A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

interrigonàre interighinàre

interrogài, interrogàre , vrb: intorrogare Definizione pregontare, fàere dimandhas po bòllere ischire, po averguare, nau pruschetotu de chie dhu faet cun autoridade (giustítzia, maistos) Sinonimi e contrari porrogare, precontare Frasi professore e assistentes sunt a betiapare intorrogandhe sos candhidaos Etimo itl. interrogare.

interrogassiòni , nf: interrogatzione, interrogatzioni Definizione su interrogare, su fàere pregontas pruschetotu nau de su chi si dimandhat in iscola a is istudentes po averguare si connoschent un'argumentu, o a chie guvernat po ischire comente est una chistione chi pertocat s'amministratzione, si torrat cun sa beridade ccn. cosa ischípia de àtera manera.

interrogatívu , agt Definizione chi serbit po dimandhare, faendho dimandhas, pregontas, nau mescamente de una genia de puntu /?/ chi si ponet a singiale iscriendho fràsias chi ammostant unu bisóngiu de ischire (cosa chi foedhandho si faet a cumprèndhere faendho sa boghe a bessu o intonu de pedidura).

interrogatóriu , nm Definizione su interrogare, su fàere pregontas, is pregontas etotu candho funt medas Sinonimi e contrari perrogu.

interrogatziòne, interrogatziòni interrogassiòni

interrógu , nm: intorrogu Definizione su interrogare, su fàere pregontas, is pregontas etotu candho ndhe faent medas e benint iscritas cun is arrespostas de s'acusau; fintzes dimandha, documentu, paperi iscritu a un'amministratzione po ccn. bisóngiu Sinonimi e contrari perrogu / dimandha Frasi s'intorrogu replicadu subra de un'idénticu argumentu bene faghiat su riferimentu a Pedru ch'iat a Cristos rinnegadu (A.Loy)◊ a cantu dimandhadu in s'intorrogu dimustras de passare in logu anzenu ◊ sos cussizeris ant presentadu interrogos, motziones e pedidu de faedhare ◊ altru creu chi non ci siat: s’interrogu dh’apu fatu interu! (Bitiredha Melis) 2. ia a bolli isciri ita at iscritu cussu cordogu de dotori candu mi at fatu s'interrogu po sa pensioni! Etimo srd. Traduzioni Francese interrogatoire Inglese interrogatory Spagnolo interrogatorio Italiano interrogatòrio Tedesco Verhör.

interrorídu , agt Definizione chi dh'ant fatu a tímere meda, chi dh'ant fatu ispaurigare o chi est timendho meda Sinonimi e contrari apantamau, istremuntiu, spreluxiu Frasi sa zente fit interrorida, bidindhe totu cuss'abba, proindhe.

intérru , nm Definizione su interrare is mortos, ma nau prus che àteru po s'acumpangiamentu chi dhis faent fintzes a campusantu Sinonimi e contrari tuda / acumpagnu, interràgiu, interramentu / cdh. intarru Frasi totu cussa zente in campusantu… ite bi at, interru? ◊ cantu tocos as inténdhiu de interru e de agonias!…◊ sa fanfarra de miniera fiat provendu sa màrcia po s'interru, coment'e dogna borta Etimo ctl., spn. enterro Traduzioni Francese inhumation, enterrement Inglese burial Spagnolo entierro Italiano inumazióne, seppelliménto Tedesco Beerdigung.

interrutòre, interrutòri , nm Definizione aparíciu (de manigiare prus che àteru a incracadura) chi si ponet pruschetotu in is impiantos elétricos po apèrrere e serrare sa passada de sa currente Frasi fit chilchenne a s'apàlpidu s'interrutore pro atzènnere sa lampadina ◊ incraca cuss'interrutori e alluimí sa luxi! 2. giughiat sa conca bóida che unu moitedhu, pariat chi ndhe li aiant istudadu s’interrutore de su pensamentu (N.Falconi).

intertàntu , avb: intretantu Definizione inter tantu, in su tempus chi acontesset calecuna àtera cosa / in s'intertantu = sughestantu Sinonimi e contrari impeltantu, intere, interistantis, iscantonis, istantonis, istepetantis, paristantu, pestantu, sughestantu Frasi e intertantu si filat sa beste chi det portare in s'àula celeste in s'últimu viàgiu aventurosu (P.Casu)◊ milla s'ora de sa note ch'istirriolat traza traza èsseres chena isetu e intrestantu abbiat caras a s'ispera de un'ora menzus de vida (T.Tedde) Etimo spn? Traduzioni Francese en attendant, entre-temps Inglese meanwhile Spagnolo entretanto Italiano frattanto, intanto Tedesco inzwischen, mittlerweile.

interteniméntu , nm: Definizione su abbarrare, su s'istentare cun passiéntzia a ispiegare, agiudare a cumprèndhere, a fàere ccn. cosa Sinonimi e contrari apentu, stentu, tratenimentu Frasi in sa Comuna no si lu leant s'intertenimentu de t'ispiegare comente depes fàghere! Etimo itl. intrattenimento.

intertènnere , vrb rfl: intretènnere, intretènniri Definizione fàere una cosa cun apentu, cun passione, cun incuru e passiéntzia Sinonimi e contrari apentare, interessai / istare, abbarrare Frasi isse s'intertenet a fàghere sas cosas bene ◊ sa morte fit intrada a bisitare sos betzos de s'ereu e sa bísita si fit intertesa peri a sos prus zòvanos ◊ mi apo a intertènnere pro fàchere intrare un'ómine sàpiu a sa cumpanzia nostra 2. tres annos sunt intretesos, ancora semus gherrendhe cun sos Corsos e Frantzesos (M.Baule).

interténniu , pps Definizione de intertènnere Sinonimi e contrari intertesu.

intertésu , pps Definizione de intertènnere; nau de fémina, chi est impedia, príngia, ibertandho pipiu Sinonimi e contrari interténniu Frasi a fàchere sa paradura si est intertesu s'amicu.

intertzèdere, intertzèdiri , vrb Definizione foedhare a ccn. a favore o profetu de un'àteru Frasi po fai afaris cun paxi depis intertzedi tui!

intertzessiòne , nf Definizione su chi si faet foedhandho a unu a profetu po su bene de un'àteru.

intertzessòre , nm Definizione chi s'interessat e intertenet a foedhare a unu a profetu de un'àteru, nau mescamente de is santos Frasi reina de su chelu soberana e de totu su mundhu intertzessora.

intértzu intéltzu

intéru , agt: intregu, intreu Definizione nau de cosa po su tanti, chi dhu'est totu, chi no ndhe mancat nudha; chi no est segau; nau in cobertantza de ccn. chi si credet meda, chi faet su tostau, chi si bolet pregau, no saludat, no s'indruchet / avb. a note intrea, a die intrea = note note, tota note, a totu noti, die die, tota die, a totu dí Sinonimi e contrari intregadu 1 | ctr. arrogau, secau, truncadu Frasi deo olvido onzi duda, onzi piantu e torro interu e forte a su chi fia ◊ chie cheret imparare cuss'arte traballat chin issu annos intregos 2. custa tatza est intrea, cussa est afilada ◊ unu piatu irbicadu no est intreu 3. za ses intreu, chi mancu bi saludas! ◊ candho essis cun ricos ses intreu, cun pòberos no faghes amistade! Etimo ltn. integru(m) Traduzioni Francese entier (tout) Inglese whole Spagnolo entero Italiano intéro, ìntegro Tedesco vollständig.