti chi nd'at iscendiau unu topixedhu! Terminologia scientifica ssl Traduzioni Francese accoucher Inglese to give birth Spagnolo parir Italiano partorire, sgravarsi Tedesco gebären.

iscénicu , agt: issénicu Definizione chi pertocat s'iscena, de s'iscena.

iscenògrafu , nm Definizione chie pentzat, progetat o faet su chi serbit po arrapresentare un'ispetàculu in teatru o in cínema Terminologia scientifica prf.

iscénu , agt Definizione nau de filu, de filóngiu, chi est bambu, pagu atrotigau.

iscèpa , nf Definizione genia de isciallu de cotone biancu ricamau, segundhu su costúmene.

iscèra , nf: ischera 1, ischiera, issera, scera Definizione unu tanti mannu mescamente de gente, ma nau agiummai solu in su sensu de arratza, genia Sinonimi e contrari arràcia, genia, iscrípia, paru, vúglia Frasi sas ischeras poniant in fua ◊ li benzeit un'iscera de tremuledha a iscossas 2. est un'iscera de ladros ◊ tiu Pericu faghiat contos de onzi issera ◊ sas chilandras sunt fatendhe dogni iscera de cantu (B.Truddaju)◊ fint frunidos de onzi iscera de machinàrios ◊ est unu líbberu chi bi at cumponimentos de onzi iscera Etimo itl. schiera Traduzioni Francese espèce Inglese kind, species Spagnolo especie Italiano spècie Tedesco Art.