A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

istrammànchiu istramàncu

istràmpa , nf Definizione orrutòrgia mala a terra, de artu e a cropu Sinonimi e contrari istrampada, istràmpida Etimo srd.

istrampàda , nf: istrempata, istrumpada, strumpada Definizione orrutòrgia mala a terra, de artu e a cropu; fintzes betada a terra fata apostadamente (a giogu); cropu forte, atzapulada a ccn. logu Sinonimi e contrari addràbbulu, addrobbulada, arratroxa, arruta, ijonada, irdobboinada, iscorjada, isdobbinada, istràmpida, sciotada / cdh. strampata / istrumpa / atapada Modi di dire csn: giogare, gherrare a istrampadas = giogai, gherrai a istrumpas; fàghere o pònnere cosa a istrumpada = a istràmpidu Frasi a s'umbra tua t'irroches fatendhe deo s'abbaidada… dias un'istrampada chi da'inie no ti toches! ◊ s'istrampada chi damus nos bàrriat de fangu ◊ est camminandhe a piotu a piotu pro no dare carchi istrampada 2. fint giogos de gioventude, a ghintadas e a s'istrampada, pro bogare balentia ◊ su fiascu no lu ponzas a istrumpada, ca est fridu! 3. su barconitu fit totu iscancaredhatu dae sas istrempatas de su ventu Etimo srd. Traduzioni Francese chute Inglese heavy fall Spagnolo caída, desplome Italiano stramazzata Tedesco Fall.

istrampàda 1 , nf: istrempada, istrempiada 1, istrimpiada Definizione ciafu, cropu giau a cara, a trempas, a manu isprata Sinonimi e contrari bofetada, bussinada, cabbessu, ibbatulada, iscantargiara, iscavanada, istuturrone Etimo srd. Traduzioni Francese gifle Inglese backhander, box on the ear Spagnolo bofetada Italiano ceffóne, manrovèscio Tedesco Ohrfeige.

istrampàdu , pps, agt Definizione de istrampare 2. nessi castagna istrampada ti giànt!

istrampalatzína , avb Definizione fàghere sa cosa a s'i. = chentza crabbu, male.

istrampàre , vrb: istrempare, istrumpai, istrumpare, strumpai Definizione lassare andhare o betare a terra a unu, una cosa o un'animale a cropu, de botu, cun fortza, su si betare a terra; giogare a istrumpas, a s'istrumpa; atzapulare, iscúdere a ccn. logu; betare a fuliadura, fuliare / istrampare castagna = iscúdere a terra sa castanza àrrida, posta intro de unu sacu, fintzas a essire neta, ispizolada (castagna istrampada = castanza morisca cota a budhidu) Sinonimi e contrari addrabbulai, addrobbulare, betae, iscracare, istrampoinai, istrampulare, rúchere / aciapuai / imbolare Frasi iant certau e si fuant istrumpaus in terra ◊ sas cambas de sos funnos istrempaiant a terra cun sonu búitu ◊ aferrat a su pede s'animale e l'istrumpat ◊ no fatas su redossu istrampandhe sos sacos dae dossu! ◊ ndi as istrumpau un'orroli ◊ burrincu afissiau candu movit carriau s'istrumpat ◊ samunendhe s'isterzu, no istrampes sos piatos ca si segant! 2. fiu istrumpendi cun Giuanni po ci passai s'ora 3. paret unu contu irmalissiatu, ma dontzi cosa s'istrempat apare chin s'àtera ◊ at istrempau a forte s'isportellitu de su barcone ◊ at picatu su lèpore galu viu e li at istrempatu sa conca a una preta 4. si no mi lassas passare ti aferro a s'anca e ti che istrampo a mare! ◊ a terra ti che istrampo, mih, si no l'agabbas! Etimo srd. Traduzioni Francese jeter par terre, abattre, s'abattre Inglese to fall heavily, to pull down Spagnolo derribar Italiano buttare a tèrra, abbàttere, stramazzare Tedesco niederschlagen, zu Boden werfen.

istrampasinàtzu , agt Definizione chi faet sa cosa chentza crabbu, chentza ndhe cumprèndhere / fàghere sa cosa, faedhare a s'istrampasinatza = a s'istrampalatzina Sinonimi e contrari ildeoltu, ilgrabbuladu, istramu.

