A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cènsa , prep Sinonimi e contrari cena 1, chentza, sència* Frasi censa dinari no si cantat missa! ◊ po immoe apu prubbicau solu una cummédia: is àteras dhas ant portadas in iscena censa prubbicai.

censiméntu , nm: tzensimentu Definizione sa crica, sa registratzione e su contu de totu is datos de una populatzione (o fintzes de àteru) Frasi s'imperadori cun d-unu decretu iat ordinau su censimentu de totus is chi biviant in s'imperu ◊ in Ula, in su censimentu de su 1951, dhue fiant duos ferreris, duos maistros de linna, duos maistros de pannu e bàtoro maistros de muru ◊ no ant acurtu a ponni su númiru in sa porta: comenti ant a arrinnesci a fai su censimentu? ◊ at fatu unu censimentu de totus sos abbitantes dae sos vinti annos in susu e at acatadu ca fint trechenta miza Traduzioni Francese recensement Inglese cencus Spagnolo censo Italiano censiménto Tedesco Zählung.

censòre , nm Traduzioni Francese censeur Inglese censor Spagnolo censor Italiano censóre Tedesco Zensor.

cénsu , nm Definizione is intradas, s'errichesa de unu Traduzioni Francese patrimoine Inglese wealth Spagnolo patrimonio Italiano cènso Tedesco Vermögen.

censúra , nf Definizione genia de controllu e de apretzetamentu e curretzione chi si faet a unu po su chi at fatu o est faendho Traduzioni Francese censure Inglese censorship Spagnolo censura Italiano censura Tedesco Zensur.

censuradòre, censuradòri , nm Definizione chie faet is censuras Terminologia scientifica prf.

censurài, censuràre , vrb Definizione fàere censuras, nàrrere cosa in contràriu Sinonimi e contrari criticai, zudicare.

centàuru , nm Definizione genia de mostru chi nanca fut mesu cuadhu (fintzes a chintzu) e mesu ómine (de chintzu in susu); oe, is chi manígiant motos mannas Traduzioni Francese Centaure Inglese centaur Spagnolo centauro Italiano centàuro Tedesco Zentaur.

centèna , nf: centina, chentina 1 Definizione unos o unas chentu, su tanti de chentu Frasi at comporadu una chentina de fiados ◊ sa bidha nosta unu tempus teniat una centena de burricus Etimo ctl., spn. centena Traduzioni Francese centaine Inglese hundred Spagnolo centena Italiano centinàio Tedesco etwa hundert.

centésimu , nm: chentésimu, giantésimu, tzentésimu Definizione unu in chentu, una parte de una cosa cumpartida in chentu, nau fintzas de dinare 2. si benit a pedire, mancu centésimu dhi giao! Etimo itl. Traduzioni Francese centième, centime Inglese hundredth Spagnolo centésimo, céntimo Italiano centèsimo Tedesco Hundertstel.

centilèna, centilène , nf, nm: tzentilena Definizione genia de gasu chi si faet cun carburu de càlciu e abba: allutu est bonu a fàere lughe; làmpana a carburu.

centímetru , nm: tzentímetru Definizione de su metro, una parte in chentu Frasi is peighedhos de sa cadiredha furint artos binti o binti chimbe centímetros ◊ in cust'arruga aciuvosa femus caminendi cun is arrodas cuíndixi centímetrus cravadas in terra ◊ issa est prus bàscia de mei de unus cantu centímetrus ◊ at segadu unu bucone de linna de tres o bàtoro centímetros Traduzioni Francese centimètre Inglese centimetre Spagnolo centímetro Italiano centìmetro Tedesco Zentimeter.

centína centèna

centràle, centràli , agt, nf: tzentrale Definizione chi est in mesu in mesu; logu inue si produet calecuna cosa chi de cue si mandhat a tantas bandhas (es. elétricu, gasu) Traduzioni Francese central Inglese central, plant Spagnolo central, céntrico, central Italiano centrale Tedesco zentral, Zentrale.

céntru , nm: tzentru Definizione su puntu, su logu chi arresurtat própriu in mesu, o fintzes chi est prus de importu a cunfrontu de àteros chi ndhe dipendhent Sinonimi e contrari | ctr. oru Traduzioni Francese centre Inglese centre Spagnolo centro Italiano cèntro Tedesco Zentrum.

