A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

ténticu , agt Synonyms e antonyms aguale, cabale, pentifilau | ctr. diferente Sentences su fillu piticu est ténticu a su babbu.

tentiédhu , nm: sintziedhu, tintiedhu (su t. = nr. sutintiédhu) Definition tzintziedhu, cosa niedha de fumu, a bisura de pruine fine fine, chi faet su fogu mescamente segundhu ite o comente si abbruxat Synonyms e antonyms fodhine, fumàdigu, mascara, sintziniedhu, titibedhu* Translations French suie, noir de fumée English soot Spanish tizne, hollín Italian fulìggine, nerofumo German Ruß.

tentílla , nf Synonyms e antonyms gentíglia, lentige.

tentinadéntina , avb Definition andhare a su t. = istòntona istòntona, a tontonadas, agiummai orruendho, chentza seguresa Synonyms e antonyms dinghiddanga, scioncascionca, tambadamba Etymon srd.

tentínu , nm Definition sonàgia pitichedha, de pònnere in sa guturada a su bestiàmene piticu (pruschetotu a is angiones) Synonyms e antonyms chícula, tintinnu, tringhitu, trinnedhu Scientific Terminology snl.

tentiòne, tentiòni , nm: teteone, tetione, tintioni, tintionni, titione, titioni Definition genia de linna chi faet a cannàile longu finedhedhu totu a ispinighedhas curtzas, faet sa fògia a bisura de triàngulu e bogat pibionedhos tundhos a gurdonedhu, orrúbios candho funt cotos: si che aggànciat e artzat a is àteras linnas ma faet fintzes a tupa coment'e a lómburu, a busa Synonyms e antonyms arrugràbiu, asmila, raza, serrada, teti, úrtzula, visioni 1 Idioms csn: titione de ruvu = tentalza, canna de rú; tintioni de modhitzi = frunza (ma fintzas mata, magra) de chessa; bogai de s'orrú e fichiri in titioni = andhare de male in peus Sentences in su bachixedhu s'istendiat unu luàrgiu de ertessu, orrú e tintioni ispurràrgiu ◊ ti apo a aprontare sorighina e titione a cabidale…◊ armadu de tzapita e de fartzone segas atentu friscu e titione Scientific Terminology mt, Smilax aspera Etymon srdn. Translations French smilax, salsepareille English smilax Spanish zarzaparrilla Italian smìlace, salsaparìglia German Stechwinde.

tentógliu , nm: tentórgiu, tentorju, tentorzu (f.-a) tintógliu Definition prus che àteru, vitellu (ma fintzes àteru animale) de duos a tres annos, bonu de domare Synonyms e antonyms nobedhu, traiscone / anníciu, pudhéricu Sentences forte annijat adhae su tentorzu ◊ li aggradaiat a cúrrere a cadhu e pro custu cheriat domare su tentógliu ◊ regollet sa fraschera, sa bértula e si ndhe andhat a cadhu de sa tentorza Etymon srd. Translations French bouvillon, taurillon, bête de somme English steer, young bull Spanish ternero, jumento Italian giovènco, torèllo, giuménto German junges Rind, Saumtier.

tentónzu , nm Definition su tentare, su abbarrare a càstiu, badrandho; sa paga chi si giaet a su badreri o castiadore Synonyms e antonyms aggordu, baldinzu, castiamentu, càstiu, miramentu, tenta, vardionzu Etymon srd. Translations French surveillance English overseeing Spanish vigilancia Italian sorveglianza German Überwachung.

tentòre , nm Definition pertighedha atrotigada a bisura de pintza po ndhe bogare sa castàngia de s'acrissone Scientific Terminology ans.

tentórgiu, tentórju, tentórzu tentógliu

tentoxàre , vrb Definition cricare de cumbínchere a ccn. a fàere fintzes cosa chi no bolet Synonyms e antonyms abbuvonare, conchinare, indúere, indugi, tenteare | ctr. ibbortare, istorrai.

