A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

iscèra 1 , nf, nm: isceru, ischéria, ischériu Definition su iscerai / a i. = a séberu; sentza ischériu = chentza distintziones de càrculu, chena fàghere diferéssias Synonyms e antonyms iscéberu, sceberu Sentences no fit debbadas su chi presumias, totu cudhu ischériu chi aias! (A.D.Migheli)◊ sas ischérias suas no si podent criticare ◊ sentza ischériu perunu, parente, amigu e fizolu, antzianu o de brassolu l'onoramis de assentu Etymon srd. Translations French choix English choice Spanish elección Italian scélta German Wahl.

iscerài , vrb: ischerai, ischerare, ischeriare, ischiliare 1, scerai Definition seberare su mele de sa chera, ma impreau mescamente coment'e seberare, separare cosas diferentes, arrennèscere a bíere, distínghere Synonyms e antonyms assebeltare / cherrintzonare, chirrare, isceberai, isempricare Sentences s'ànima est aici ligera chi mancu s'iscerat ◊ sas annadas fint malas e pagu si podiat ischeriare it'còghere! ◊ non fis mai istracu ischiliendhe su ranu bonu (A.Sotgiu)◊ arratza de fusti chi as iscerau! ◊ cheret ischeradu su trigu po parare arratza ◊ ti as a iscerai unu de custus giòvunus ◊ no arrannessu a ischerai s’unu de s’atru 2. su sale ischeriadu de tzertas tzucas no mezorat su gustu de su sugetu (V.Mura)◊ tui fiast bona e iscerada ◊ su bistimentu de is erricos s'ischeràt ca teniant prus càmbios ◊ cudhu giai est issu: tanti no si che ischerat…! Etymon srd. Translations French choisir, discerner, distinguer English to choose, to distinguish Spanish escoger Italian scégliere, cèrnere, distìnguere German wählen, aussuchen, unterscheiden.

iscèrghere , vrb: isèrghere, issèrghere Definition essire deretu, andhare impresse; bogare, giagarare / pps. isérghidu, isertu / isèrgheti! = baidindi!; isèrghelu! = bogancedhu!, catzachelu! Synonyms e antonyms essire, fuire, incabulare, irdèrghere, irfregorare, irghelare / caciare | ctr. furriai, ghirare, torrae Sentences iserghe a furriare sas berbeghes, innantis chi fetant dannu! ◊ candho at bidu su tempus malu za at coitadu a isèrghere a batire linna! ◊ su trenu ch'est isérghiu biacue ◊ totu sos canes li ponent infatu e iserghet in chirca de sirbone ◊ lu at ispojolau chene piedu e si est isérghiu in sos padentes ◊ sos ómines funint iscerghendhe o furriandhe a covadhu o chin s'ainedhu Etymon ltn. ex + erigere Translations French disparaître, s'esquiver English to vanish Spanish pirárselas Italian dileguarsi, svignàrsela German verschwinden, abhauen.

iscéru iscèra 1

iscèta , nf: asceta, iscete 1, isselta, isseta, scelta Definition cannone crutzu acancarronau conca a bàsciu de pòdere apèrrere e serrare po fàere calare abba o àteru / isseta falendhe = oberta (fintzes pagu) lassendi essiri s'àcua (o àteru) Synonyms e antonyms grifone 1 Sentences sa butega de su binu teniat otu bellas carradas a isceta ◊ bi at cubas prenas chin iscetas falendhe a càntaru ◊ serra cuss'isseta, chi l'apo lassada falendhe! ◊ deo no ne apo lassadu de isselta calanne! 2. bàrriu de rasta, isceta asseorada in su tzilleri, in presse pedit una birra frisca Etymon ctl. a(i)xeta Translations French robinet English tap Spanish grifo Italian rubinétto German Hahn.

iscèta 1 , nf Synonyms e antonyms arràcia, casta, genia, iscera, iscrípia, paru, raima Etymon srd. Translations French lignée English family Spanish estirpe, linaje Italian schiatta German Stamm.

iscetàda , nm Definition genia de impastu fatu cun s'iscete de pònnere a impacu Sentences si fait su scèti cun pagu pagu axedu e un'arrogu de istràciu e si fàsciat bèni s'arremu móviu de s'incàsciu.

iscetadúra , nf Definition sa cosa (prus pagu bona) chi si ndhe iscèberat de sa farra Etymon srd.

iscetài , vrb Definition fàere s'iscete, sedatzare sa farra Synonyms e antonyms issedatzare, scedassai, spalinai Sentences candu fut a fai sa farra, una si poniat a ndi bogai su pódhini, s'àtera a iscetai Etymon srd.

iscetàre , vrb Synonyms e antonyms cherpai, isgiarrare Sentences est una rana iscetada ◊ o crebat o iscetat Etymon itl. Translations French crever English to burst Spanish reventar Italian schiattare German platzen.

