A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

interrigonàre interighinàre

interrogài, interrogàre , vrb: intorrogare Definitzione pregontare, fàere dimandhas po bòllere ischire, po averguare, nau pruschetotu de chie dhu faet cun autoridade (giustítzia, maistos) Sinònimos e contràrios porrogare, precontare Frases professore e assistentes sunt a betiapare intorrogandhe sos candhidaos Ètimu itl. interrogare.

interrogassiòni , nf: interrogatzione, interrogatzioni Definitzione su interrogare, su fàere pregontas pruschetotu nau de su chi si dimandhat in iscola a is istudentes po averguare si connoschent un'argumentu, o a chie guvernat po ischire comente est una chistione chi pertocat s'amministratzione, si torrat cun sa beridade ccn. cosa ischípia de àtera manera.

interrogatívu , agt Definitzione chi serbit po dimandhare, faendho dimandhas, pregontas, nau mescamente de una genia de puntu /?/ chi si ponet a singiale iscriendho fràsias chi ammostant unu bisóngiu de ischire (cosa chi foedhandho si faet a cumprèndhere faendho sa boghe a bessu o intonu de pedidura).

interrogatóriu , nm Definitzione su interrogare, su fàere pregontas, is pregontas etotu candho funt medas Sinònimos e contràrios perrogu.

interrogatziòne, interrogatziòni interrogassiòni

interrógu , nm: intorrogu Definitzione su interrogare, su fàere pregontas, is pregontas etotu candho ndhe faent medas e benint iscritas cun is arrespostas de s'acusau; fintzes dimandha, documentu, paperi iscritu a un'amministratzione po ccn. bisóngiu Sinònimos e contràrios perrogu / dimandha Frases s'intorrogu replicadu subra de un'idénticu argumentu bene faghiat su riferimentu a Pedru ch'iat a Cristos rinnegadu (A.Loy)◊ a cantu dimandhadu in s'intorrogu dimustras de passare in logu anzenu ◊ sos cussizeris ant presentadu interrogos, motziones e pedidu de faedhare ◊ altru creu chi non ci siat: s’interrogu dh’apu fatu interu! (Bitiredha Melis) 2. ia a bolli isciri ita at iscritu cussu cordogu de dotori candu mi at fatu s'interrogu po sa pensioni! Ètimu srd. Tradutziones Frantzesu interrogatoire Ingresu interrogatory Ispagnolu interrogatorio Italianu interrogatòrio Tedescu Verhör.

interrorídu , agt Definitzione chi dh'ant fatu a tímere meda, chi dh'ant fatu ispaurigare o chi est timendho meda Sinònimos e contràrios apantamau, istremuntiu, spreluxiu Frases sa zente fit interrorida, bidindhe totu cuss'abba, proindhe.

intérru , nm Definitzione su interrare is mortos, ma nau prus che àteru po s'acumpangiamentu chi dhis faent fintzes a campusantu Sinònimos e contràrios tuda / acumpagnu, interràgiu, interramentu / cdh. intarru Frases totu cussa zente in campusantu… ite bi at, interru? ◊ cantu tocos as inténdhiu de interru e de agonias!…◊ sa fanfarra de miniera fiat provendu sa màrcia po s'interru, coment'e dogna borta Ètimu ctl., spn. enterro Tradutziones Frantzesu inhumation, enterrement Ingresu burial Ispagnolu entierro Italianu inumazióne, seppelliménto Tedescu Beerdigung.

interrutòre, interrutòri , nm Definitzione aparíciu (de manigiare prus che àteru a incracadura) chi si ponet pruschetotu in is impiantos elétricos po apèrrere e serrare sa passada de sa currente Frases fit chilchenne a s'apàlpidu s'interrutore pro atzènnere sa lampadina ◊ incraca cuss'interrutori e alluimí sa luxi! 2. giughiat sa conca bóida che unu moitedhu, pariat chi ndhe li aiant istudadu s’interrutore de su pensamentu (N.Falconi).

intertàntu , avb: intretantu Definitzione inter tantu, in su tempus chi acontesset calecuna àtera cosa / in s'intertantu = sughestantu Sinònimos e contràrios impeltantu, intere, interistantis, iscantonis, istantonis, istepetantis, paristantu, pestantu, sughestantu Frases e intertantu si filat sa beste chi det portare in s'àula celeste in s'últimu viàgiu aventurosu (P.Casu)◊ milla s'ora de sa note ch'istirriolat traza traza èsseres chena isetu e intrestantu abbiat caras a s'ispera de un'ora menzus de vida (T.Tedde) Ètimu spn? Tradutziones Frantzesu en attendant, entre-temps Ingresu meanwhile Ispagnolu entretanto Italianu frattanto, intanto Tedescu inzwischen, mittlerweile.

interteniméntu , nm: Definitzione su abbarrare, su s'istentare cun passiéntzia a ispiegare, agiudare a cumprèndhere, a fàere ccn. cosa Sinònimos e contràrios apentu, stentu, tratenimentu Frases in sa Comuna no si lu leant s'intertenimentu de t'ispiegare comente depes fàghere! Ètimu itl. intrattenimento.

intertènnere , vrb rfl: intretènnere, intretènniri Definitzione fàere una cosa cun apentu, cun passione, cun incuru e passiéntzia Sinònimos e contràrios apentare, interessai / istare, abbarrare Frases isse s'intertenet a fàghere sas cosas bene ◊ sa morte fit intrada a bisitare sos betzos de s'ereu e sa bísita si fit intertesa peri a sos prus zòvanos ◊ mi apo a intertènnere pro fàchere intrare un'ómine sàpiu a sa cumpanzia nostra 2. tres annos sunt intretesos, ancora semus gherrendhe cun sos Corsos e Frantzesos (M.Baule).

interténniu , pps Definitzione de intertènnere Sinònimos e contràrios intertesu.

intertésu , pps Definitzione de intertènnere; nau de fémina, chi est impedia, príngia, ibertandho pipiu Sinònimos e contràrios interténniu Frases a fàchere sa paradura si est intertesu s'amicu.

intertzèdere, intertzèdiri , vrb Definitzione foedhare a ccn. a favore o profetu de un'àteru Frases po fai afaris cun paxi depis intertzedi tui!

intertzessiòne , nf Definitzione su chi si faet foedhandho a unu a profetu po su bene de un'àteru.

intertzessòre , nm Definitzione chi s'interessat e intertenet a foedhare a unu a profetu de un'àteru, nau mescamente de is santos Frases reina de su chelu soberana e de totu su mundhu intertzessora.

intértzu intéltzu

intéru , agt: intregu, intreu Definitzione nau de cosa po su tanti, chi dhu'est totu, chi no ndhe mancat nudha; chi no est segau; nau in cobertantza de ccn. chi si credet meda, chi faet su tostau, chi si bolet pregau, no saludat, no s'indruchet / avb. a note intrea, a die intrea = note note, tota note, a totu noti, die die, tota die, a totu dí Sinònimos e contràrios intregadu 1 | ctr. arrogau, secau, truncadu Frases deo olvido onzi duda, onzi piantu e torro interu e forte a su chi fia ◊ chie cheret imparare cuss'arte traballat chin issu annos intregos 2. custa tatza est intrea, cussa est afilada ◊ unu piatu irbicadu no est intreu 3. za ses intreu, chi mancu bi saludas! ◊ candho essis cun ricos ses intreu, cun pòberos no faghes amistade! Ètimu ltn. integru(m) Tradutziones Frantzesu entier (tout) Ingresu whole Ispagnolu entero Italianu intéro, ìntegro Tedescu vollständig.