A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

atripodhíre , vrb: tripodhire Definizione istrecare, atrotigare, malatratare Sinonimi e contrari increbucire, ischitzare, pinnicai / atripodhare Frasi s'abbardente, si ndhe bufas meda, ti atripodhit puru! Etimo srd.

atripogiài, atripongiài , vrb Definizione giare una bella surra, atripare meda, nau fintzes in su sensu de pigare múngia Sinonimi e contrari abbanzare, arropai, assurrare, atripai, magiare Frasi is mammas, apustis de una dí passada a trummentai e atripogiai cun is fillus, arrólliant po arrallai.

atrípu atrípa

atripuntzídu , agt Definizione atribuntzidu, chi est totu a tzirbisas, nau mescamente de orrobba Sinonimi e contrari afrinzighidu, aggruncipidu, apijighedhadu, fronziu, tripodhadu Frasi zughet sa cara atripuntzida Etimo srd. Traduzioni Francese rugueux, ridé Inglese wrinkled Spagnolo arrugado Italiano rugóso Tedesco faltig.

atriscàre , vrb Definizione atzitzare, pònnere is canes aifatu o contras a ccn. / atriscadu = fintzas coragiosu, atriviu Sinonimi e contrari incidai, inciulai, intriscare, mincidiare Frasi in catza russa, iscapant sos canes e chie los atriscat goi e chie gai, betant fusiladas, boghes (M.Dore)◊ est pro atriscare a isse chi fint tochendhe a mie! 2. custa fit una fémina atriscada e no timia nudha ca su mannedhu l'aiat pesa a mascrinu Etimo srd.

atríscu , nm Definizione su atriscare; fintzes perígulu Sinonimi e contrari incídiu, provocu / arriscu, perículu 2. Nostrasennora mia, custu est un'atriscu, no mi lassedas solu!

atristài, atristàre , vrb Definizione fàere o essire tristu, fàere pigare dispraxere Sinonimi e contrari annozare, intristai | ctr. allegrare, cuntentai Frasi sàrvannos dae sos males chi como nos atristant!◊ Gesús iat cumentzau a si atristai e apenai.

atristàu , pps, agt Definizione de atristare; chi est tristu, at tentu dispraxere Sinonimi e contrari atristuridu, tristu | ctr. contentu, pregiosu 2. bido chi ses atristadu: e ite ti ndh'est costadu de cudha cumpannia tantu amorosa? ◊ giamàdemi s'atristada!◊ isto tantu atristadu chi de piànghere m'isfato.

atristurídu , agt Sinonimi e contrari atristau, tristu.

atríte artríte

atrítu , nm Definizione su frigamentu de una cosa chi passat arrasigandho cun àtera, tocandho e faendho dificurtade Sinonimi e contrari frigamentu, frigóngiu, sfrigóngiu Traduzioni Francese résistance Inglese friction Spagnolo roce Italiano attrito Tedesco Reibung.

atritzàre , vrb Definizione fàere is trícias, a trícias Frasi calecunu atritzat carchi camba de pedhe e faghet sas sogas a tritzita Etimo srd.

atrítze , nf Sinonimi e contrari atora.

atritzonàre , vrb Definizione fàere is pilos de conca a matzos, a pubusones Etimo srd.

àtriu , nm Definizione logu largu a s'intrada de unu palàtziu.

atrivía, atrivída atribída

atrividítu , agt Definizione nau de ccn., chi si atrivit, chi costumat a aconcare fintzes inue o candho dhue at perígulu o dificurtade manna Sinonimi e contrari aconcaditu, aconcau, arriscadu, atreviu, atrivijolu, conchedha, sconcau | ctr. timigiolu Terminologia scientifica ntl Etimo srd. Traduzioni Francese hardi Inglese brave Spagnolo atrevido Italiano ardimentóso Tedesco tapfer.

atrivídu atrevíu

atrividúra , nf Definizione genia de coràgiu e fintzes de arriscu a fàere ccn. cosa Sinonimi e contrari àcia, alidantza, atrevimentu, osadia Etimo srd.

atrivijólu , agt Sinonimi e contrari atreviu, atrividitu, coragiosu | ctr. timigiolu Frasi custa no est pitzinna timorosa, est de coro forte e atrivijola! (C.Frau)