A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cautziòne caussiòne

cauxèta cabexèta

càva càba

cavacàda , nf: covecada Definizione su covecare; a logos, is versos de unu mutu chi faent rima cun s'istérria, sa cobertantza Sinonimi e contrari covecadura / coberimentu, copertura, torrada | ctr. sterrina.

cavacài, cavacàre , vrb: acavacai, cobacare, cobecai, cobecare, copercare, coperciare, covacare, covecare, covocare, crobecai, crobecare, cropecare, cuprecare Definizione pònnere calecuna cosa coment'e a covecu, po ammontu, in pitzu, e carragiare etotu; girare, furriare una cosa (o a unu) comente si ponet unu covecu, nau in su sensu de dhu bínchere, de dhu cumbínchere a calecuna cosa, fintzes isserrare Sinonimi e contrari acuguzare, apatigai, bíncere, furriai, inconchinare, tavacare / conchinare, cumbínchere | ctr. iscavacare Modi di dire csn: èssere covacadu a suore = a una murca de suore, insorau; casu de cuprecare = casu de fàghere a culirzones Frasi s'isterzu samunadu si covecat a sucutare ◊ a su piatu si ndhe li covecat un'àteru pro muntènnere sa cosa in caentu ◊ daghi che aiant crobecau su baulu, su tziu si est postu a brabulliare 2. candho falat su ràndhine, covàcadi! ◊ sa pinneta est covacada a bude ◊ fit una domo betza meda e covacada a fenu ◊ su chelu est totu covacadu de nues ◊ sa paghe s'ala betat cavachendhe sas puntas de su male ◊ sas cartzas covacant sas ancas 3. est própiu cropecadu dae su demóniu! ◊ a chie sisiat, betzu, mannu o minore, che lu covecaiat 4. sos fizos, mischinos, sunt semper in intro che copercaos! Etimo srd. Traduzioni Francese couvrir, renverser Inglese to cover, to overturn Spagnolo tapar, volcar, convencer Italiano coprire, capovòlgere, sopraffare Tedesco bedecken, stürzen, überwältigen.

cavàcu , nm: cobacu, covacu Definizione crobetore, coment'e tapu de un'istrégiu largu, o calecuna cosa lada de pònnere in pitzu Sinonimi e contrari acovecu, cabertore, tavacu / cdh. cuvacu / apetigu Modi di dire csn: covecu de s'ogru = sa pabarista, sa prapedha; agatare a ccn. furandhe a manu in covacu = sighire in grímines Frasi a su baule li ant ingiaitadu su covacu ◊ si est abbertu su covacu de sa tabbachera ◊ ant fatu burdellu mannu tzochendhe padedhas e covacos Etimo srd. Traduzioni Francese couvercle Inglese cover Spagnolo tapa (f), tapadera (f) Italiano copèrchio Tedesco Deckel.

cavadhéri cadhéri

cavàdhu cabàdhu

cavàglia , nf: cavalla, gavàglia Definizione unu pische a ispertiadas de diferente colore, unu pagu asulu Sinonimi e contrari bísaru Terminologia scientifica psc, scomber scombrus Etimo ctl. caballa Traduzioni Francese scombre Inglese mackerel Spagnolo caballa Italiano scómbro, maccarèllo Tedesco Makrele.

cavaglieràdu , nm Definizione su èssere cavaglieri Traduzioni Francese titre de chevalier Inglese knight hood Spagnolo caballerato Italiano cavalierato Tedesco Ritterwürde.

cavagliéri cabagliéri

cavàgna , nf, nm: cavània, cavànna, cavànnia, cavànniu, gavagna Definizione istrégiu mannu de càrrigu, a usu de cascita, no tanti artu, fatu a tiras longas de linna ladas e intéssias Sinonimi e contrari cofa Frasi de sa butega est essiu unu piciochedhu cun d-una cavagna de pani ◊ at pigau sa cavànnia po arregòlliri canciofa Terminologia scientifica stz Traduzioni Francese panier, grande corbeille Inglese shopping-bag, big basket Spagnolo cesta Italiano spòrta, gròssa césta Tedesco Korb.

cavaléri , nm Definizione cavaleri de tassa, genia de friore Sinonimi e contrari narcisu Frasi su cavaleri de tassa dhi at a sighiri a florí acanta, a su muru Terminologia scientifica rba, narcissus tazetta Traduzioni Francese narcisse Inglese narcissus Spagnolo narciso Italiano narciso Tedesco Narzisse.

cavalisséntzia , nf Definizione tempus de pàsiu chi giaent a unu dipendhente (ma prus che àteru a unu militare) apustis de una maladia Traduzioni Francese convalescence Inglese convalescence Spagnolo convalecencia Italiano convalescènza Tedesco Genesung.

cavàlla cavàglia

cavallànti , nm Definizione in logos de trebballos mannos chi dhue iat gente meda (ma fintzes in is bidhas), ómine a cuadhu po fàere cumandhos, misciones, carrare cosa a bèndhere o fintzes a contu de àtere Frasi su cavallanti càrrigu de fagotus andat a s'operaju de miniera cun líteras e saludus…

cavalléri cabagliéri

cavallería , nf Definizione corpus militare de sordaos a cuadhu Traduzioni Francese cavalerie Inglese cavalry Spagnolo caballería Italiano cavallerìa Tedesco Kavallerie.

cavalleríssu , nm Definizione chie cicit is cuadhos o est bonu a cicire a cuadhu Sinonimi e contrari setzidore.

cavallizéri , nm Definizione sordau, a cuadhu, armau cun armas ligeras Traduzioni Francese chasseur à cheval Inglese cavalryman Spagnolo soldado de caballería Italiano cavalleggièro Tedesco leichter Ritter.