A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

forchíe forcíre

forchízu folchízu

fòrcia fòltza

forcidhài forchidhàre

forcionúru , agt Definizione nau de ccn., chi est forte meda, chi giughet fortzas Sinonimi e contrari folte, forsudu Traduzioni Francese musclé Inglese brawny Spagnolo forzudo Italiano forzuto Tedesco sehr kräftig, sehr stark.

forcíre , vrb: frochie, frochire, fruciri, furciri Definizione arregòllere e agguantare is oos asuta in caentu po fàere naschire is pudhighinos, comente faent is pudhas e pigiones chi si cicint in pitzu; fàere sa boghe de sa pudha candho est cicia in is oos o portat is pudhighinos piticos; nau in cobertantza, su abbarrare príngia de sa fémina o, nau de chiesiògiat, istare asseliau Sinonimi e contrari acloai, chiochire, clocire*, crochidare, crocolai, neulire, tzotzare, tzotzire Modi di dire csn: furciri una persona cun is ogus = istare abbaidèndhela a meda, comente e incantados; èssiri fruci fruci (nau de ccn.)= a murrúngius, chèscia chèscia, lamentèndhesi Frasi in su niu dhoi fiat sa mama furcendi is ous ◊ tzia mi at curtu a chinghedhu ca mi che io papau is ous chi portaiat sa pudha frochindho ◊ tenia una pudha frucendho 2. su santu chi ti at furciu! ◊ o pudhas isfacias chi andais peri is bias su caboni circhendi, prestu si biu frucendi!…◊ cussu fraitzu frochit s'imbídia! 3. est andendi e torrendi, circhendi, ma no frucit in nisciunu logu! Traduzioni Francese couver, féconder Inglese to fertilize, to brood Spagnolo empollar, fecundar Italiano covare, fecondare, gallare Tedesco ausbrüten.

fórcis , avb: forsis, fortzis, fossis, frotzis Definizione avb. chi giaet s’idea de una farta de seguresa, solu de possibbilidade Sinonimi e contrari abbellabbatu, bortzis, incàpada Frasi forsis gai andhat bene: bidimus! ◊ est annuendhe: fossis proet ◊ issu fortzis fiat unu pagu arrevésciu ◊ candho azis a bíere fortzis cumprendhides ◊ pobidha tua fortzis ti ponet corros! ◊ a nàrrere "pràghere" fortzis est tropu! ◊ ti pèscias forcis de mi mòrrere?! ◊ fortzis fortzis issu fait vida mellus de genti arrica ◊ non vos che apo iscoitadu forcis dae manos issoro? Etimo itl. forsi Traduzioni Francese peut-être Inglese perhaps Spagnolo tal vez, quizás Italiano fórse Tedesco vielleicht.

fórcu , nm Definizione cosa manna meda Sinonimi e contrari bete, debberone Frasi est unu forcu de ómini chi no passat in s'enna ◊ gei est una peturredha chi portat, cussa fémina, dogna forcu de tita chi parit una síndria!

fordàli fardàli

fordèta fadrèta

forési, foréssi , nm: fresi, froesi, fruesu, furesi, furesu Definizione orrobba téssia grussa, de lana sarda, prus che àteru tintu a niedhu impreau po costúmenes / nighedhu che furesi (de s'arrennegu) = nau de ccn., arrennegau meda Sinonimi e contrari goresi Frasi de furesi, de pinzos e tapetos ndhe at téssidu unu premiarzu ◊ cun d-unu palmu de fresi lu bestis gioga gioghendhe! ◊ sunt imbreagos chi cunfundhent sos fresis chin sas sedas ◊ in sa càscia bi at cannas de fresi, lentolos de linu, costúmenes ricamados 2. sa bidha fit torrata unu burdellu niedhu che furesi Cognomi e Proverbi smb: Fresi, Furesi / prb: mezus furesi ischidu chi no segnore molente Terminologia scientifica ts Etimo ltn. fore(n)sis Traduzioni Francese "orbace" (étoffe sarde en poil de chèvre) Inglese coarse woollen fabric (from sardinia) Spagnolo tejido de lana Italiano orbace Tedesco grobes Wollzeug.

foressídu , agt: foressiu, forexidu Definizione de foressire; chi est essiu fora a bandhidare, chi est bandhidandho Sinonimi e contrari bandhidu, dogau / desessidu, dischissiau 2. ómines foressidos e pastores bi ant agatadu asilu in malas seras (S.Casu)◊ no cheria crèere chi sa família axuaiat sos foressidos, chi cuguzaiat sos betadomos ◊ medas de sos foressidos de Nure aiant su sàmbene atossicadu dae totu su male passadu ◊ sigo a iscríere allegàndhedi de custos bandhuleris foressios (C.Frau) Etimo spn. forajido Traduzioni Francese réfugié politique, en fuite Inglese outlaw, on the run Spagnolo forajido, prófugo Italiano fuoruscito, latitante Tedesco ausgetreten, flüchtig.

foressíre , vrb Definizione essire fora, mescamente essire a bandhidare Sinonimi e contrari bandhidare 2. sas paràulas malas foressint che pumas.

foressíu foressídu

forèsta , nf Definizione logu prenu cracu de matas mannas / fàghere sa f. = segàrendhe sa linna Sinonimi e contrari buscu, catza, padente Frasi sa foresta est totu cartellada 2. candho sos de bidha faghiant sas forestas, a isse si lu leaiant pro lis fàghere carchi cumandhu Terminologia scientifica slg.

forestàgiu , nm Definizione genia de móbbile a pònnere istrégiu Sinonimi e contrari palastràgiu.

forestàle , nf Definizione corpus de guàrdia a contivígiu de is padentes, de s'ambiente.

forestatziòne , nf Definizione prantamentu de matas.

forésu , agt, nm Definizione chi o chie est de fora, de àtera bidha (fintzes de àtera famíglia) Sinonimi e contrari foranu, forasteri, istragnu Frasi chini est cussa dhedha: at a èssi picioca foresa? ◊ labai su foresu: e de innui at a èssi? ◊ nd'at aproviau de genti foresa po sa festa!… Traduzioni Francese étranger Inglese foreign, stranger Spagnolo forastero Italiano forestièro Tedesco fremd, Fremde.

forexídu foressídu