iscetàre 1 , vrb Definition pigare de sa matessi isceta, de sa própriu arratza, tirare a is àteros de s'arratza Synonyms e antonyms eredai Sentences cussa at iscetadu sa lizeresa dai sa mama (P.Casu) Etymon srd.

iscetàre 2 , vrb: aisetare, isetare, issetare Definition lassare colare tempus, istare fintzes a candho acontesset calecuna cosa, tènnere ibertu, isperàntzia de lòmpere a calecuna cosa o de intrare in podere de calecuna cosa, a un'iscopu o àteru (ma fintzes chistire)/ a/c.: addaghi a su vrb. depet sighire un'àteru vrb. inf., tra unu e àteru bolet sa prep. a: isetamus a bíere, iseto a ghirare, isetandhe a bos atobiare; Mastru Iseta = unu chi de faina no ndh’atúliat, mastru chi petzi rispondhet Iseta! a chie li dimandhat si at fatu su triballu Synonyms e antonyms abertai, acociare, afilusigare, afrimai, aispetare, istentae, tricare | ctr. andai Sentences no est ora de iscrèdere: isetamus a bíere! ◊ za l'iseto a ghirare su chi zuco in su coro ◊ s'in Orune si bóliant sos bentos t'issetas malas novas! ◊ fipo isetandhe a bos atobiare (S.Spiggia)◊ cuss’addopu fatu a s’ispessada no si lu isetabat ◊ si est torradu a sètzere iscetendhe a tiu Frantziscu 2. tiu Antoni teniat una cuba de binu bene iscetada in funnagu Translations French attendre English to wait (for) Spanish esperar Italian attèndere German warten.

iscète , nm: isete, scete 1, sceti Definition sa parte méngius de sa farra; sa farra chi bolat sedatzandho o molendho Synonyms e antonyms boledu, podha 1, pódhine Etymon ltn. excepte.

iscète 1 iscèta

iscéti , avb: scerti Definition foedhu po inditare límite de calecuna cosa pentzada sèmpere coment'e paga o no prus de cussa Synonyms e antonyms betzi, ebbia, feti, segi 1 Sentences Sa Pratzita no fut isceti sa pratzixedha de Bidhanoa ma una pimpirida de su mundu ◊ isceti in sa parti costera dhoi fiat una bidhixedha (S.Chiappori) Etymon ltn. exceptis Translations French seulement English only Spanish sólo, solamente Italian soltanto German nur.

iscétru , nm Definition genia de bàculu, de oro o de àteru materiale pretziau, chi is reis portant in manu a símbulu de sa podestade soberana issoro.

iscétu , nm: aisetu, isetu Definition ibertu, su istare ibertandho, mescamente in su sensu de tènnere aficu o isperu in calecuna cosa; sa cosa chi s'isperat etotu Synonyms e antonyms abetu, ibertu, irvetu / aficu, ispera Idioms csn: èssere s'i. de ccn. = èssiri s'isperàntzia de ccn.; èssere in s’i. de… = abetai chi…; no est malu s'i.!… = no bi at aficu, est in debbadas a isetare; èssere a isetu pérdidu = iscrétidu, chi no isperat prus; s'i. de s'impicau = totu debbadas, isetu pro nudha; i. mortu = isetu in debbadas Sentences ite isetu bi podet àere, prus, candho a unu prantone che li secant sa froghedha? ◊ so sempre matanendhe in s'isetu de fàghere sos mezoros ◊ totu sas fadigas, totu sos isetos e isperos… totu debbadas! 2. no est malu s'isetu si ispetamus chi sa cosa nostra nos la fetat àtere!…◊ sos fizos de bonu sentidu sunt s'isetu de su babbu e de sa mama ◊ s'isetu meu ses tue ◊ già l'apo, s'isetu, cun tegus!…◊ isse teniat isetos mannos ◊ fizu meu mi est faghindhe peleare: ndhe seo a isetu pérdidu Etymon srd. Translations French attente English wait (ing) Spanish espera Italian attésa German Warten.

iscétu 1 , agt: ischetu, schetu* Definition chi est singillu, límpiu, chentza ammesturu de àtera cosa / foedhare a s'ischeta = in manera crara, ladina Synonyms e antonyms meru, sprigau Sentences custu est binu iscetu: de abba no ndhe li amus betadu!

iscetuài , vrb Definition isterrinai, crocare Sentences aundi ti ses iscetuada, chi ses totu bruta?

iscexíu , agt Definition chi at isturdiu su binu chi at bufau, chi dhi est passada s'imbriaghera Synonyms e antonyms | ctr. imbreacu Sentences candu chistionat issu, iscexiu o tocau de binu, no lompit mai a sa conclusioni de su chi est narendi ◊ iscexiu siast o imbriagu, tui ses sa tentatzioni! Etymon srd.