A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

intíchiu, intícu , nm Definizione gana de mossigare cosa tostada chi benit a is animales coment'e maladia; fintzes una genia de pispinidura, de tristura, de annicu, de malumore 2. e ita tenis, s'inticu, chi ses aici tristu? Cognomi e Proverbi smb: Inticcu, Inticu Terminologia scientifica mld.

intíga , nf Definizione capacidade de fàere cosa Sinonimi e contrari abbilidade, abbiléncia, abbilesa, capacidade Frasi no zughet s'intiga de si che pesare unu muru, de si semenare pagos ranos de laore, de si cosire unu traste ◊ a l'as zuta s'intiga… epuru bi l'as fata a mazare una criadura!

intígnere , vrb: intínghede, intínghere, intíngiri Definizione pigare o pònnere tinta, fàere de àteru colore; pònnere in lutu, bestire a dolu / pps. intintu Sinonimi e contrari illatare, imbarjare, tígnere / inlutai Frasi sos burdones sunt intinghendhe ◊ cussa fémina no acudit mancu a s'intínghere sos murros ◊ intinghendhe linna fipo balente cantu a su mastru ◊ dèu intíngiu sa lana cun su croxu de s'arenara ◊ ita ti at acucau, oi, ca intingis cussa genna? 2. mucadoredhu cotu chi mi ant arregalau… dèu m'intíngiu totu si ti ndi andas sordau! ◊ mortu est maridu meu: como za mi l'intingo su zipone! ◊ si est intintu ca li est morta sa pobidha Etimo srd. Traduzioni Francese teindre Inglese to dye Spagnolo teñir Italiano tìngere Tedesco färben.

intilliàre , vrb Sinonimi e contrari abbirtiai, indeletare, ingeniai.

intilliéri , agt Definizione chi s'intílliat, chi s'ingéniat Sinonimi e contrari ammaniosu, artigiosu, indelletosu, ingeniosu, inzeniache Etimo srd.

intilliósu , agt Definizione chi s'intílliat, chi s'ingéniat Sinonimi e contrari indelletosu, ingeniosu, intillieri, inzeniache Etimo srd.

intílliu , nm Definizione capacidade de fàere, de imbentare, de s'ingeniare Sinonimi e contrari albítriu, ingéniu Etimo srd. Traduzioni Francese ingéniosité Inglese ingeniousness Spagnolo ingeniosidad Italiano ingegnosità Tedesco Einfallsreichtum.

intíma , nf Definizione genia de órdine, ammonestu grae chi mescamente un'autoridade (o chie credet de pòdere cumandhare) giaet de fàere o de no fàere una cosa Sinonimi e contrari abertimentu, addochimentu, ammonestu, atisbada, avelténtzia, consígiu, intimatzioni Frasi chi emu portau pistola aici dh'emu rispostu a s'intima! ◊ si ti cheres sarvare, custu nàrrere ti servat de intima ◊ no intro in pagura mancu ca est morte tua intima mea! ◊ faghet sas cosas cun intimas e minetas ◊ su giugi dhi at mandau s'intima ◊ s'intima de su síndigu narat de no fuliai àliga a passiu (G.Mura) Etimo spn., ctl. intima, entima Traduzioni Francese injonction, notification, sommation Inglese notice, injunction Spagnolo intimación Italiano ingiunzióne, notificazióne, diffida Tedesco Befehl, Zustellung, Verwarnung.

intimàda , nf Sinonimi e contrari intima, intimatzioni Etimo srd.

intimadòri , agt, nm Definizione chi o chie faet s'intima Etimo srd.

intimài, intimàre , vrb Definizione mandhare, betare, fàere s'intima, proibbire, ordinare o ammeletzare calecuna o cun calecuna cosa Sinonimi e contrari impònnere Frasi sos bentos divididos totu si sunt unidos pro mi intimare gherra! (G.Congiu)◊ pariant fatèndhelu a dispetu su mi intimare gai sos muschetes! ◊ Gesús dh'iat intimau: Citidí e bessi luegu de cust'ómini! ◊ si ti devo cosa, intima, za che at cuntziliadore! Traduzioni Francese sommer (dr.), notifier, mettre en demeure Inglese to order, to warn Spagnolo intimar Italiano intimare, notificare, diffidare Tedesco zustellen, auffordern.

intimatziòni , nf Sinonimi e contrari intima, intimada.

intimidàde , nf Definizione su èssere íntimu, díligu, apartau, nau de unu cumportamentu, de unu fàere chi no deghet a dhu giare a bíere.

intimòre intemòre

intimoriàre , vrb Definizione pònnere timoria, fàere a tímere Sinonimi e contrari intimorigiai Frasi intimoriados dai s'ojada fea de su mere, ponzeint a mente 2. su pisedhu, bidendhe su babbu afruscadu ca aiat istentadu, fit intimoriadu.

intimorigiài , vrb: intimorillai, intimorizai, intimorizare Definizione pònnere timoria, fàere a tímere: prnl., tímere Sinonimi e contrari apantejare, apramare, asciustrare, aterrighinare, atimorigiai, intimoriare Frasi intimorígiant sa genti cun sonus de cadenas e cun itzérrius ◊ comenti at inténdiu a issu si est intimorigiau 2. biendi iscurighendi a mesudí chini no nd'iat a èssi intimorigiau? Traduzioni Francese effrayer Inglese to intimidate Spagnolo atemorizar Italiano intimorire Tedesco veränstigen.

intimorigiàu , pps Definizione de intimorigiai, chi est timendho Sinonimi e contrari intimorigiu 2. est intimorillau de torrai a biri su meri.

intimorigíu , agt Definizione chi est coment'e timendho Sinonimi e contrari intimorigiau Frasi intimorigius e merevillaus si narànt s'unu cun s'atru: Ma chini est, issu? Etimo srd.

intimorillài intimorigiài

intimoríre , vrb Sinonimi e contrari intimoriare, intimorigiai.