A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

abbuculàu , agt Definizione chi portat is pilos anedhaos, fintzes allorigaos apostadamente Sinonimi e contrari arrullau, frisau, pilianedhadu Frasi sa serbidora essit totu abbuculada mellus de sa meri Etimo srd.

abbudàdu , pps, agt Definizione de abbudare Sinonimi e contrari abbudhatu.

abbudagàre , vrb: abbudegare, abbudescare, abbudragare, abbudregare, abbutegare Definizione tzacare in ragas, betare a bentre, papare meda Sinonimi e contrari abbentrare, abbidhiai, abbiscarzare, abbudhai, abbuselcare, abbuzare, aelcare, atatamacare, imbrentai, irvudhare, sgagliubbai, tzèrghere Frasi ti abbudegas che sacaju ◊ su cane de su padronu, abbudegadu, bidu su cane meu, si pesaiat reu totu pili astriadu! (G.A.Cossu)◊ in su tzilleri si est abbudescadu de tzichetes Etimo srd. Traduzioni Francese bourrer, gaver Inglese to stuff Spagnolo atiborrar, llenar Italiano rimpinzare Tedesco vollstopfen.

abbudàre , vrb Definizione crèschere meda, tropu cracu, nau de erbas e matas Sinonimi e contrari abbudatzare, acambare, afasciai, incimiri Etimo srd. Traduzioni Francese devenir touffu Inglese to thicken Spagnolo tupir, espesar Italiano infoltire Tedesco dicht werden.

abbudatzàre , vrb Definizione nau pruschetotu de sa pértiga noa chi bogat sa bide, crèschere a tropu, a cracu, fàere cambos a meda e guastare puru ca deasi mantenet prus s'umidore Sinonimi e contrari abbudare, apabaglionare, impampinai, incimiri Frasi sa bide si ch'est abbudatzada, ca est chentza irmamada Etimo srd.

abbudegàre abbudagàre

abbudhàda , nf Definizione satzadura a meda; cropu a punghidura a lepa o cun àtera aina a punta Sinonimi e contrari abbentrada, abbrentosicada, abburbudhu, afraschedhada, atatamacada, atatina, imporrada, isbuserigada / apugnalada, infrissida, issacada, istocada Etimo srd.

abbudhàdu , pps, agt Definizione de abbudhare; chi at papau meda; chi dh'ant puntu; chi est pirmau (mau de s'aera, annuada) Sinonimi e contrari mascadu, satzau / puntu 2 / cdh. riadhatu / abbudhonadu Frasi ndh'at avassadu puru, mih, candho s'est bene abbudhadu! 2. arratza de zente abbudhada, chi no cheret prus minestrone! ◊ sos batos no ant chérfidu macarrones: abbudhados sunt! 3. su sole si ch'est frantu a crista bàscia: in s'aera abbudhada e tempestosa si respirat s'alenu de sa dilgràscia Traduzioni Francese rassasié Inglese satiated Spagnolo lleno, harto Italiano satóllo Tedesco satt.

abbudhadúra , nf Definizione su abbudhai, -are.

abbudhài, abbudhàre , vrb Definizione tzatzare a meda, a tropu (e mescamente nau cun tzacu); púnghere cun calecuna cosa; pèrdere su bonumore / abbudhaisí de sonnu = drommire meda Sinonimi e contrari abbentrare, abbentruscare, abbidhiai, abbiscarzare, abbudagare, abbudhescare, abbuzare, aelcare, imbrentai, intrudhiri / istocagiare / abbudhonadu, annicare, pirmare Frasi si ndhe fit abbudhadu tantu chi su giagadu in su labiolu che fit faladu piús de unu prammu Etimo srd. Traduzioni Francese se bourrer Inglese to stuff oneself Spagnolo atiborrar, llenar Italiano rimpinzare Tedesco vollstopfen.

abbudhàtu , agt Sinonimi e contrari abbudadu, abbudatzadu.

abbudhescàre , vrb Sinonimi e contrari abbentrare, abberchedhare, abbidhiai, abbiscarzare, abbrentosicare, abbudagare, abbuzare, afraschedhare, atatamacare, imbrentai, intrudhiri, satzai Etimo srd.

abbudhídu , nm Definizione sa petza cota a budhiu Sinonimi e contrari abbudhu Frasi agabbau su tundhinzu, Pílimu at tentau s'abbudhidu chin sa patata e su sàmbene ◊ manicavat s'abbudhidu sa dumínica Etimo srd.

abbudhonàdu , agt Definizione tristu, ma nau pruschetotu de s'aera candho est totu ammontada de nues Sinonimi e contrari ammurrau, annuadu / imbrumbonadu Frasi no ch'est proindhe ma s'aera est tota die abbudhonada, no s'est bidu su sole mancu iscuta! Etimo srd.

abbudhonadúra , nf Definizione su si abbudhonare, su si pirmare Sinonimi e contrari annuadura, ofiadura Frasi sa die si che l'at colada a abbudhonadura, s'aera 2. a ndhe tenes de abbudhonadura!… Etimo srd.

abbudhonàre , vrb Definizione nau pruschetotu de su chelu chi si ammontat de nues e de sa cara de unu chi perdet su bonumore; papare tropu Sinonimi e contrari annuai 1, incuculare / abbudhai, satzai Etimo srd. Traduzioni Francese obscurcir, assombrir Inglese to darken Spagnolo obscurecer Italiano rabbuiare, rannuvolarsi Tedesco bewölken, sich verfinstern.

abbudhónzu , nm Definizione su si abbudhare, tzatzare a meda, papare a allurpidura.

abbúdhu , nm Definizione cosa cota o de còere a budhiu Frasi sos coghidores de s'abbudhu fint cotos issos prima de s'ustu (S.Murgia).

abbúdhu 1 , nm Definizione tzatzadura, nau fintzes po soddisfatzione, cuntentu 2. comente mai su re at detzisu chi s'ispiju meu benzat segadu, forsis pro dare abbudhu a cudha fémina malaita? (T.Pinna)◊ no ti dao s'abbudhu mancu de ti rispòndhere! ◊ no bi seo mancu pensandhe de li dare s'abbudhu de bínchere issu!

abbudragàre, abbudregàre abbudagàre