A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cudumàda , nf Sinonimi e contrari decumada*.

cudumàre , vrb Sinonimi e contrari decumare*.

cúe cúbe

cuèbi , nm Sinonimi e contrari corcadorju Frasi bai a crochera, aici cumentzas a callentai su cuebi!◊ fortzis dhi cumentzu a callentai su cuebi ◊ is mascus fiant arrasaus e su priogu no fadiat cuebi, ma is féminas portaiaus is trícias!

cuédhu cubédhu

cuégliu , nm Definizione tira de cosa, coment'e unu collu biancu de pònnere in su tzugu, in su bestimentu de is preides Sinonimi e contrari ballona Terminologia scientifica prdc Etimo spn. cuello Traduzioni Francese col romain Inglese neckband Spagnolo collarín, alzacuello, gorjal Italiano collare da prète Tedesco Halsbinde.

cuentàre , vrb Definizione nàrrere o cricare contos, chistionos; nàrrere, bogare chi… Frasi una via sa mutzere si nche fit isserrata a cuentare chin d-una vichina 2. canno si secaiat unu fridu s'intenniat deretu carcunu cuentanne chi aiat fatu su dannu Biancone Etimo srd.

cuentéri , agt, nm Definizione chi o chie istat sèmpere naendho contos, alleghetandho Frasi cussas sunt féminas cuenteras ◊ isse fit unu cuenteri e arrejonatore abbistu, geo mutulone ma ascurtatore vonu ◊ sas cosas in sas vidhas cuenteras s'ischint in lestresa Etimo srd.

cuéntu , nm Definizione contu etotu, ma bistu prus che àteru coment'e bodheta, chistionu a crítiga Sinonimi e contrari contu Frasi tra contus e cuentus, si ndi est andau su tempus ◊ so intratesu a nàrrere su cuentu, ma nessi carchi cosa la naro etotu! Etimo spn. cuento.

cueràntza , nf Definizione paga fissa de chie est in postu Sinonimi e contrari istipéndhiu Etimo srd.

cuércu cobécu

cuerèla carèla

cuereladòre , nm Definizione chie portat s'acusa, chie faet sa denúntzia a sa giustítzia Sinonimi e contrari acusadore.

cuereladúra , nf Definizione su fàere sa denúntzia a sa giustítzia, su giare sa chèscia de unu dannu Sinonimi e contrari acusa.

cuerelài, cuerelàre carelàre

cuerrài, cuerràre , vrb Definizione cuare ma prus che àteru po fàere s'ala, po fàere is partesas a ccn.; mantènnere unu segretu Sinonimi e contrari cuai, cuberrare* | ctr. iscuguzare, iscobiare Frasi sa muzere a bortas cuerrat a su maridu sas fartas de sos fizos ◊ dae sos canes truvada si cuerrat assustrada aintru de una pinneta afaca a mare ◊ nosu fintzas a immoi dh'eus tentu cuerrau, ma ti feus a iscí ca… 2. sa boche de s'internu ti faedhat de culpa, de pecadu cuerradu Cognomi e Proverbi prb: chie furat e chie cuerrat sunt cumpanzos de pare ◊ muzere manna cuerrat maridu Traduzioni Francese cacher Inglese to hide Spagnolo esconder Italiano nascóndere Tedesco verstecken.

cuérru , nm Definizione su cuerrare, su si cuerrare o pònnere ammontu, logu apartau o de aprigu, cosa chi cuerrat o po cuerrare Sinonimi e contrari cuberru*, cuguzu / apozu Frasi chin copertas de lana pro cuerru mi ndhe tia importare de s'ierru! ◊ no pensat chi s'ijerru torrat e det àere bisonzu de cuerru pro si ammantare ◊ sa domo chi teniat po cuerru faiat piedade 2. sas puntas de Ollolai sunt su cuerru de sos murones ◊ sos puzonedhos in mesu de su nie chircant in debbadas unu cuerru ◊ cust'àrbure manna in tempus de fritu est unu cuerru ◊ teniant in cuerru pira, nughe e nintzola ◊ bisos de lughe costoidos in cuerros profundhos de su coro Traduzioni Francese abri Inglese shelter Spagnolo amparo, reparo, cobijo? Italiano riparo Tedesco Schutz.

cuéru coéru

cuestòre, cuestòri , nm Definizione su chi cumandhat is fortzas de pulitzia in is províncias Terminologia scientifica prf Traduzioni Francese préfet de police Inglese head of police administration Spagnolo jefe de policía Italiano questóre Tedesco Polizeichef.

cuestúra , nf Definizione s'ufíciu de su cuestore, totu is servítzios de pulitzia chi dipendhent de unu cuestore Traduzioni Francese préfecture de police Inglese police headquarters Spagnolo jefatura de policía Italiano questura Tedesco Polizeipräsidium.