A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

istraòre , nm Definizione fritu forte meda Sinonimi e contrari astragore*.

istraórtu istraóltu

istraossàre , vrb Definizione nau de móbbile o àteru aparatu, iscossiminzare, iscosciare; nau de ccn., pònnere o cicire istérriu a pagu incuru comente prus dhi praghet Sinonimi e contrari ildeossare, isconsiminzare 2. si at abbertu un'ombrellone pro su sole e si est istraossada in cudhu cadreone a ancas ispartas e chin sos bratzos pendhendhe.

istraótzicu , agt Sinonimi e contrari istrambóticu*.

istrapaciàre istrabassàre

istrapàciu istrabàtzu

istrapatzàda , nf Definizione su istrapatzare / fàghere, leare istrapatzadas Sinonimi e contrari cadha, múngia, rabanada Etimo itl. strapazzata.

istrapatzàre istrabatzàre

istrapàtzu istrabàtzu

istrapúnghere , vrb Definizione esagerare papandho, papare tropu Frasi si istrapunghes, pustis istas male ca su tropu istrópiat! ◊ no istrapungas sa erca!

istrapuntínu , nm Definizione min. de istrapuntu: banita pitica.

istrapúntu istrabúnta

istrascía istrachía

istrascinadúra , nf: istrasinadura Definizione su istrascinai Sinonimi e contrari trazadura, trazu, trisinadura / cdh. straxinatura Etimo srd. Traduzioni Francese action de traîner Inglese trailing Spagnolo arrastre Italiano strascinaménto Tedesco Schleppen.

istrascinài , vrb: istraxinare, istrasinai, istrasinare, strascinai Definizione pigare, portare, tirare a tragu, andhare illascinandho Sinonimi e contrari atrasinai, istrasigare, istrisignare, strisingiai, trajinare, trazare, trisinare 2. istràsinat sa vida che tilingrone in sa rena ◊ su crastu istràsinat in su lutu ◊ andhat a s’istrasina istrasina che colora Traduzioni Francese ramper, traîner Inglese to drag (along) Spagnolo arrastrar Italiano strisciare, trascinare, strascinare Tedesco kriechen, schleifen.

istrascínu , agt Sinonimi e contrari isconfusu, istragiadu, malatragiau, malatrociau Etimo itl. strascino.

istrasciósu , agt: (is-tra-sci-o-su) Definizione chi faet istrachia, nau de tempus malu meda chi faet dannu Frasi unu bentu istrasciosu atruessat totu su logu Etimo srd. Traduzioni Francese orageux Inglese stormy Spagnolo tempestuoso Italiano tempestóso Tedesco stürmisch.

istrasiàre , vrb Definizione cicire cun is cambas istiradas e su dossu unu pagu betau a daesegus, o fintzes istérrios in terra deunudotu Sinonimi e contrari abbrentuxai Etimo itl. Traduzioni Francese s'étendre, s'allonger Inglese to lie down Spagnolo tenderse, tumbarse, acostarse Italiano sdraiarsi Tedesco sich niederlegen.

istrasigàre , vrb Definizione andhare a illascinadura, illascinare, arrasigare Sinonimi e contrari allescinai, illascinare, istrascinai Frasi mi depo èssere seghestau in cara e in manos istrasigandhe murcones sicos ◊ ndhe seo essiu istràsiga istràsiga in d-un'istampu a paris a terra.

istrasigósu , agt Definizione chi est lisu e faet illascinare, no lassat arrèschere (su pei, sa manu, àteru) Sinonimi e contrari alliscinosu, illiscigaditu, lascinosu | ctr. arraspiosu, aspru Frasi in cudhas manzanadas astraosas sa bedhia faghiat s'impedradu istrasigosu (U.Curcu).