A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cazadúra cagliadúra

cazagàza cagiagàgia

cazàre cagiàre

cazàre 1 , nm Definizione su fodhe ue su pegus piticu portat su càgiu Sinonimi e contrari cracale, giagale Etimo srd.

cazàri, cazàrju , nm Definizione istrégiu (de ortigu) a pònnere su càgiu Frasi trastos de pinneta: tasca, lama, corcàrgiu, cazari, barile, bértula, istrale, lapiolu, múrica… Etimo srd.

cazentàda caentàda

cazentàre caglientài

cazènte callènte

cazéntu , nm Sinonimi e contrari alore, caentu*, caldumu, cheghentu | ctr. friscura

cazinàre , vrb Definizione fàere sa cosa a unu martitzu, a papinu, tropu modhe e isfata, cagiada a fortza de cotura Sinonimi e contrari spuentai Etimo srd.

cazòsa , nf: gazosa Definizione genia de bufóngiu fatu cun abba, tzúcuru e anidride carbónica.

càzu càllu

cèa , nf: chea, cheja, gea Definizione terrenu in paris, friscu e bonu, prus che àteru in logu bàsciu chi faet a badhe; tretu in paris, fatu a pratza o unu pagu a fossu, po dhue fàere crabone e fintzes su muntone de sa linna de fàere a crabone; calanca, fossighedhu, fossu, a logos fintzes losa, su chi si faet in campusantu po pònnere unu mortu Sinonimi e contrari badhe / crabonalza, fogàgia, piatza 1 Modi di dire csn: sa chea de s'oju = sa calanca de s'ogru; chea de su batile = su fossitedhu de su batile; a pasare a sa chea! = apustis mortu, candho unu ch'est in sa fossa; acadhare sa chea = assentare sa linna pro la carrarzare e pònnere fogu faghindhe carbone Frasi apu sonnau de cantai ispantus de ceas in frori ◊ chi no fessit ca ti apu isposau dèu fiast ancora pascendi procus me is ceas! ◊ si bidiat sa luxi de su soli calendi peri is costeras e in sa cea ◊ fiat una cea prena de matas e de tupas ◊ sa crésia de Sacàrgia est in d-una bella cea inghiriada de montixedhus (B.Erdas)◊ mama mea annaiat a messare e marrare in cussas chejas de sa màrghine 2. custos parisedhos sunt totu cheas chi che ant fatu faghindhe carbone ◊ ite cheas mi atzendhes in carres! ◊ sa linna si coghet a carbone in sa chea 3. preparesint una chea manna e in cue che ponzesint sa morta e l'assacarresint de terra ◊ custu santugristos est a lu pònnere in sa chea mia, candho apo a èssere mortu ◊ irforrade medas chejas in custa vadhe: si ant a prenare de abba! Terminologia scientifica slg Etimo srdn. Traduzioni Francese fossé, plaine encaissée, charbonnière Inglese ditch, charcoal pit, plain Spagnolo foso (m), zanja, carbonera Italiano fòsso, pianura incassata, carbonàia Tedesco Graben, Kohlenmeiler.

cèa 1 , nf: gea* 1, zea Sinonimi e contrari aeda, beda, biarava Terminologia scientifica rbzc, Beta vulgaris.

cèbera , nf: sèbera, tèpera, tzèpara* Definizione pedra, logu pedrosu.

cecíre , vrb: cicie, cicire, setzire, tzetzire Definizione pònnere, istare cun is nàdias postas (in terra, in d-una cadira, a cuadhu, e àteru); orrúere o calare bene (nau de bestimentu), de manera chi una cosa si adatat, o istat firma / pps. ceciu, ciciu; a sa cicida = istendhe sétidos Sinonimi e contrari seciai, sècere, sèdere | ctr. pesare, stantarxai Frasi cicidi ca mi faes cumpangia! ◊ mi cècio inoghe ◊ mancat su tempus de si cicire e iscríere ◊ baie e ciciesi, ca seo intrandho!◊ si est torrau e cicie in sa cadira 2. a piciochedhos andhaiaus a brinchidare in is muredhos e giogare a "sa ladedha" cicios in terra ◊ sa bona parte dha fàcio ciciu mancari in secidórgiu cammiau (I.Casula)

cécula , nf Definizione tretu tundhu in conca, túndhiu, chi portànt is preides unu tempus / èssere in c. = portai sa c. Sinonimi e contrari chérica, chirighia, créchia, lériga Frasi gasi sias in cécula!…

cedàda , nf Sinonimi e contrari acaida, cagliada, citida | ctr. faedhada Etimo srd.

cedàe, cedàre , vrb: chedare Definizione sessare, tasire de foedhare, chellare Sinonimi e contrari acaidare, assamudare, cagliai, citire | ctr. faedhare Frasi no fut a dhu murrungiare e méngius si si fut chedau ◊ chedaeosi, dimónios!◊ furint atremenandho is piciochedhos a si cedae a sa muda.

cèdere , vrb: cèdiri, tzèdere* Definizione pèrdere is fortzas, lassare andhare, no aguantare prus, lassare bínchere s'àteru o un'àtera fortza Sinonimi e contrari ammollai, arrèndhere, indugi, iscapae Frasi a fuire cun tegus no apo a cèdere, ca solu su dh'intèndhere mi est fastígiu, e méngius est chi Deu mi ndhe let! (A.Barra)◊ a isse li aviant cédidu terrinu Traduzioni Francese céder Inglese to give Spagnolo ceder Italiano cèdere, soccómbere Tedesco erliegen.