A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

iscurfidòre , nm Definizione chie si ponet in mesu de duos brigandho o gherrandho po dhos separare e fàere acabbare sa briga Sinonimi e contrari iscurpidore.

iscúrfita , nf Definizione su iscúrfere Etimo srd.

iscuría iscoríu

iscúria , nf Definizione orina retesa, neghe de no urinare Traduzioni Francese rétention d'urine Inglese retention of urine Spagnolo retención de orina Italiano ritenzióne delle urine Tedesco Harnverhaltung.

iscuría 1 , nf Definizione mancàntzia o iscassia de cosa; cosighedha de pagu contu, chi no dhue at mancu it'e bíere Sinonimi e contrari carestia, iscassia, merchinzia / arrevenicu, bóciga | ctr. bundhàntzia 2. bella iscuria ti ant dadu pro tabbacu! ◊ cuss'iscuria pro totu cussu casu!… Etimo srd. Traduzioni Francese pénurie Inglese scarcity Spagnolo penuria, escasez Italiano penùria Tedesco Mangel.

iscuriài, iscuriàre iscorigài

iscuricàda , nf: iscuricata, iscurigada Definizione su iscurigare; s'ora chi est iscurigandho Sinonimi e contrari inchinadorzu, interighinada, interinada, intríchinu, iscurigadolzu, iscurigantina, murriadrosu, oscuressida | ctr. abbréschida Frasi ch'essiat prima de fàghere die e torraiat a s'iscurigada ◊ tribagliaiat dae candho illughintinaiat a s'iscurigada ◊ dai candho faghet die finas a s'iscurigada istat a s'andhalitorra Terminologia scientifica sdi Etimo srd. Traduzioni Francese noircir, faire nuit Inglese nightfall Spagnolo anochecer Italiano imbrunire Tedesco sich verdunkeln.

iscuricàre iscorigài

iscuricàta iscuricàda

iscuricàu iscorigàu

iscuricónzu , nm Definizione su iscurigare, nau de sa die, de su sole, de su tempus Sinonimi e contrari iscurigamentu Etimo srd.

iscuricòre , nm: iscurigore, iscuriore, iscuriori, scuriori Definizione iscuru mortu, su no dhue àere lughe nudha, su èssere totu su logu a s'iscuru (nau fintzes de sa mente, de sa cusciéntzia) Sinonimi e contrari bujore, iscoriu, iscuru, niedhore | ctr. crarore, giaria, lucore Frasi in s'iscurigore de notes malas, dai tupa in tupa si movet un'upa (S.Casu)◊ si ghindhat a isperiare e in s'iscurigore bidet duas pubas 2. pro dare lughe a tantu iscurigore nascheit custu sole in carre umana ◊ sa die nostra, candho morit, s'eternu sou iscurigore arcanu mai piús de lughe si colorit (Sulis) Etimo srd. Traduzioni Francese ténèbres Inglese dark Spagnolo tinieblas, obscuridad Italiano tènebra Tedesco Finsternis.

iscuricósu , agt: iscurigosu, iscuriosu, iscurosu, scuriosu Definizione nau de logu, chi dhue at paga lughe; nau de colore, cotu meda, càrrigu Sinonimi e contrari abbruntzulau, bujosu, cruculiosu, fuscu, múrinu, nebidosu | ctr. giaru, lucorosu, lugosu, lumenosu Frasi candho no bi est su sole, che a denote, su logu est iscurigosu ◊ sa die si fateit iscuricosa, annuada ◊ su celu iscuriosu est totu istedhus ◊ s’intrata de sa domo fit iscurosa chi ghetaiat pore a bi pònnere pede Etimo srd. Traduzioni Francese sombre, ténébreux Inglese dark, dim Spagnolo obscuro, oscuro, sombrío Italiano oscuro, fósco, tenebróso Tedesco dunkel, finster.

iscúricu , nm: iscúrigu Sinonimi e contrari bujore, iscoriu, iscuricore, iscuru | ctr. crarore, giaria Etimo srd.

iscuridàde, iscuridàdi , nf Sinonimi e contrari bujore, iscoriu, iscuru, niedhore, scuriu.

iscurigàda iscuricàda

iscurigadólzu, iscurigadórgiu, iscurigadòrza, iscurigadórzu , nm, nf: scorigadroxu Definizione s'ora chi est iscurigandho, faendhosi note Sinonimi e contrari inchinadorzu, interinada, interighinadorzu, interrighinu, intríchinu, irmurinada, iscuricada, iscurigantina, issuriadorzu, murriadroxu | ctr. abbréschida, arborinu Frasi a s'iscurigadolzu fit ancora in campusantu ◊ sas dies colant chena si frimmare in avréschidas e iscurigadorzas chena contu Etimo srd. Traduzioni Francese noircir, faire nuit Inglese dusk Spagnolo anochecer Italiano imbrunire Tedesco sich verdunkeln.

iscurigàdu iscorigàu

iscurigài iscorigài

iscurigaméntu , nm Definizione su s'iscurigare, nau de sa die, de su sole, de su tempus, su bènnere o fàere bènnere mancu sa lughe Sinonimi e contrari iscuriconzu Etimo srd. Traduzioni Francese obscurcissement Inglese darkening Spagnolo obscurecimiento Italiano oscuraménto Tedesco Verdunklung (e).