téntu , pps, agt Definition de tènnere (fintzes de àere) Synonyms e antonyms ténnidu / àpidu / acapiau, presu / abbruxau / contivizadu / arréschiu | ctr. iscapu Idioms csn: t. a bula = chi portat sa boxi iscannia ca at pigau frius; t. a fune, a cadena = acapiau, aguantau a funi, a cadena; (andhare) a manu tenta = a manu pigada, s'unu cun sa manu aferrada a sa manu de s'àteru; fogu tentu = allutu, tenendi, fogu fuiu; dhu'èssere sa cosa a tenta = a meda Sentences sa tzerimónia de premiassione si est tenta s'àtera die ◊ de màchina gai deo no ndhe apo mai tentu ◊ Fulana at tentu fiza fémina ◊ apu fatu unu pensu, ca nanca mi fui cojada e apu tentu unu pipiu ◊ l'ant intzugliatu de non àere tentu fide a sa paràula data 2. beniat a bidha cun d-un'ebba castanza bene tenta 3. li so curtu ifatu ma no l'apo tentu 4. sa bidha si fit alluta: ómines e animales aiant tentu che ascras de canna 5. su tzilleraju fit tentu a sonnu canno non bi aiat ispatzu (A.Pau)◊ sichiat a tussire, sudoratu a mortógliu chin s'àlinu tentu in gangas ◊ fit bete cane fonnesu tentu a una catena ◊ ocanno dhue fut sa castagna a tenta!◊ ti lassu tres funis po dhu portai presoneri tentu! Surnames and Proverbs prb: mellus su tentu de su bentu Translations French eu, possédé, capturé, brûlé, pris English had, owned, catched, burnt, taken root Spanish tenido, tenido, capturado, quemado, arraigado Italian avuto, posseduto, catturato, arso, combusto, attecchito German gehabt, innegehabt, gefangen, verbrannt, eingewurzelt.

téntu 1 , nm: atentu Definition su atuare, su èssere pentzandho a una cosa / dare t. = donai atentzioni, sapire sa cosa, pònnerela a notu Synonyms e antonyms atenscione Sentences s'àrbure mia fit dada tentu e contivizada ◊ dae tentu chi no ti che fuat cust'animale! ◊ dae tentu chi no ti che brúsiet sa cosa in su fogu! ◊ cussa est cosa chi apo a àere bidu medas bortas, ma no bi aio mai dadu tentu!

téntu 2 tènta 3

tentúa , nf: tentura Definition est su chi abbarrat a sa de duas sedatzaduras de s'iscete; genia de pane chi si faet a su mese po unu mortu Synonyms e antonyms tenidura Scientific Terminology pne Etymon srd.

tentúlzu , nm Synonyms e antonyms antruxu, , bentruxu, guntorzu*, intruxu, pedhuris Sentences sos tentulzos si betant che disisperados.

tentúra tentúa

tentúra 1 , nf Definition su tenturare bestiàmene; su chi si pagat po dhu tènnere tenturau, acorrau in cherina fintzes a candho essit su mere e pagat su dannu chi at fatu; trebballu a pinnigas o gajas chi si faet in sa gunnedha o in sa camisa de unos cantu costúmenes de fémina Synonyms e antonyms aciapa, arrestu 1 / teníngiu / cdh. tintura 2. chie tenet bestiàmine in cherina pagat sa tentura ◊ depiant pagare sa tentura fintzas si no aiant fatu dannu ◊ pro ch'èssere issitu dae trèmenes mi ant postu tintura ◊ is barracellos furint prontos a sa tentura de is pegos faendho dannu Etymon srd. Translations French capture English capture Spanish captura Italian cattura German Gefangennahme, Fang.

tenturài, tenturàre , vrb: atenturai, tinturai 1, tinturare Definition tènnere, aciapare e acorrare su bestiàmene sodigau a solu faendho dannu, in logu de pòdere fàere dannu, aciapare e impresonare; V. Porru: acusai su penali a cudhus chi, contra a sa proibbitzioni, ant introdúsiu bestiàmini in logu proibbiu o ant fatu dannu Synonyms e antonyms aciocai, acorrae 1, assocare, tènnere Sentences it'errore, sas arbeghes dhas at agatadas su barratzellau e tenturadas dhas ant! ◊ a Fulanu dh'ant tinturadu sas albeghes ◊ is barracellus mi ant tenturau is brabeis Etymon srd. Translations French capturer English to capture Spanish capturar Italian catturare German gefangennehmen.

teólia , nf Definition mola pitica de matedu Synonyms e antonyms macra, mata, tupa.