céntu , agt, nm: chentu Definizione deghe deghinas, deghe bortas deghe (in números àrabbos 100, in números romanos C): in sardu est su númeru chi si narat po nàrrere própriu medas; podet cuncordare o nono cun su númene chi acumpàngiat candho impare cun unos, unus s'impreat po nàrrere azummai chentu (unas chentas pessones, unas chentu pessones), e cuncordat sèmpere in números cumpostos (dughentas berbeghes, dughentos cadhos, duxentas personas, duxentus cristianus), foras a sa camp.; totu a unu cun àteros numeràrios, si ponet innanti cun mila/miza, ma apustis cun is múltiplos fintzes a noe: chentumiza, dughentos, trexentus; in is cumpostos cun mila/miza sa /s/ de su pl. iscumparit: dughentamiza, duxentumila, chimmeghentamila, otuxentumila / erba de chentu nodos = erbastérria (Polygonum aviculare), erba de centus nuus = survache (Equisetum palustre)/ dare sos chentu a unu = dàreli sos augúrios Frasi si est crepau in centu e un'arrogu ◊ l'at colpidu chentu e unu male ◊ tue faghes chentu e unu machine ◊ a chent'annos cun saludu! ◊ una maladia is féminas teneis: centu ndi bieis e centu ndi amais! (R.Locci)◊ custu piciochedhu una ndi pensat e centu ndi fait! 2. semus contendhe a chentu a chentu ◊ de custus butiglionis ndi tengu una pariga ’e centus ◊ Bodale ch'est in sos chentu! ◊ pro fàghere cussa faina no bi at bisonzu de èssere in chentu! Cognomi e Proverbi prb: de una fiza ndhe cheret chentu bènneros ◊ unu babbu pesat centu fígios e centu fígios no càstiant unu babbu Etimo ltn. centum Traduzioni Francese cent Inglese a hundred Spagnolo ciento, cien Italiano cènto Tedesco hundert, Hundert.

centuàncas , nm Definizione babboi de centu peis (bíndhighi paja o de prus segundhu sa calidade), genia de bobboitedhu longhitu e totu peis chi curret lestru lestru, mescamente su chi si agatat in is domos Sinonimi e contrari centubeis, centugambas, chentubiudu Terminologia scientifica crp, scutigera coleoptrata Etimo srd. Traduzioni Francese mille-pattes Inglese millepede Spagnolo milpiés Italiano millepièdi Tedesco Tausendfuß.

centubèis, centubès , nm: chentubès Definizione babboi de centu peis (bíndhighi paja o de prus segundhu sa calidade), genia de bobboitedhu longhitu e totu peis chi curret lestru lestru, mescamente su chi si agatat in is domos; su centubeis de asuta de terra = hymantarium angulosum; est fintzas su bobboitedhu arrumbulutzu, su chi si serrat e faet a birilla si dhu tocant / unu chentubès, duos chentupès Sinonimi e contrari centuancas, centugambas, chentubiudu / abbericúngia, poburedha Terminologia scientifica crp Etimo srd. Traduzioni Francese mille-pattes Inglese millepede Spagnolo milpiés Italiano millepièdi Tedesco Tausendfuß.

centubigiòne, centubillòni, centubixòne, centubuxònes, centubuzòne , nm: chentubuzone, chentupizone, chentupuzone Definizione s'istògomo totu pígios de unos cantu animales: bentre chentu puzones, o chentu pizos, o brente grussa Sinonimi e contrari bentrebizàdile, bentrelussa, chentubizos, entrebizone Frasi cussu portat pinnigas prus de su centubigionis! Terminologia scientifica crn Etimo ltn. centipellione(m) Traduzioni Francese feuillet, livret Inglese omasum Spagnolo omaso, libro Italiano centopèlle Tedesco Blättermagen.

centugàmbas , nm Definizione babboi de centu peis (bíndhighi paja o de prus segundhu sa calidade), genia de bobboitedhu longhitu e totu peis chi curret lestru lestru, mescamente su chi si agatat in is domos Sinonimi e contrari centuancas, centubeis, chentubiudu Terminologia scientifica crp, scutigera coleoptrata Etimo srd.