A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

allicàre , vrb Definizione pigare o tènnere a unu cun allicos, cun calecunu gustu, pigare gustu, pònnere abbitúdine a calecuna cosa chi praghet; pònnere apostu, arrangiare, contivigiare, tènnere contu Sinonimi e contrari abbetuare, abesare, acomunai, acostumai, arranguai, imbisciare, ingustai / allichionare, ingolumare Frasi sos pitzinnos tue los incantas e allicas cun méndhula e nintzola 2. su frutu de sa binza cheret allicadu! Traduzioni Francese s'habituer, s'accoutumer Inglese to get accostumed Spagnolo acostumbrarse Italiano avvezzarsi, assuefarsi Tedesco sich gewöhnen.

allichidía , nf Sinonimi e contrari addirida, illempiada, illertida, innetiada | ctr. imbrutada Etimo srd.

allichidídu , pps, agt: allichidiu, allichiriu Definizione de allichidiri Sinonimi e contrari bellu, netu, remonidu, tramudau | ctr. brutu, iscussertu 2. est passau unu totu allichidiu in bistiri de festa ◊ tenit sa domu sempri allichiria e bèni cuncordada ◊ biendhe sos istranzos, s'isprúgherat sos pedes e gai allichidiu dimandhat ite cherent ◊ at arretziu su sennore in d-una sala totu bene allighidia ◊ a ómini de campu no dhi abarrat logu allichiriu Traduzioni Francese ordonné, propre Inglese tidy, clean Spagnolo ordenado Italiano ordinato, pulito Tedesco in Ordnung, sauber.

allichidíe , vrb: allichidire, allichidiri, allichiriri, allighidire, lichidiri Definizione muntènnere límpiu, pònnere apostu su logu, sa domo; rfl. cambiare bestimentu, pònnere bestimentu límpiu, bellu, mudare; a logos dhu narant de sa fémina chi faet su fedu Sinonimi e contrari addirire 1, arremonire, assetiai, cuncordai, illichidire, iserrinire / tramudai / iglierare, insinnigare, iscendiai | ctr. acadhotzai, imbratare Modi di dire csn: allichidire sos contos = fàere is contos; allichidíresi de calicuna cosa = pònnere apostu, lassare apostu sa cosa Frasi nosu innòi nci seus po isfrigociai, mundai e allichidiri su logu ◊ benit, prandit, allichidit su logu e si ndi andat ◊ dèu allichidu e tui tréuas! 2. sa bròscia si dha poniant is féminas in pithu de su pannu de petus ◊ allichidint su letu cun is mantas prus bellas po erriciri is istràngius 3. sa fémina mia si est allichidia, at tentu unu maschixedhu Etimo srd. Traduzioni Francese nettoyer Inglese to tidy up, to clear Spagnolo arreglar, ordenar Italiano assettare, far pulizìa Tedesco aufräumen.

allichidiméntu , nm Definizione totu su chi si faet po pònnere in assentu o mantènnere límpiu su logu, sa domo, sa persona Sinonimi e contrari allichidóngiu, innetadura, rimoninzu Frasi fatu s'allichidimentu in domu, is féminas funt essias cun is pipius Etimo srd.

allichidíre, allichidíri allichidíe

allichidíu allichidídu

allichidóngiu , nm Sinonimi e contrari allichidimentu, allichiru, innetadura, rimoninzu Frasi s'allichidóngiu de sa domu si fait a Pascamanna Etimo srd.

allichídu , agt: lichidu Definizione dhu narant sèmpere po nàrrere chi unu est própriu male postu, malibigau, istat male: za ses allichidu, fizu meu!… = ses brutu chi no faghet a ti abbaidare, ses totu istropiadu, ses totu malegontzu, débbile meda, no ses bonu a nudha, e gai Sinonimi e contrari malacónciu, malibigau Etimo srd.

allichinídu , agt Sinonimi e contrari afrodhiosu, apedhiosu, pistichinzosu, spedhiosu, unigosu.

allichionaméntu , nm Definizione allicamentu, su allichionare Etimo srd.

allichionàre , vrb Definizione pigare gustu, pònnere abbitúdine a calecuna cosa chi praghet Sinonimi e contrari abbetuare, abesare, acomunai, acostumai, arranguai, imbisciare, ingustai / allicare, ingolumare Frasi si fit allichionau a bidha e de andhare a campu no ndhe cheriat intèndhere (G.Piga)◊ sos pitzinnos allichionaos a su monte ghirabant a bidha ma no bidiant s'ora de dare borta Traduzioni Francese accoutumer Inglese to accustom Spagnolo acostumbrar Italiano assuefare Tedesco gewöhnen.

allichionàu , pps, agt Definizione de allichionare 2. fit un'ómine imbeléschiu e allichionau a su binu biancu.

allichíre , vrb Definizione pònnere apostu, bene, limpiare; nau in cobertantza, imbrutare, pònnere male, guastare / a. su procu = acontzare, segare e cufetare, salire, arranzare totu sas partes comente si depent costoire Sinonimi e contrari illitire / afrogongiai, azinare, inchirrire, manuire, mitujire 2. za l'allichit su logu, custu bentu fritu: totu guastat! ◊ za mi l'allichis su logu cun cussas iscarpas brutas!…◊ gosi deo no apo mai pasu: mi l'allichint sa pala e su codhu!… Etimo srd.

allichiríri allichidíe

allichiríu allichidídu

allichíru , nm Definizione su allichidiri Sinonimi e contrari allichidimentu, allichidóngiu, remonimentu Etimo srd. Traduzioni Francese nettoyage, rangement Inglese cleaning, good order Spagnolo limpieza, aseo Italiano pulizìa, assètto Tedesco Sauberkeit, Ordnung.

allícu , nm Definizione genia de ispédhiu, cosa chi praghet, chi si disígiat; fintzes badàngiu, profitu Sinonimi e contrari desizu / ingàgiu Frasi sos ricones ant allicu de crèschere sa fortuna (A.Paba)◊ mastru Bainzu aiat postu allicu a sas Musas ◊ a sos pulíticos nostros lis piaghet s'aligarza furistera: e ite allicu, s'insoro! ◊ no at allicu de peruna cosa 2. padronos anturzos mi betant ossos ispulpados pro allicu ◊ domo, parentes, totu olvidaiat chie li faghiat cuss'allicu ◊ de su dinari chi at fatu no ndhe tenet perunu allicu Etimo srd. Traduzioni Francese goût, attrait Inglese taste, lure Spagnolo gusto Italiano gusto, allettaménto, adescaménto Tedesco Lust, Anlockung.

allicuterài , vrb Definizione istare alleghetandho de s'unu e de s'àteru deasi chentza cabu, tanti po foedhare de ccn. Sinonimi e contrari contularjare, crastulai, licutai, pidanciulai, piscinargiai, spisciulari.

allidigoràda , nf Definizione marcu druchesau de pistadura Sinonimi e contrari allidigoramentu Etimo srd.