istrampída, istràmpida , nf, nm: istrampidu, istràmpidu Definizione su istrampare, su pònnere o betare de botu, a cropu, s'isciorrocu chi faet orruendho a cropu una cosa (e sa persona etotu), atzapulandho a terra / a i. = istrampendhe, a faladura a corpu, a frundhinu Sinonimi e contrari istrampa, istrampada / istràmpinu 2. che l'ant postu a istràmpidu e l'ant segadu ◊ rúere a istràmpidu ◊ comente l'ant puntu, ndh'est istupadu su sàmbene a bullone e rutu est a istràmpidu ◊ lassesit annare sas valígias a istràmpidu ◊ comente l'ant dassadu andhare a istràmpidu at iscumeradu che cadhu ◊ in s'iscala no fales a istràmpidu! Etimo srd. Traduzioni Francese chute, coup, bruit sourd Inglese bump, fall Spagnolo caída, ruido producido al caerse Italiano caduta, bòtto, tónfo Tedesco Sturz.

istrampidàda , nf Sinonimi e contrari istripidada Etimo srd.

istrampidàre , vrb Definizione atzapulare a forte, istrampare Sinonimi e contrari aciapuai, addobbai, atapai 1 Frasi su ventu est surviandhe forte, istrampidandhe zannas e bentanas Etimo srd.

istrampídu, istràmpidu istrampída

istrampíle , nm Definizione logu malu de orrocas artas e fossos, iscrébigu Sinonimi e contrari ispéntimu, ispérruma, péntuma Terminologia scientifica slg.

istràmpinu , avb Definizione a i. = orruendho de artu Sinonimi e contrari istràmpida Frasi s'abba falat a sa pischina a istràmpinu Etimo srd.

istrampizàre , vrb Definizione fàere istribitu, moida de passos Sinonimi e contrari istribitare, istripizare Etimo srd.

istrampoinài , vrb: istrampuinai, stramponiai Definizione imbolare, brinchidare a terra (de logu o cosa in artu) Sinonimi e contrari irburbutzae, istrampare, istrampulare, scioginai Frasi comenti at inténdiru ca cudha nui mala no nci fut prus si nd'est istrampoinau de su letu ◊ candu eus inténdiu cussu si ndi seus istrampuinaus de su letu! Etimo srd.

istràmpu , nm: istrumpu, strumpu Definizione logu malu de orroca, artu, de ue si che podet orrúere (fintzes orrutòrgia a terra, istràmpidu); orroca arta de ue s'abba de un'erriu orruet a bàsciu, scabiossu de àcuas / rispòndhere a istrumpu = rispòndhere cun pore Sinonimi e contrari irrocadolzu, ispéntimu, scabiossu, spérruma / istrampa, istrampada / spéndula, turràrgiu Frasi su riu abbiat sa costera saltiendhe in matedos e istrampos ◊ tra pedras tundhas e istrumpos, su riu falat muendhe ◊ a Murenu che l'ant betadu de un'istrampu ◊ ti apo a bídere rutu in calchi istrampu 2. nimmancu is doloris prus mannus ant a trumbullai límpius arrius chi a istrumpu si ant a imprassai (T.Piredda) Terminologia scientifica slg Etimo srd. Traduzioni Francese précipice, escarpement, cascade Inglese precipice, waterfall Spagnolo precipicio, cascada Italiano precipìzio, dirupo, cascata Tedesco Absturz, Sturz, Wasserfall.

istrampuinài istrampoinài

istrampulàre , vrb Sinonimi e contrari istrampoinai, istrampare Frasi cudhos duos gherrandhe a istrumpa si sunt istrampulaos a terra Etimo srd.

istràmu , agt: stramu Definizione nau de ccn., chi no est àbbile, chi no tenet crabbu faendho is cosas, chi dhas faet chentza giare atentzione, faendho dannu puru Sinonimi e contrari iddonau, ildeoltu, irgestu, istrònscia, smarvau / cdh. scatólciu | ctr. aggrabbadu, ammodau, assetiosu Frasi ma ses istramu, lah: pigas sa cosa e ti arruit a terra! ◊ emu connotu a unu… istramu? arruiat a dogna passu! Traduzioni Francese étourdi, maladroit Inglese ackward, foiled Spagnolo torpe, desmañado Italiano sventato, maldèstro Tedesco leichtsinnig, ungeschickt.