A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

forfè , avb Definizione a f. = a brétiu, unu tanti chentza mediu.

fórfiga fóltighe

forfigàre folfigiàre

fórfighe fóltighe

forfijàre folfigiàre

forgiài , vrb Definizione trebballare calecuna cosa (mescamente de ferru) giaendhodhi una forma / f. mincídius = contare o nàrrere fàulas Sinonimi e contrari folmare, imbentai Etimo ctl., spn. Traduzioni Francese former, forger Inglese to shape, to forge Spagnolo forjar Italiano foggiare, forgiare Tedesco schmieden, formen.

forítu , nm: furita, furitu Definizione genia de animaledhu areste chi che intrat totue e annestrant mescamente po ndhe fàere essire àteru animale de sa tana; nau in cobertantza, unu chi si che fichit sèmpere in mesu, chi istat sèmpere cricandho Sinonimi e contrari fughitu 1 / fichete 1, frulciaculu Frasi ti che intrat in sas busciacas che furita! ◊ mancari che siant intanados, già ndhe los bogat su foritu ◊ passant cassadoris a furitu e a iscupeta… benimindi ita lichitu su mànigu de sa peta! ◊ is piciochedhus immoi s'ingrutant coment'e furitus po iscorrovonai e circai istrexu antigu Terminologia scientifica anra, mustela furo Etimo itl. Traduzioni Francese furet Inglese ferret Spagnolo hurón Italiano furétto Tedesco Frett, Frettchen.

forivóri , nm Definizione su sassu de su lestínchinu.

forjólu , nm Sinonimi e contrari fornali, forredha, forronali Frasi su sonatzeri iscazat s'otone in su forjolu pro fàghere petiolas e sonazas (N.Demurtas).

fòrma fòlma

formài folmàre

formàle, formàli , agt Definizione chi pertocat sa forma, chi est fatu cunforma a sa régula; chi no pertocat sa sustàntzia de una cosa, de una chistione, ma su comente si faet o est fata.

formalidàde, formalidàdi , nf Definizione sa régula de unu fàere, su fàere a cunforma a sa régula (forma) una cosa, mescamente in chistiones de amministratzione: a bortas, manera de fàere chentza sustàntzia, solu po s'apariéntzia, o solu po arrespetare una régula Traduzioni Francese formalité Inglese formality Spagnolo formalidad Italiano formalità Tedesco Formalität.

formalína , nf Definizione ammesturu de aldéide fórmica cun abba impreau po disinfetare e po chistire materiale orgànicu chentza si guastare Terminologia scientifica ist.

formalizài, formalizàre , vrb Definizione fàere una cosa cunforma a s’arrégula, segundhu sa formalidade.

formàre folmàre

formàu , pps, agt Definizione de formare Sinonimi e contrari fatu 2. candu mai no mi donas findeus a papai: gei fut una minestra formada!…◊ gei fut una música formada… abasciadhu cuss'arràdiu!

forméntu ferméntu

formíca , nf: formiga, formija, frommiga, frommígia, frommija, frommixa, frummiga, frummígia, furmica Definizione bobboedhu minudu (upm) de tantas calidades chi faet sa tana in terra o in truncos sicaos de mata: a milas andhant e torrant a sa tana carrandho semenedhos e faendho unu camminedhu in terra; genia de apicàlliu minudedhu fatu cun duas tirighedhas de pramma intéssia / genias de frommiga: niedha, conchiruja o pitziruja (formiga pitzigajola), luzana (minudedhedha e de colore mélinu), chin sas alas, callai; niu de formiga = cala, tana de f., formigarzu; formighedhas = zenia de maladia; pasciénscia de frommija = passéssia manna; istrintu che unu cú de frommiga = prus de gai!… Sinonimi e contrari bobborissina, callaredha, formígula Frasi a sa cosa de manigare acudit sa frommiga ◊ sa frommiga conchiruja móssigat, sa niedha est púdida ◊ su salatieri a giru a giru est totu prenu de fromiga ◊ sa frommígia conchi rúgia est iscoltighendhe su carru ◊ cussa frommija faghet su nidu in sa linna fràziga ◊ pòvera s'arzola chi timet sa frommiga! ◊ circhendu bellesa impegnada ti biu traghendu a su niu che sa fromiga (R.Locci) 2. dhui currint a usu de fromighedhas ◊ portu sa conca coment'e unu niu de formigas: no biu s'ora de mi crocai Cognomi e Proverbi smb: Formica, Formiga / prb: si est tocada, fintzas sa frommígia si bortat! Terminologia scientifica crp, crematogaster scutellaris, messor barbarus, iridomyrmex humilis, formica lugubris Etimo ltn. formica Traduzioni Francese fourmi Inglese ant Spagnolo hormiga Italiano formica Tedesco Ameise, Argentinische Ameise (iridomyrmex humilis).

fórmica , nf: frómmica Definizione una genia de materiale sintéticu a pígiu fine ma tostau.