A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

finevíne , agt: finivini 1 Definizione chi est sa mínima grussària Sinonimi e contrari finedhedhu.

fíngas fíncas

fínghere , vrb Definizione fàere is fintas, fàere a bíere o a crèdere una cosa po un'àtera Sinonimi e contrari despintai Frasi no est mancu pro fínghere chi lu faghet, ma pro àteru Etimo itl. fingere.

fíngias fíncas

fingidàdi , nf Definizione sentidu de ódiu, su sentidu chi si provat candho no si ndhe tenet praxere de su bene de s’àteru Sinonimi e contrari imbidiosia Frasi fut crepandu de sa fingidadi po su bene de s'àteru.

fingidòre, fingidòri , agt, nm Definizione chi o chie faet fintas, chi no giaet a bíere su chi sentit, su chi pentzat Sinonimi e contrari caratzanu, facinàrgiu, falsu, fingidu Terminologia scientifica ntl.

fingídu , agt: fingiu Definizione chi costumat a fàere is fintas, a ingannare Sinonimi e contrari caratzanu, dispintadore, falsu, fingidore, finteri, fintu, tramposu | ctr. francu, ispontziau, sentzígliu Frasi candho mi miraias creia chi mi amaias e imbetzes fis fingida ◊ no soi fingia, su giustu ti naru! ◊ cun fingidu pretestu mi at a dare unu carignu ma est pro mi arrestare Terminologia scientifica ntl Traduzioni Francese trompeur, hypocrite Inglese deceiving, hypocrite Spagnolo engañador, hipócrita Italiano ingannatóre, ipòcrita Tedesco trügerisch, heuchlerisch.

fingidúra , nf Definizione su fàere is fintas, fàere o nàrrere o ammostare faendho a crèdere una cosa po un'àtera Sinonimi e contrari binta, dispinta, falsidade, faltzidúdine, fingimentu, finta | ctr. singillidadi Etimo srd. Traduzioni Francese feinte, hypocrisie Inglese falsehood Spagnolo ficción, hipocresía Italiano finzióne, ipocrisìa Tedesco Verstellung, Heuchelei.

fingiméntu , nm Definizione su fàere a crèdere una cosa po un'àtera Sinonimi e contrari binta, falsidade, faltzidúdine, fingidura, finta Frasi eo apo amadu sena fingimentu, ma tue as cambiadu s'amore in istragos! ◊ mi cumbenit, edducas, giudicare chi su chi si cret fide est fingimentu! (M.Dore)

fingíu fingídu

fíni fíne

fíni 1 fíne 1

finiàlla faniàlla

finicàre , vrb: afinicare*, finigare Definizione essire o fàere débbile, fine, coment'e consumau, istasidu Sinonimi e contrari conciumire Frasi so inoche, solu, finicànnemi a làcrimas de chera ◊ andhendhe e torrendhe mi soe finigadu 2. portu s'enna de s'ànima finigada Etimo srd. Traduzioni Francese user Inglese to deteriorate Spagnolo consumir Italiano logorare Tedesco abnutzen.

finichèsa , nf Sinonimi e contrari finària, finesa, sutilesa | ctr. russària Etimo srd.

fínicu , agt, nm: fínigu, fírigu Definizione chi est fine, ma nau prus che àteru de sa tisichesa, su male fínicu; iscassia o farta manna de alimentu e debbilesa Sinonimi e contrari fine 1, sutili / cadéliu, isténia 2. dhus bociant po no dhus lassai mòrriri a fínigus Etimo srd.

finída , nf Definizione su finire; sa fine de calecuna cosa Sinonimi e contrari acabbada.

finidòre, finidòri , agt, nm Definizione chi serbit po finire, chi finit o acabbat calecuna cosa (es. unu trebballu); chie faet trebballos de finidura.

finídu , pps, agt: finiu Definizione de finire; nau de unu, chi est àbbile in su trebballu, chi trebballat bene meda, chi at imparau bene s'arte: nau de una calidade metzana, de unu, chi peus de cussu no podet èssere, deunudotu Sinonimi e contrari acabbau / deretu, spaciau 2. est un'operaju finiu e lestru che bentu ◊ fit diventadu unu mastru finidu: insolaiat botes, faghiat ispiantellas, cosiat tomajas e forrones 3. no ti fides de isse ca est isculatzadu finidu! Cognomi e Proverbi smb: Finiu.

finidúra , nf Definizione parte de unu trebballu, de un'òpera, cosas piticas chi che dhu finint e dhu faent fintzes prus deghile e geniosu Sinonimi e contrari cossumidura / finimentu, rigusígliu | ctr. oridura Frasi sas finiduras cherent fatas bene: si su mastru est bonu si podet bídere in cussu ◊ sa domo noa ch'est fata: petzi carchi finidura bi at abbarradu Traduzioni Francese finissage Inglese trimming Spagnolo acabado Italiano rifinitura, completaménto Tedesco Feinbearbeitung.